ميرسى ياجماعة وفعلا هما قالولى على شيبوب ده وهحاول اروح بكرة الصبح ان شاء الله وبيقولوا هو فى منزل الكوبرى التانى اللى فى الزراعة وفيه ناس قالتلى فيه واحد احسن منه اسمه المهندس بس معرفش فين
عرض للطباعة
ميرسى ياجماعة وفعلا هما قالولى على شيبوب ده وهحاول اروح بكرة الصبح ان شاء الله وبيقولوا هو فى منزل الكوبرى التانى اللى فى الزراعة وفيه ناس قالتلى فيه واحد احسن منه اسمه المهندس بس معرفش فين
مش فاهمة ازاى اصفار ؟؟؟؟اقتباس:
خير ان شاء الله العربية تتظبط معاكى بعدها وخليكى مع الراجل وهو شغال هاتعرفى فكرة الترصيص بسهولة وعينك على الشاشة ماتخلهوش يشيل العجلة غير لما تبقى جايبة اصفار على الجانبين
الترصيص بيبقى طرقتين
طريقة باستخدام المرايات
الطريقة التانية
جهاز بيتوصل على العجل وفييه شاشة بيختار منها العامل موديل العربية ويبتدى يظبط الزوايا
والشاشة بتدى قراية الزوايا كام
بصى انا هاحاول اشرح لك الترصيص بطريقة بسيطة
بداية العجلة وهى تلف بيبقى حاجة اسمها القوة الطاردة المركزية centrifugal force القوة دى نتيجة الدوران والقوة دى بتكون متماسة مع اتجاة الدوران فلو فيه اى زيادة او نقصان فى الوزن فى دايرة العجلة هتعمل خلل فى توازنها اثناء الدوران الزيادة او النقصان دى ممكن تكون نتيجة خبطة مثلا فى الجنط عملت جزء داخل لجوة هو ده اللى عمل الخلل فى الاخر ده بيخلى الرجرجة او احساس الغربلة فى الدركسيون اثناء السواقة تمام كده ؟ دى المشكلة
علاج المشكلة دى بقا حاجة اسمها الترصيص والعملية دى بتم الاول عن طريق جهاز بيتحط عليه العجلة وتلف بسرعه معينة وفى حساسات على الجهاز ده بيشوف الخلل فيها جاى منين وف انهى مكان بالظبط وكام جرام ناقصين او زايدين فى الحتة دى ودى صورة للجهاز ده
http://www.tire-information-world.co...n-21319421.jpg
الشاشة اللى قدام العامل دى هى اللى بتوضح له كام جرام بالظبط محتاجاهم العجلة عشان مايبقاش الخلل ده موجود ودى صورة لنفس الجهاز بس شاشة مختلفة بتأدى نفس الغرض
http://www.aligatortire.com/images/t...0-400x300_.jpg
نيجى بعد كده للخطوة المهم هى ان العامل بيختار اجزاء او قطع من الرصاص عليها وزنها محفور عليها كل قطعة وزنها اد ايه وبيدقها فى المكان المعين اللى الجهاز قالو عليه وبتكون شكلها كده
http://www.retrolube.com/Images/service_tires.jpg
ودى بعد التركيب
http://www.tire-information-world.co...s-21319771.jpg
بيفضل يكرر العملية دى لحد ما الجهاز يسجل صفر على اليمين وصفر على الشمال وده معناه ان مافيش خلل فى توازن العجلة اثناء الدوران لا ناحية الخارج ولا الداخل
بالنسبة لظبط الزوايا ف ده موضوع مختلف تمام عن الترصيص والتظبيط فيه بيكون من العفشة مش من العجل
والفيدو ده فيه شرح لظبط الزوايا جميل اوى اتمنى يفيدكم
[youtube]http://www.youtube.com/watch?v=uj_U_pemOyA&feature=related[/youtube]
M.Nasr بجد ميرسى جداااااااااااا وشرح اكتر من رائع واخيرا فهمت ايه هو ظبط الزوايا والترصيص
الاستاذ M.Nasr احيك بشدة بجد على موضوع الترصيص الى بالصور دة موضوع ممتاز لازم تشكر علية بجد
استاذ محمد نصر ميرسى لحضرتك على شرحك الوافى .انا كنت عارفة الترصيص بس ما كنتش فاهمة معناه بالتفصيل .بس دلوقتى فهمت .جزاك الله كل خير على مساعدة الاخرين