أولا ربنا يوفقك فى اختيار السيارة المناسبة.
ثانيا أنا وائل اللى كنت بدور على الكوب ال 2011 وعملت موضوع وطار مع الأزمة بتاعت المنتدى اللى عدت على خير الحمد لله.
ثالثا بقى - وده المهم - أنا بالفعل خلاص اشتريت العربية من اسبوعين بعد مقلبت السوق كله عشان أوصل لأفضل سعر وأحسن امكانيات وهقولك ايه مواصفات العربية اللى أنا جبتها :

1-تكيف تاتش
2- سى دى 6 اسطوانات بامكانية رفع وخفض الصوت حسب السرعة أوتوماتيكيا+ مخرج (يو اس بى + aux + اى بود)
2-باور ,بصمة دخول,تشغيل بدون مفتاح.
3- زجاج كهربا
4-مريات ضم + اشارات ليدات فى المرايات
5-لايت سيستم
6-طاره تيلسكوبى جلد
7-طاره مالتى ( تحكم فى الكاسيت ) + بلوتوث ( امكانية استقبال وارسال مكالمات من الطارة)
8- شفتات فى الطاره
9-ABS + EBD
10- عدد 2 ايرباج.
11-التابلوه لونين وفرش جلد ( خياطة يدوية).
12- الجنط 17 لونين.
13-فتحة سقف.
14- زجاج ملون ولكن لن يتم اثباته كفاميه فى الرخصة.

موديل 2011 وعملت 132000 جنيه
على فكرة أنا قبل مجيبها رحت شفتها عند سمير ريان وقالى 133000 وبعد لف وتدوير قدرت أوصل للمستورد الأصلى اللى بيديها لسمير ريان وحسبهالى ب 132000 والعربية خليجى جايه من سوريا بردو.
أنا رأى لو بنفس الامكانيات دى وب 128.500 يبقى هاتها ولا تتردد.وبالنسبة للمستورد الأصلى هو حسن بودى المعرض بتاعه تحت كوبرى المللك الصالح روح اتفرج واعرف الأسعار وشوف كل الكماليات موجودة ولا لأ.