الموضوع: شل هيلكس الترا - موبيل

المشاركة الأصلية كتبت بواسطة moh.fahmy

و الله يا جماعة انا بقلق قوي من الزيوت طويلة الاجل دي لان الجو في مصر مش ممكن يخلي زيت يفضل بمواصفاته لمسافة 10000 كيلو و بعدين الزيوت دي ممكن تتقيم بالمدة كمان بالاضافة للمسافة لان فيه ناس تستهلك ال 10000 في 3 شهور و ناس بتستهلكهم في 10 شهور و طبعا بقاء الزيت في المحرك الفترة الطويلة دي مش صحي ابدا
النقطة التانية بالنسبة للعربيات الجديدة اللي لسه في الضمان فميزة الزيوت قصيرة الاجل (5000) انك بتروح التوكيل اكتر فتقدر تكشف علي العفشة و يربطهالك باستمرار احسن من انك تروح كل 10000
و علي العموم دي وجهة نظر
انما رأي انهي زيت افضل فطبعا الشل لسبب انه مستورد بالكامل غير الموبيل اللي متصنع و متعبي في مصرنا الحبيبة

محمد فهمي

معالي الباشا انا عارف ان تعليقك قديم جدا جدا , بس أنا لقيت البوست طلعلي معرفش لية , حبيت بس أوضح نقطة مهمة قوي , أن الزيوت مش 5000 و 10000 . الزيت ال 5000 دة بيكون زيت معدني مكوناتة لا تصلح الا للمواتير فوق ال 120 الف كيلو , وأقل من كدة هو بيدمر الموتور وبيساعد علي تقليص فترة صلاحيتة وأستعمالة . اما زيوت ال 10000 بيتكون زيوت تخليقية بالكامل بتنفع تتعامل مع المواتير الجديدة ولحد 100 أو 120 الف كيلو وطبعا مع التكنولوجيا الموضوع ممكن يزيد .
وأكيد الخواجات أصحاب الشركات مش هيغامروا بأسامي وسمعات شركتهم عشان خاطر يقنعوا الناس يحطوا زيوت بتقعد في المواتير مدة أطول , هما طبعا فاهمين شغلهم والدنيا تمام التمام.
اتمني مكونش ضايقنك بعد كومنت عدي علية 7 سنين :d