هل يضايقك وضعية العدادات فى منتصف التابلوه ؟
وهل هذه الوضعية تشكل خطورة على قائدى السيارات من لفت انتباههم عن الطريق ؟ ام انها افضل من جوانب اخرى ؟
هل يضايقك وضعية العدادات فى منتصف التابلوه ؟
وهل هذه الوضعية تشكل خطورة على قائدى السيارات من لفت انتباههم عن الطريق ؟ ام انها افضل من جوانب اخرى ؟
دي الحاجه الوحيده اللي مخلياني أكره عربيه اسمها يارس
انا بكره الي اخترع التابلوه الي في النصف ده
المعلومات دي ليا انا ! انا بس ! :)
بس في سيارات مزجت الاتنين و ده وكويس .
البيجو 307 حطت العدادات خلف المقود
و الكومبيوتر و المعلموات و الراديو و السي دي في النصف :)
مع إحترمي لكل الأراء...... إللي عمل التابلوة في المنتصف دة إنسان مفكر ومبدع......... وكل إللي بيقول غير كدة يبقى بيتكلم من دون تجربة نهائي وبكدة يبقى رأية غير موضوعي!
انا مثلا كنت كارة فكرة العدادات في المنتصف إللي في الياريس وقلت معلش علشان حابب العربية العدادات تهون......... ولكن....... كانت المفاجأة إنها سهلة جدا جدا جدا .... بل إني كنت لسة بقول لواحد صاحبي المفروض كل العربيات عداداتها تبقى في النص! إللي مش مصدق يجرب بس يجرب يسوق مش يبص من برة وبس!
على فكرة طول عمري كنت بسوق هيونداي إكسيل وبعدها بولو وبصراحة الفرق كبييييير وأحلى لصالح عدادات الياريس! وإسأل مجرب! كفاية إنك شايف العدادات كلها او لامحها من غير ادني تعب وكمان شايف الطريق وعمرك ما تنى إشارة او تغفل عن لمبة تنبية في العداددات!
خلف عجلة القياده
بس مبيفرقش معايا لان عندى استعداد اتعامل مع اى وضعية حتى لو حطوها فى الشنطه
عن تجربة الاتنين واحد مافيش مشكلة في النص
انا الصراحه مستخدمتش العداد اللى فى النص
بس متفرقش معايا الصراحه
العداد اللى فى منتصف التابلوه حلو وحاجة جديدة
بس مش هتفرق كتيرالمهم العدادات تبقى واضحة ومريحة للعين
العدادات فى المنتصف فكرة عبقرية ولكن لمنتجى السيارات فقط , علشان تسمح بانتاج تابلوه واحد للسيارات ذات الدركسيون يمين او شمال
Left Hand Drive , Right Hand Drive
اما بالنسبة للسائق فانا افضل ان تكون العدادات خلف المقود بحيث لااحتاج لوى رقبتى لاتايع العدادات و لمبات التحذير و غيرة
ولامانع طبعا ان تكون الاجهزة الثانوية ( سى دى , تكييف ,ساعة .... الخ فى منتصف التابلوه حتى يستطيع الراكب اللى جنبى التحكم فيها
اخص على منتصف التابلوووووووووه !!!
انا كارهة الياريس و الماتريكس من منتصف التابلوه دة :(
الاخ CryptonX
يا عم ما تزعلش! هيا بس زادت مني شوية حكاية "غير موضوعي" وبصراحة ما كانتش في "موضوعيتها" :) وإية يعني عندي ياريس؟ هيل شتيمة ولا إية:)
وعلى فكرة انا كنت فاكر إني الوحيد إللي بيستخدم علامات التعجب كتييييير...... طلعنا إتنين:)
انا اظن انه اللي خلف المقود احسن بكتييير
يا جماعه العدادات افضل مكان ليها خلف المقود انا جربت الاتنين مابتفرقش معايا بس العدادات معموله للسواق بس مش السواق والركاب اللي معاه
اكيد خلف المقود انما فى النصف عن نفسى انا مش باطيقها باحس ان فى حاجة غلط و ان كان ليها ميزة واحدة بس و هى انك تقدر ترفع و تنزل الدركسيون زى ما انت عايز من غير ما تدارى اى حاجة من العدادات
سؤال جميل فعلاً ..باحييك يا sherif80 على طرح الموضوع
طبعاً هى مسألة حرية شخصية بحتة ان الواحد يقول ..... (التابلوة اللى فى النص دة )
مابطيقوشششششششششششششششششش ششششششششششششششششششششششششش
وعشان ماحدش يقول دة تجنى على عبقرية التصميم دى ...يبقى الاسباب اهة :
مسائل نفسية :
التابلوة الخاص بالقيادة ..هو حيز خاص لقائد السيارة لابد ان يتوافر فية الخصوصية- عدم ملاحظة او تتيع احد من الركاب لما يدور داخل مقصورة القيادة (اذا اعتبرنا السيارة ليست مجرد عربية فقط ).... من الاتى
والتى صعب تحقيقها فى ظل وجود هذة العناصر المستفزة
متابعة السرعة - ظهور اى مؤشرات تحذيرية - رؤية المسافات المقطوعة -التعليق على اى اضاءات يتم ظهورها فى التابلوة -....)
-السيارة الخاصة هى ليست سيارة ركوب عامة ..لذلك فلا يوجد ادنى داعى لتقريب عناصر القيادة من احد الركاب او وضعها فى مرمى بصرة .
مسائل فى القيادة :
القيادة المحترفة هى تجميع لعدد لا نهائى من القرارات السريعة خلال كسور من الثانية
تابلوة المنتصف ينقسم الى نوعين
النوع الاول : وجود العدادات وكل عناصر التحكم و التحذير
(All Dashboard Components) فى المنتصف
-اضفاء نوع من التركيز النسبى مع هذة المنطقة ( الجانب الايمن )
- اذا كان عنصر الشمس و الاضاءة مائلاً فى هذا الاتجاة ..يكون (ملاحظة ) اى اضاءة تحذيرية صعب جداً
-الاغلب انة لايهتم السائق بمراقبة اى تغيير فى عناصر التنبية (منعاً ) لتشتت الانتباة ...ويكتفى فقط على الاصوات التحذيرية .
النوع الثانى : وجود العدادات فقط فى المنتصف الايمن ...بينما ال Dashboard (الاضاءات التحذيرية و اضاءات التشغيل ) امام السائق
-توزيع الاهتمام على نقطتين تركيز ( الجانب المنتصفى الايمن ) و (الجانب الامامى الاسفل قليلاً )
-عند وجود قرار يعتمد على (عدادات + اضاءات ) يأخذ وقت اطول فى اتخاذ القرار (ثوانى قد تكون هامة للغاية )
-المتابعة و الاهتمام لابد ان يستأثر بها اى من الطرفين (طبيعة اى انسان ) أى عدم انتظام المتابعة و الاهتمام لكل منطقة بالتساوى
مسائل تصميمية و فنية :
-اعطاء احساس بضيق المسافة للراكب بجانب السائق ...مهما كانت الابعاد كبيرة .
- السائق معرض فى اى وقت لقطع مجال الرؤية أو (خط الرؤية بينة و بين التابلوة) اللى مفروض انة معتمد علية فى القيادة ..وذلك بواسطى اللى راكب جنبة سواء (ايد-جرنال-ملابس متأثرة بالهواء ....اى حاجة ) .
-صعوبة اعمال الصيانة ..التى تستلزم فك التابلوة بأكملة للوصول الى هذة المنطقة .
-تكبير مساحة التابلوة المغلق معظمة على الفاضى بعرض السيارة كلها (توصيلات )
مجرد راكب مالوش فى اى حاجة ....
هو الزرار دة بتاع اية ؟ :rolleyes:.... الحق فىلمبة حمرا نورت ... هو انت ماشى على 60 لية ؟ ...
خد بالك العربية بتسخن ... هو العداد دة بيلعب كدة لية .... يا راجل زود بنزين شوية ....خلى بالك فى رادار انت قربت من ال 90 ..هو الجرس دة يعنى اية ... يا اخى حاجة غريبة لازمتة اية اتنين عداد ما كفاية واحد .....هى اللمبة الخضرا دى منورة كدة على طول ...... هى العربية هاتعطل قريب
حاسسسسسسسب البنزين قرب يخلص ...:eek:بقولك اية ..ممكن اسوق شوية :p
:D:D:D
ما حدش قال رأيه في عداد السرعة الدجيتال الكوارتز المدمج في الزجاج الامامي ..
انا اعرف انها موجودة في بعض عربيات صيني
انا بيتهيالى ان مكانة الطبيعى ورا الدريكسيون ومحدش هيقدر يغير من دا
بصوا لكل العربيات الى فى العالم هتلاقوه ورا المقود (بوجاتى - لامبورجينى - مايباخ - مرسيديس - فيراراى - مازيراتى - بى ام دبليو) فا مش هيجى واحد عاملى تويوتا ياريس (عربية العيال بتروح بيها المدارس- مش اوى كدا يعنى:d) يعدل على دا كلو :d
بس انا على فكرة معايا ياريس وعجبانى جدا رغم انى معترض على مكان التابلوة دا ميخلينيش اغير راى فيها ابدا (عربية جامدةةةةةةةةةةةة):d:d:d:d:d:d:d:d
اةة نسيت اقول حاجة
يعنى متجبليش 128 عدادة ورا الدركسيون وتقولى دا احسن من الياريس :D
ولا تجيبلى ماتريكس (نبعد عن الياريس شوية ) :D وتقولى دى احسن من الاس كلاس علشان انتا بتحب الى فى النص :d
:dهو ورا الدركسيون هو انا جايب العداد ليا ولا للراكب جنبى
طيب ميعملو دركسيون تانى ويخلو العداد فى النص على الاتنين الل سايقييين ميتخانقوش
لا انا من انصار العداد اللى ورا الدركسيون فى مكانه الطبيعى من اول 133 لحد ال Bmw
مع احترامى هو محدش بيبص على المرايا اليمين و لا ايه
بيتهيقلى العدادات الى فى النص هتبقى اقرب من المرايه
فمعتقدش انها هتبقى صعبه او فيها مشكله
:dوهو احان بنبص عليها كام مرة وبتبص عليها هى اكتر ولا على العداد
فكرة تعبانة جدااااااااااااااااااااااا ااااااااااااااااااااا التابلوه اللي في النص ده بكرهه انا والدي كان هيجيب ياريس بالفعل جنب الابيزا بس اول ما شاف الحركة دي مجابهاش بس هي مسألة ارتياح انا بحس اني هتحول لاني اعدت في الماتريكس افضل وضعية خلف المقود
Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzaaaaaaaaaaaaaa For Ever
على الرغم اني ما جربتش اللي في النص بس انا شايف ان اللي ورا المقود افضل بكتير لأن العدادات لو في النص لازم هاتلف رقبتك لا شعورياً وانت بتبص عليها
خلف عجلة القيادة
:rolleyes::rolleyes:
http://www.daihatsu.com/catalogue/ma.../img/01_01.jpg
علي فكره بينتج تابلوه لعجله القياده اليمني غير تابلوه عجله القياده اليسري و دا علشان العدادات بتبقي مائله ناحيه السائق.اقتباس:
العدادات فى المنتصف فكرة عبقرية ولكن لمنتجى السيارات فقط , علشان تسمح بانتاج تابلوه واحد للسيارات ذات الدركسيون يمين او شمال
Left Hand Drive , Right Hand Drive
مش شرط برضه يا عاشق السيات لان ساعات الشمس بتيجي في زاويه تخليك مش عارف تشوف اي لمبه في العدادت خلف لوحه القياده.اقتباس:
- اذا كان عنصر الشمس و الاضاءة مائلاً فى هذا الاتجاة ..يكون (ملاحظة ) اى اضاءة تحذيرية صعب جداً
بالعكس كمان العدادات الوسطي مش بتتاثر بالنقطه دي خالص.
انا معايا سويفت و ياريس يعني واحده كده و واحده كده و بصراحه مش فارقه معايا بل بحس ان العدادات الوسطي اريح للعين و بتدي احساس بالرحابه اكبر.
و علي فكره اول شركه عملت الحكايه دي كانت لانشيا في سيارتها واي
بصراحة مش بفضل التابلوة في المنتصف
يعني أنا سوقت تويوتا إيكو 2000 طبعا تابلوة في النص و أضاءة فسفورية بس مش عاجبني ألوح نفسي ليه مع أعجابي بأضاءته
وسوقت تويوتا كورونا 92 ويارس 2006 و ميركوري 2003 و كابريس 87 و فيات 128 ولادا 2105 و 2107 وأكسنت بصراحه مرتاحتش للي في النص أحلى حاجه تحت التابلوة
عشان كدة ماكتبتش النقطة دى ..هههههه :D
انا معاك يا حازم باشا ...بس فى فرق بين دخول الشمس بميل من
-الزجاج الامامى : زاوية ميل للشمس متكررة و سهلة الحدوث جداً فى معظم اوقات النهار
-الزجاج اللى جنب السائق : زاوية ميل غير متكررة اثناء النهار ..يعنى لازم تكون الشمس على شمالك و كمان ورا ... نادرة شوية ... بعدين اى تابلوة محترم امامى ..بيبقى لية (كاب ) تجويف اعلى منة
بيحمى منطقة العدادات من الاضاءة الخارجية المباشرة )
بعدين لما تكون العدادات و التابلوة قدامك ...ممكن بحركة سهلة اوى بأيدك الشمال تخبى اضاءة الشمس شوية عشان تتأكد ان فى حاجة منورة شوية ولا لآ
مش محتاج تمد ايدك لنص العربية عشان توصل للعدادات تخبى اضاءة الشمس عنها
بعدين تابلوة السويفت ...تحفةةةةة ... مش مقارنة صعبة شوية
أفضل مكانها خلف الدركسيون ولو إن في بعض العربيات بتعوق الرؤية مع تحريك الدركسيون
خلف عجلة القيادة! عمرى ماجربت أسوق عربية العداد موجود فى المنتصف , هى فكرة مرفوضة بالنسبة لى , لا مانع من التجربة و لكنى لا أميل الى العداد الموجود فى المنتصف , و لا أعتقد أنى ممكن فى يوم من الأيام أشترى عربية عدادتها فى المنتصف , مع أحترامى الكامل لجميع السيارات اللى عدادتها فى المنتصف و أحترامى الكامل لمالكيها.
شكرا جزيلا يا أخ شريف على الموضوع :)
انا سقت الياريس قترة طويلة, ده غير طبعا ان 97.5% من العربيات اللى سفتها عداداتها ورا عجلة القيادة
مستريحتش لبتاع الياريس, غير انى اخدت وقت للتعود طبعا
بس صراحة انا افضل اللى زرا عجلة القيادة, لأنه ملك خاص لى, محبش انا حد من اللى قاعد جنبى كل شوية يعلق او حاجة
بالطبع العداد الذي يكون خلف المقود أفضل كثيرا
حيث أن وضعية العداد في منتصف التابلوه تجعل تركيزك اقل في الطريق لو أنك تحتاج لمعلومة عن السرعة او عدد لفات المحرك أو الحرارة أو الوقود
أنا دائما أشعر أن الذي صمم العداد الذي في المنتصف كان دماغة عالية قوية و كان ضارب حشيش او كحول :D :D :D بالظبط زي مصمم و منفذ الطرق المصرية