الموضوع: هستلم ايفو باك 1 اوتو يوم السبت :)

المشاركة الأصلية كتبت بواسطة ecko120

ان شاء الله هستلم ايفو باكيج 1 يوم السبت
من شيرين كار اللى فى النزهه
الموضوع الحمد لله ماخدش 10 ايام وقالولى تعالى استلم
تنصحونى بأيه عند الاستلام يا فيتاويه خصوصا ان العربيه موجوده فى المعرض وانا شوفتها اكتر من مره وركبتها (فليتها من الاخر ) بس برضو ممكن تكون فى حاجه ماخدتش بالى منها انتوا تعرفوها
على فكره العربيه لونها ابيض ربنا يجعل ايامى معاها زى لونها

مبروك يا باشا على العربيه ... و ربنا يديك خيرها و يكفيك شرها
حضرتك تأكد عند الاستلام من جسم العربيه مفهوش ولا خدش ولا اي حاجه بالاضافه الى الفوانيس مفهاش شرخ او اي حاجه غلط

الانتيريور اتأكد من بكر التكييف و كل الزراير اللي جوه و شغل التكييف و كل الانوار و شوف لو فيه لمبه محروقه او حاجه و شوف الكرسي بيرجع للاخر ولا لا و اعدل الدركسيون في كل الاتاهات
اتأكد الشنطه الcover اللي جوه معدول كويس و اتأكد من الاستبن و العده بتاعته ... و طبعا الكتالوج و مفتاح الاسبير و شفرته و شفره الكاسيت ...
ارجو ماكنش نسيت حاجه و ربنا يوفقك في الاستلام
سؤال هي العربيه اوتو ولا مانيول ؟؟

انا مش عاوز اصدم الناس بس فيه عربيات نبيتي فرش نبيتي مركونه علشان حصص الموزعين و انا بستلم الازرق كان فيه البلاتينيوم و اتنين نبيتي فرش نبيتي و فيه شحنه حتنزل يوم 8-12 دي اخر شحنه اللي بعديها على شهر 3 حيبقى فيها اللينيا الجديده 1600 اتوماتيك متوقع سعرها يبقى 160 الف جنيه(انا حاسس ان ديه واسعه بس قولت للموزع مش حتتباع لو عملتوا ايه )

و الله انا قولتله كده قالي ان استاذ مجدي تقريبا مسؤل المبيعات قاله حتنزل في الحدود ديه و حذرته و قولتله يوصله ان اوكتافيا a5
حتنزل تاني مصر و المفروض انها حتعمل في 120 و انت طالع لانها نازل بدل ال a4 بيسموها بره اوكتافيا تور
هو اتضايق من كلامي و هما حرين و يمكن لما تنزل الكلام يختلف الله اعلم