انت حالك احسن من حالي!
عرض للطباعة
انت حالك احسن من حالي!
انا معاك انها مشكلة مجتمع التعامل معاه بجيب احباط
بس ايه النتيجة عاوز تستسلم وتقول ما فيش فايدة
لا اتفق معك ومش لازم كل الي نحلم بيه يتحقق ولكن مجرد الحلم ده شيء جميل
ومحاولة الوصول ليه ده شيء اجمل واذا قدرت تحققه ده قمة الجمال والسعادة وهتقعد تضحك علي كل الي مر عليك وانت بتحقق حلمك
انا عارف ان فيه ناس حوالينا شغلتهم يهدمو الاحلام ويخنوقوها ودول لازم ميكونش ليهم تأثير علينا لو كل واحد فينا قابل شيء محبط استسلم مكنش يبقي فيه ناجحين ابدا
نفرض انك مش قادر تحقق طموح ما حاول مرة اخري واخري .... معرفتش سيبه وابعد عنه خالص وشوف غيره هو الي هيجيلك لواحده من غير تعب بس دايما لازم يكون عندك شيء عاوز تعرفه او مهارة عاوز تتعلمها ولا تقف عند حد معين وتقول بس كده تمام ,مافيش فايدة
عايزة اسألكم سؤال
انتم لية بقت حياتكم كئيبة وفاضية
اولا التفكير فى بكرة حيموتكم سبها لربنا
ثانيا الروتين اللى مبيتغرش اعمل حاجة جديدة
ثالثا الناس اللى بتشوفهم هما هما شوف ناس جديدةولو تروح دار مسنين
رابعا زهقت من الشغل وقرفه خلى نيتك ان عملك واجب لربنا
كتير حاولت اسأل نفسي ليه انا دايما حاسة بالملل والزهق حتي وانا مشغولة او بخرج او بسافر رغم ان ربنا انعم عليا بنعم كتير جدا لو فضلت احمده عليها طول عمري مش هيكفي بجد مش لاقية اجابة بس اعتقد ان الانسان اللي في طبعه اصلا مش اجتماعي بيكون دايما حاسس بالوحدة والملل حتي وهو وسط الناس بحس انها طبيعة في الشخصية ولا يمكن التغلب عليها الا باننا نبقي مع ناس بيفهمونا وبيحسوا بينا وبطبيعتنا دي ولكن معتقدش ان الحالة دي ليها علاقة بحال البلد او حال الناس اعتقد انها بتتعلق بالشخصية
اظم انها فترة وهتعدي
الواحد ساعات بتعدي علية ايام مش بيكون طايق نفسة من الملل
بس حاول تغير يوومك
بس سؤال يادوك
انت رافض فكرة الخطووبة والجوااز لييية ؟
سببين والله يابوحميد
الأول::
إني مش عاوز أدور في طاحونة الزواج..شغل+عيال+مصاريف+مسؤ ية+إلتزام
ومش عاوز أعلق حد في رقبتي..وبالذات إني مجنون
وممكن أعمل أي حاجة تخطر على بالي فجأة مهما كانت نتايجها
يعني ممكن لو هيا خنقتني في يوم ..أصبر
لو خنقتني تاني..أطلقها
ومش عاوز حد يعد عليا أنفاسي ويشاركي خصوصياتي
التاني::
كانت بنت واحدة بس إلي أنا كنت مستعد أدخل طاحون الجواز علشانها
وللأسف
راحت لصاحب نصيبها
وبس
عاوز اقول لك، جيت على الجرح يا دكتور، مع الفرق انى 19 سنة، والحالة دى عندى من كذا سنه
وفعلا كلامك صح، الواحد هيفضل طول حياته فى صراعات، وكل مايخرج من عنق زجاجة زي مابيقولوا، يكتشف نفسه انه بقى جوه زجاجة أكبر من اللى فاتت، وانه عليه يخرج من عنقها برضة، وهاكذا لحد ما يقابل وجه كريم، أو يقعد فى قعر أخر زجاجة وصلها
وساعات كتير بسأل نفسى، ايه الهدف من اللى بعمله؟؟؟؟واية اخرته؟؟؟
بس بجى فى الأخر وأقول ان ربنا أكيد خلقنى علشان سبب، وعلشان أفتح الباب لحاجة تنية، ممكن تبقى فى ولادى فى أحفادى، فى حد يقرا الكلام دة ويهتدى لحاجة كانت تيها عنه فتغير حاجة من حياته أو حياة اللى حولية
بس أنت عارف سبب المشلكة دى اية؟؟؟ أن الواحد بيفكر كتير، والتفكير زى ماهو نعمة فهو نقمة، وكلما زادت معرفة الأنسان أزداد شقاءه، وكما قال الله تعالى(يا أيها الذين آمنوا لا تسألوا عن أشياء إن تبد لكم تسؤكم) صدق الله العظيم
وانا ملاحظ ان اللى مشتكى من الحالة دة دكترة ومهندسين، فهل دة لية علاقة بطبيعة الدراسة اللى بتفرض عليه التفكير d: D:
هاقلك علي حااجة
الواحد هايفضل كدة لامتي
هيا دة سنة الحياااة يعني
مالناش اختياار فيها
اكيد فترة وهتعدي انشاء الله
هل تصلى ؟
الكلمتين دول هما الحل لكل المشاكل النفسية
ياجماعة الموضوع تفسيره واضح .. فيه اكتئاب بيجي لفترات صغيره والفتره دي بتبقى مصحوبة بقرارات غبية وتصرفات اغبى والواحد بيحس انه فاشل ومالوش لزوم ف الدنيا و دي بنسميها انخفاض الايقاع الحيوى ودي بتروح وحدها .. وفيه فترات اكتئاب طويله ودي بتيجي للواحد بعد مايكون حقق جزء كبير من اهدافه ف الحياه بس مع الجري ف الحياه الوحدة والروتين سببوله ارهاق خلاه مالوش نفس يعمل حاجه جديده ودي فتره علاجها الصلاه واجازة طويلة و الرجوع للماضى .. دور علي اصحابك القدام أوسافر اسكندرية ف الشتا بتبقا روعة وغالبا مع أول مشكلة بتظهر ف حياتك بتنشغل بحلها وبتنفض للدلع ده .. وصدقنى لو دورت جواك هاتلاقي الف سبب يخليك تستمر ف حياتك .. دور بنفسك جوا نفسك