أعتقد هتشتغل عادي مافيهاش مشكلة
عرض للطباعة
أعتقد هتشتغل عادي مافيهاش مشكلة
ممكن تبعتلى ايميلك او رقم تليفونك محتاج افهم شوية حاجات
و يارت تبعتلنا layout للدوائر الى انت عملتها علشان تفدنا
انا بعتلك كتير علي الخاص عشان عايز اتكلم معاك و مش عارف الرسائل بتوصلك ولا لاء
عموما بعد ازنك ضفني علي الياهو للاهمية
lion_elmoghazy@yahoo.com
تمت الإضافة
تسلم إيدك يا باشا
مشكوووووور والله يعطيك الف عافيه
ححاول اعملها باذن الله
والف شكر
انا عملت دايرة البيك كاملة
ومعلش على التأخير بس كان في مشاكل كانت بتهدد نجاح الفكرة من اصلها والحمد لله تغلبت عليها
العداد بالبيك جميل جدا
اولا ديجيتال على سفن سجمنت و الارقام مظبوطة يعنى لو واقف يكتب 0 مش 000 ولو ماشى على 20 يكتب 20 مش 020
ثانيا - واهم ميزة - وجود شاشة ال سي دى تعرض الكيلومتر ( المسافة ) رقم بيتصفر ورقم لا
وجود زرار لتصفير العداد عند الضغط لمدة 3 ثوانى متواصلة
برضه عملت حساب دايرة الليدات بحيث تاخد السيجنال بتاعتها من البيك لو حد عايز يركب ليدات ( يعنى ياخد طرف من البيك ويدخله على الـ2 Lm3914 )
الصعوبة كانت في حاجات كتير اوى بس اخطر حاجتين خدوا منى وقت وكانوا فعلا بيهددوا نجاح المشروع :
1- دايرة الباور سبلاى - مع انى كنت فاكرها اتفه حاجة - وده لأنى في البداية عملتها بريجيوليتور 7805 عادى مع مكثفات بس فشل لوحده
لأن اي noise او اي كلاكس او اي تأثر بالدينامو او اي حاجة كان البيك بيعمل restart من الاول ويحصل مشاكل
المشكلة ما اتحلتش في الاخر من كذا يوم الا بعد تركيب 2 ريجيوليتر ورا بعض واحد 9 فولت وواحد 5 فولت + ملف كويل في بداية الدايرة ( بدون التلاتة دول مع بعض هيحصل مشاكل كتير )
2- المشكلة التانية : المفروض ان لما تفصل الباور من العداد يحتفظ بالمسافة اللى مشيها بحيث لما تشغل العربية تانى يكمل على المسافة الى مشيها قبل كدة
كنت عامله بحيث يسيف كل ثانية او نص ثانية بس اكتشفت ان الميمورى بتاعت البيك بتبوظ بعد مليون عملية كتابة فطبعا لازم اقلل عمليات الكتابة اللى مالهاش لزمة الى اقصى قدر ( يعنى اخليه يسيف قبل فصل الباور بس )
ففي الاخر خليت التسييف مرتبط بالسرعة بحيث يبدأ تسييف لما العربية تهدى وتبقى سرعتها اقل من 10 قبل ما تقف بحيث انه متوقع على السرعة المنخفضة انك هتقف وتبطل العربية انما على السرعة العالية مش متوقع انك هتفصل الباور عن العداد فملوش لزمة يفضل يسيف على السرعة العالية الا مثلا كل 5 كيلو متر
انا رسمت الدايرة الاسكيماتيك النهائية وهصور شوية صور وفيديوهات كدة وابقى اعمل موضوع منفصل ان شاء الله بس عايز تشجيع كدة عشان اكمل :D
تسلم الايادى ياباشا
مستنيين الاسكيماتيك يا كبير علشان نبتدى الشغل
المشكلة بس فى البك مين الى هايحرقة
انا ماليش فى شغل البرمجة خالص
على كل حال بسيطة نبقى نشوفلها حل حكاية البروجرامر دى