القيادة فى مصر المحروسة والمواقف اليومية التى نتعرض لها

اقتباس:

---

المشاركة الأصلية كتبت بواسطة rerii

انا هحكى بقى موقفين حصلولى والاتنين عصبونى جدااااااا ودول طبعا من مواقف كتير حصلتلى

الاول لسه حاصلى النهارده:

كنت راجعه من القاهرة عالطريق الصحراوى والطريق بيضيق فى مكان وبيبقى حارتين واودامى عربية وانا فى الحارة اليمين وجنبها عربيه فى الحارة الشمال وبينى وبين اللى اودامى مسافه والاقيلكوا فجأة اللى اودامى فرمل من غير ادنى سبب ووقف مكانه لا خد يمين ولا هدى ولا اى حاجه ولولا انى كنت مش مسرعة اوى وحدفت شمال كان زمانى خبطته عالسرعه اللى انا ماشيه عليها

بصيت على الراجل وانا ماشيه تفتكروا وقف الوقفة دى ليه ؟؟؟؟؟؟؟؟؟؟؟؟؟؟؟؟؟

عشان يرد عالموبايل :_alshmokh08[1]:

تعرفوا والله مبقتش عارفه اعمل فيه ايه

الموقف التانى حصلى من حوالى اسبوع :

كنت ماشيه عاليمين وبسرعتى والاقى عربية من غير ادنى سبب حدفت عليا حدفة زى الفل لدرجة انى ضربت فرامل بكل قوتى لان خلاص كنت تقريبا فى الاكصدام عنده وفى نفس الوقت الكلاكس بتاعى صحى امة لا اله الا الله

والراجل خد الامور بكل بساطة وكمل مسيرته فى اتجاه الحارة اليمين بصيت عليه ومبقتش عارفة اولع فيه وللا فى نفسى وللا فى الشارع وللا ايه وتأهبت وفتحت الشباك عشان اهزقه ببص لاقيت النجوم على كتفه حبه حلوين كده:w6266d

قلت يابنتى خليكى الاحسن والمسامح كريم :t_thum1[1]:

بصراحة خفت مروحش بيتنا لو نطقت:120146b

---

أعتقد ان ديه فتنه مغرضه ضد الرجاله لإن الرد على الموبايل والحدف على اللي جنبك مهاره خاصه بالستات محترفين فيهه ولا يشاركهن فيها أحد

اقتباس:

---

قلت يابنتى خليكى الاحسن والمسامح كريم :T_thum1[1]:

---

بسبب ردود الأفعال الغير متوقعة من الناس في حالة العتاب او محاولة تصحيح غلط يبقى الأعصاب في التلاجة وربنا يصبر ويفضل عدم الاحتكاك تماما باي حد


موقف تاني غريب اوي برضة : قاعد مع واحد صاحبي في عربيته وراكنين - عادي زي اي عربية راكنة موازي للرصيف - تقوم واحد ست بعربية لانسر خابطة المراية الشمال بتاعتنا ومشيت من غير ماتدوس فرامل حتى
ولما جرينا وراها ونزلنا نكلمها - من بعيد عشان ماتفهمناش غلط - قالتلنا انا ماخبطتش حد !! قلنالها دي المراية اهي مكسورة لسة حالا راحت مزعقة لصاحبي قالتله عشان تتعلم تبص في مرايتك وانت طالع من الركنة !!!!!!!! طبعاً : no comment وحالة ذهووووول تام مننا

اقتباس:

---

المشاركة الأصلية كتبت بواسطة cyborg_ift

أعتقد ان ديه فتنه مغرضه ضد الرجاله لإن الرد على الموبايل والحدف على اللي جنبك مهاره خاصه بالستات محترفين فيهه ولا يشاركهن فيها أحد

---

+11111111111111

انا متعلم سواقة جديد -مكملتش تلت اسابيع سواقة- اول موقف حصلي من يومين..لقيت عربية 127 بتحدف يمين عليا جامد
بس الحمد لله بعدت عنها و مكانش فيه حد جنبي لما بصيت عليها لقيت ست هي اللي سايقة ..بابا كان جنبي قالي دا العادي بتاعهم :)

اقتباس:

---

المشاركة الأصلية كتبت بواسطة ibrahimmostafa

+11111111111111

انا متعلم سواقة جديد -مكملتش تلت اسابيع سواقة- اول موقف حصلي من يومين..لقيت عربية 127 بتحدف يمين عليا جامد
بس الحمد لله بعدت عنها و مكانش فيه حد جنبي لما بصيت عليها لقيت ست هي اللي سايقة ..بابا كان جنبي قالي دا العادي بتاعهم :)

---

على فكره بابا ده خبره متنساش تسلملي عليه

اقتباس:

---

المشاركة الأصلية كتبت بواسطة yoko

إنت متأكد إن الراجل الي إعتذر ده مصري

---

ليه بس كده !!!

اكيد لسه في ناس كويسه في مصر مخلصوش بس فعلا هما قليلين جدا :120146b

اقتباس:

---

+11111111111111

انا متعلم سواقة جديد -مكملتش تلت اسابيع سواقة- اول موقف حصلي من يومين..لقيت عربية 127 بتحدف يمين عليا جامد
بس الحمد لله بعدت عنها و مكانش فيه حد جنبي لما بصيت عليها لقيت ست هي اللي سايقة ..بابا كان جنبي قالي دا العادي بتاعهم :)

---

اقتباس:

---

عتقد ان ديه فتنه مغرضه ضد الرجاله لإن الرد على الموبايل والحدف على اللي جنبك مهاره خاصه بالستات محترفين فيهه ولا يشاركهن فيها أحد

---

على فكرة انا مش هقول انكوا غلط فعلا فيه ستات مستفزة جدا فى السواقه لدرجة انهم بيعصبونى انا وانا بنت زيهم

بس هقولكوا حاجه انا مثلا اول مابدأت اسوق لاحظت ان الناس بتستهيفنى علشان انا بنت مش اكتر على الرغم انى الحمد لله بسوق حلو وبقالى سنتين بسوق مانوال وبسافر من الزقازيق للقاهرة يوميا رايح جاى وبشهادة ولاد كتير ان سواقتى كويسه جدا ومحترمة وبتبع القوانين

الا انى لاقيت الرجاله بتستهيفنى وتحدف عليا عشان يخوفونى ويعدوا وطبعا كنت بقف لانهم كانوا بيستبيعوا فضلت محترمة معاهم فترة وبرضه مفيش فايده غير طبعا المضايقات من اللى سايقين لمجرد انى بنت وعلى فكرة كل صاحباتى بيتعرضوا لمواقف بايخة فاضطريت انى اغلس على اللى يغلس عليا يعنى لو واحد جاى بيجرى ومصر يعدى غلاسه ويحدف عليا مبعديهوش غير بمزاجى عشان كده خدوا فكرة عن الستات انهم رخما بس لكل فعل رد فعل هما اللى بدأوا والله انا فى الطبيعى مبغلسش بالعكس ممكن اقف واعدى الاتجاه التانى كمان بس اللى بيرخم عليا برخم عليه

وده ميمنعش ان فيه ستات ببقى عاوزة اولع فيهم وقابلت مثلا واحدة من يومين وانا ماشيه فى طريق رئيسى بسرعتى وشايفاها عايزة تخرج من شارع جانبى وهى اصلا واقفه فدوست على الكلاكس عشان مش هقدر اعديها وماشيه فى طريقى اصرت تقطع الطريق عليا وانا كنت مسرعه فضربت كلاكس طويل لاقتها هتنزل تضربنى وبتشاور بايديها انى انا الغلطانه فبصتلها من فوق لتحت وكملت طريقى

السواقه ملهاش علاقه براجل وست السواقه قوانين امان وسلامة وخبرة على الطريق وسرعة بديهه فى التعامل مع الموقف والست زى الراجل عندها مخ وبتفكر

والدليل على كده ان سواقينت الميكروباصات والنص نقل رجالة وعالرغم من كده سورى يعنى مبيفهموش حاجه وماشيين عمالين يموتوا فى الناس

اقتباس:

---

المشاركة الأصلية كتبت بواسطة rerii

على فكرة انا مش هقول انكوا غلط فعلا فيه ستات مستفزة جدا فى السواقه لدرجة انهم بيعصبونى انا وانا بنت زيهم

بس هقولكوا حاجه انا مثلا اول مابدأت اسوق لاحظت ان الناس بتستهيفنى علشان انا بنت مش اكتر على الرغم انى الحمد لله بسوق حلو وبقالى سنتين بسوق مانوال وبسافر من الزقازيق للقاهرة يوميا رايح جاى وبشهادة ولاد كتير ان سواقتى كويسه جدا ومحترمة وبتبع القوانين

الا انى لاقيت الرجاله بتستهيفنى وتحدف عليا عشان يخوفونى ويعدوا وطبعا كنت بقف لانهم كانوا بيستبيعوا فضلت محترمة معاهم فترة وبرضه مفيش فايده غير طبعا المضايقات من اللى سايقين لمجرد انى بنت وعلى فكرة كل صاحباتى بيتعرضوا لمواقف بايخة فاضطريت انى اغلس على اللى يغلس عليا يعنى لو واحد جاى بيجرى ومصر يعدى غلاسه ويحدف عليا مبعديهوش غير بمزاجى عشان كده خدوا فكرة عن الستات انهم رخما بس لكل فعل رد فعل هما اللى بدأوا والله انا فى الطبيعى مبغلسش بالعكس ممكن اقف واعدى الاتجاه التانى كمان بس اللى بيرخم عليا برخم عليه

وده ميمنعش ان فيه ستات ببقى عاوزة اولع فيهم وقابلت مثلا واحدة من يومين وانا ماشيه فى طريق رئيسى بسرعتى وشايفاها عايزة تخرج من شارع جانبى وهى اصلا واقفه فدوست على الكلاكس عشان مش هقدر اعديها وماشيه فى طريقى اصرت تقطع الطريق عليا وانا كنت مسرعه فضربت كلاكس طويل لاقتها هتنزل تضربنى وبتشاور بايديها انى انا الغلطانه فبصتلها من فوق لتحت وكملت طريقى

السواقه ملهاش علاقه براجل وست السواقه قوانين امان وسلامة وخبرة على الطريق وسرعة بديهه فى التعامل مع الموقف والست زى الراجل عندها مخ وبتفكر

والدليل على كده ان سواقينت الميكروباصات والنص نقل رجالة وعالرغم من كده سورى يعنى مبيفهموش حاجه وماشيين عمالين يموتوا فى الناس

---

ربنا يديكي الصحه وبقيت الستات يتعدوا منك ويعرفول يسوقوا

موقف لذيذ حصلي انهارده ... روحت الشغل بدري الساعه 7:30 أخد شويت ورق علشان نازل مأموريه المهم نزلت لقيت رفرف العربيه اللي قدام ناحية السواق متطبق مع العلم ان الناحيه ديه قدامهه حيطه يعني الخبطه من الجنب في جراج الشركه يبقا اللي خبطني من الشركه ... طبعا اتعفرت مش علشان الخبطه لأ علشان المفروض اللي غلط يعتذر حتى علشان احنا زمايل على أقل تقدير... بتوع الأمن حبايبي جدا روحتلهم وخليتهم يرجعوا شرايط مراقبة الجراج طلع ان اللي خابطني السكرتيره بتاعت رئيس مجلس الإدارة بعتلهه في الأمن ووريتهه اللي عملته فرد فعلهه انهه قعدت تعيط وتعيط وأنا بصراحه قعدت أضحك وأقولهه يا سيتي خلاص بس المفروض اننا زمايل وهيه تعيط وبقيت انا اللي احايل مع إني المفروض اللي أتحايل

اقتباس:

---

المشاركة الأصلية كتبت بواسطة cyborg_ift

ربنا يديكي الصحه وبقيت الستات يتعدوا منك ويعرفول يسوقوا

موقف لذيذ حصلي انهارده ... روحت الشغل بدري الساعه 7:30 أخد شويت ورق علشان نازل مأموريه المهم نزلت لقيت رفرف العربيه اللي قدام ناحية السواق متطبق مع العلم ان الناحيه ديه قدامهه حيطه يعني الخبطه من الجنب في جراج الشركه يبقا اللي خبطني من الشركه ... طبعا اتعفرت مش علشان الخبطه لأ علشان المفروض اللي غلط يعتذر حتى علشان احنا زمايل على أقل تقدير... بتوع الأمن حبايبي جدا روحتلهم وخليتهم يرجعوا شرايط مراقبة الجراج طلع ان اللي خابطني السكرتيره بتاعت رئيس مجلس الإدارة بعتلهه في الأمن ووريتهه اللي عملته فرد فعلهه انهه قعدت تعيط وتعيط وأنا بصراحه قعدت أضحك وأقولهه يا سيتي خلاص بس المفروض اننا زمايل وهيه تعيط وبقيت انا اللي احايل مع إني المفروض اللي أتحايل

---

يعني ضحكت عليك بدمعتين :C_laugh[1]:

اقتباس:

---

المشاركة الأصلية كتبت بواسطة hussein_emara

يعني ضحكت عليك بدمعتين :c_laugh[1]:

---

يا باشا ده من أهم أسلحه عندهم لرد أي عدوان عليهم وإن مجبش نتيجه بيضطروا يلجأوا للأسلحه المحظوره دولياً :049:

ههههههههههههههههههههههه محظورة دوليا ايه انتوا حسستونى اننا مجرمين حرب

هى غلطانة بس تلاقوها معرفتش تتصرف البنت فى المواقف دى بتضرب لخمة وبتتخض بس من رأيى انها كانت تسأل دى عربية مين وتروح تعتذرله وتعرض عليه كمان التصليح