الموضوع: سيبارو 2001((برجاء المساعدة))

[frame="9 10"]
السلام عليكم و رحمة الله و بركاتة
برجاء المساعدة من السادة الاعضاء للاهمية
الموضوع بسيط جدا جدا
انا حاليا ربنا انعم عليا بالعمل فى السعودية و داخل مكة ((الحمد لله))
وطبعا محتاج عربية لزوم التنقل خاصة مع وجود الاسرة معى
معروض عليا عربية سيبارو فول ابشن موديل 2001مانول

المميزات
1- الموديل 2001
2- الموتور 2000سى سى
3- عزم الموتور اعتقد انة كويس لعدة اسباب
ا) كبس الموتور عند سد فتحة الشكمان عالى و معرفتش اطفى الموتور من الشكمان بسبب ضغطة العالى
2) طلعت بالعربية على الغيار الثانى و كنا ثلاثة فى العربية و كان النتيجة مرضية
3) السحب مرضى جدا جدا
4)مفيش دخنة ولا ريحة زيت او اى شى عند الضغط على دواسة البنزين طالعة من الشكمان
4- الحالة العامة للصاج مقبولة ولا يوجد صدمات او جروح قوية فى الدهان
5- اضاءة زنون
6-اكتر من 90%من انظمة الكهرباء تعمل فى السيارة
7-كاسيت و سى دى تحفة
8-الدفع رباعى طبعا
9-مريات جانبية كهرباء
10-طبعا سنتر و زجاج كهرباء يعمل
العيوب
1- مثبت السرعة لا يعمل
2- نظام مانع الانذلاق لا يعمل ABS((حيتم الاصلاح على حساب المالك))
3-التكييف بارد مع السرعة فقط ولاكن عند الوقوف بيكون غير عملى
4-تحتاج السيارة الى تغيير بلية عجلة خلفية يسار و مساعد امامى يمين
5-شوية شغل خفيف فى الكهرباء
6-الزجاج الامامى بة شرخ كبير محتاج يتغير
7-المراية اليسار اتجة السائق تعمل بكفائة 50%
8-سمكرة واضحة فى مراية الشنطة بس فوق الارضية من الداخل

طبعا انا طولت عليكم
بس انا محتار اشترى ولا ابعد
العيوب دى صعبة ولا عادى
طبعا السعر بكل المقاييس بنسبة لمصر يعتبر تحفة
السعر 10.000ريال
وتكلفة النقل الملكية و بعض الاصلحات تقريبا 1000ريال
كمان خلى بالك ان العربية دى تكلفة قطع غيارها غالية فى السعودية و كمان اعادة البيع غير مضمون
اشترى ولا العيوب دى كتير
طبعا انا بصلى استخارة على طول
بس بجد انا محتار
ارجو المساعدة
[/frame]

[frame="9 10"]
انا سئلت امبارح اكتر من ميكانيكى عن العربية
للاسف اكتشفت ان السعر المطلوب بالنسبة لحالة العربية كتييير جدا
وكمان ان اسعار السيبارو المستعمل بالذات وقعة جدا جدا
وكمان تكلفة اصلاحات العيوب الى فى العربية حيكلف جامد اكتر من المتوقع
انا صرفت نظر عنها
ادعولى اعرف الاقى عربية تانية و بحالة و سعر كويس
[/frame]