موضوع متميز جدا وبالنسبة للسيينا ممكن تركب مروحة اتمبرا وهي بنفس شكل مروحة الاوبل.
موضوع متميز جدا وبالنسبة للسيينا ممكن تركب مروحة اتمبرا وهي بنفس شكل مروحة الاوبل.
السلام عليكم
ازيكم يا اخواني كل سنة وانتم طيبين
انا عندي دوجان 1991 وحكاية التبريد دي مش مشكلة بس المشلكة التكييف
العربية اصلا مكيفة وفي قطعه بدور عليها بيقولوا عليها بتفرع الموتور ومش عارف الاقيها فين المشكلة ان القطعه دي مش بتتصلح ولما رحت الورشة الصنايعي قال ان الموتور ضعيف مع ان الموتور شغال كويس جدا دلوقتي انا خايف اشتري القطعه دي والاقي فعلا الموتور اتدمر نتيجة وجود التكييف
يا ترى الاقي حد يقدر ينصحني مع العلم ان الصانيعي قالي اعمل نص عمرة للموتور!
موضوع محترم
إسمها علاية التكييف
الأصلي غالي وغالباً بيتباع بالكربيراتير
موجود منها نوع عادي خارجي
لو رحت لصنايعي تكييف كويس هيجيبهالك ويركبهالك ويظبطها
مش متأكد من الأسعار
لكن في واحد بتاع تكييف أنا تعاملت معاه بيع وشرا وكان محترم لكن مركبتش عنده حاجة
قبل مزلقان قباء في شارع جسر السويس
في فتحة يمين ترابية تدخل منها تلاقي جامع كبير في الوش
تدخل شارع يمينه
الورشة جنب الجامع بالظبط ومش فاكر إسم المدير إيه
-
للرفع بمناسبة دخول الصيف
-
ياباشا بتتباع ب 150 جنيه عند كمال مهران ف ش رمسيس
لو قصدك اللى بيركب فيها الخرطوم ومتوصله بالكهرباء عنده برضه ب 45 جنيه
السلام عليكم
مشكووووور على أضافاتك الرائعه يا اخى الكريم أحمد
انا اشترات مروحه زى ألى عند حضرتك بالضب بس فرق فى رقم 246 بدل 245 هل فى فرق
وكمان انا محتاس فى تركيبها
أولا التوصيلات الكهربائيه : المروحه جبتها فيها كل التوصيلات الخاصه بيها هل اقطع السلك الى داخل على ماتور المروحه وأوصلها بمكان التوصيلات القديمه ولا اوصلها ازاى
ثانيا تركيبها فى مكانها ازاى تقدر حضرتك تبعتلى صوره بالشكل النهائى بعد قص الاجزاء الاضافيه علشان اعمل زى ما حضرتك عامل
شكرا
التوصيلات الكهربائية
نفس التوصيلات للمروحة القديمة
بيبقى سلكين منهم واحد معدي على الثرموستات قبل المروحة والتاني مباشر
فك من المروحة القديمة ووصل في الجديدة
أول صورة في بداية الموضوع ده باين فيها مكان السلكين
في مكان تالت بتاع السرعة البطيئة متوصلش عليه حاجه
التثبيت
القميص فيه حوالي أربع أو ثلاث أماكن تثبيت فتحات مسامير
والردياتيرعندك فيه تلال مسامير
حاول توفق مسمار واحد أو إتنين بين الردياتير والقميص
والطرف التالت أربطه بقفايز
والأجزاء الزايدة في القميص ممكن تقصها عشان تعرف تبيته مكانه
ـ
ألف شكر يا بشمهندس
السلكتان الى طالعين من الماتور وصلتهم مباشرتا بمكان التوصيله القديمه يعنى كل التوصيلات الى موجوده فى القميص الجديد لغتها
بس لما المروحه بتشتغل بتشتغل بأعلى سرعه مش بطئ وسريع ومركب ترموستات 90-80
والتركيب انا ظبط مسمارين والتالت البلاستك المقصوص من القميص عملته بمكنة البرشام مكان المسمار التالت
بس لما المروحه بتشتغل بيكون صوتها عالى وحاسس انها بتسحب جامد من كهربة العربيه لدرجة نور التبلوه والكشاف بيضعفوا
وقبل كده كنت مركب مروحه ثابته والماتور على طول كان بارد بس دلوقتى لما ماتور العربيه بيسخن لقات لون الميه الخضرا اتغير للون صدا اول مره تحصل معايا
عشان تشغل المروحة بطيء وسريع لازم تغير الثرموستات لنوع فيه سرعتين
هيبقى دخول الثرموستات عادي وخارج منه سلكين
المروحة الجديدة هتلاقي فيها ثلاث أماكن للتوصيل
مكان مباشر والإتنين التانيين للسرعتين اللي جايين من الثرموستات أبو سرعتين
أنا مشغلها عندي سريع بس
عندي مكنش صوتها عالي كان صوتها أقل من صوت مروحة الشاهين العادية
ومسألة إنها تأثر على النور مسألة غريبة
راجع على أسلاك الأرضي
بخصوص تغير لون الميه ملوش علاقه بالمروحة
وقد يدل على إن دورة التبريد شغالة وثرموستات الكوعة بيفتح ويقفل وبالتالي الميه بتتقلب جامد
ـ
الله يكرمك يا بشمهندس شكرا على اهتمام
مش ممكن افك المروحه واشحمها من جوه وكمان بالنسبه لفرق الرقم الى عندك 245 الى معايا 246
وكمانا مش مركب ترموستات الكوعه
شكرا
وممكن نغير مروحة سربنتينة التكييف وايه الى الى ممكن يتركبب بدالها
وكمان مروحة اللدراتير مش بتشتغل مباشرتا مع تشغيل التكييف بتشتغل بس لما الماتور يسخن
خللي مروحة سربنتينة التكييف متشلهاش
فرق الرقم مش هيفرق مجرد فرق موديلات ولا حاجة
هي العربية لادا ؟
اللادا عزلها أقل من الشاهين شويتين وبالتالي ممكن تكون إنت حاسس بالصوت عالي بهذا السبب
المروحة ممكن يكون صوتها عادي طبيعي أو فيها مشكلة
غالباً هيكون طبيعي
لازم كهربائي بيفهم يشوفها
ممكن بتاع الردياتيرات يدلك على كهربائي فاهم في موضوع المراوح
ولو حابب بالمرة يعملهالك سرعتين
ممكن يظبط السرعة الواطية تشتغل مع المروحة بتاعت المكيف مع تشغيل المكيف
والسرعة العالية تبقى على ثرموستات الردياتير
وبالمرة يتأكد من إتجاه دوران المراوح
ـ
عربيتى شاهين 2004 فيها التكييف بتاعها الأصلى والعزل كويس
وأتجاه المروحه مظبوط بيسحب هوا من بره لجوه
أنا لقيت مكتوب تحت الإسم لادا
عموماً عندي في الشاهين المروحة كان صوتها أقل من صوت مروحة الشاهين الأصلية
لو حابب تشغلها سرعتين في طريقتين
طريقة ثرموستات الردياتير أبو خطين
أو الطريقة التانية اللي قلتها في الرد اللي قبل ده
ـ
شكرا يا بشمهندس أحمد تعبتك معايا
معلش أستفسار خارج الموضوع
لما بسوق العربيه على السرعه عاليه من سرعه 120-125 بيكون فى صوت صفاره عاليه قبل كده مش بيظهر وبعد كده مش بيهظر
انا برجح انه بسبب تصميم الأكسدام وخلخلة الهوا فى الفتحات الى فيه
هل ده بيحصل عند حضرتك
شكرا
مبيحصلش عندي خالص
بس عادي ممكن يكون صوت هوا
ـ
معلش يا بشمهندس أستفسار بخصوص تغيير المروحه
عندى ترموستات اللدراتير من بعد ما غيرت المروحه مش بيعدى شهر وممكن اقل بتبوظ على الرغم بشترى الترموستات الايطالى
هل فى مشكله فى المروحه بتخلى الترموستات بتتعب بسرعه ولا فى ترموستات معينه اشتريها علشان تستحمل
شكرا
شكرا لاهتمام حضرتك
انا فعلا غيرت الشربون والسليكونات فى الدينامو وجبت كابل بطاريه للارضى افضل
وبرده نفس المشكله
لدرجه لما اركن بالعربيه وتكون المروحه شغاله واقفل السنتر والانزار من الريموت مش بتقفل يدوبك السنتر يقفل نص قفله وعندى زجاج البابين الامامى كهربه يتحرك شويه ويقف ده دليل انه المروحه ساحبه كهربه عاليه جدا من العربيه وبعد ما المروحه توقف بدقيقه لولا اقدر اقفل العربيه
شكرا
المروحة اللي أنا ركبتها وموجوده في الصورة في أول الموضوع موديل (BOSCH 0 130 303 245) :ـ
BOSCH Radiator Fan 0 130 303 245 for VAUXHALL ASTRA Mk IV Estate 2.2 16V
المروحة اللي إنت ركبتها موديل (BOSCH 0 130 303 246) :ـ
BOSCH Radiator Fan 0 130 303 246 for VAUXHALL ZAFIRA Mk I 2.0 DTI 16V
المروحة اللي أنا جبتها مرصوص في الموقع تحتها موديلات عربيات كلها مواتير بنزين
المروحة اللي إنت ركبتها واضح من اللينك إنها بتركب على المواتير الديزل
لأن مرصوص تحتها موديلات عربيات كلها ديزل
وده إحتمال إنها قوية أكثر من اللازم وبالتالي صوتها عالي وبتسحب كهربا جامد
مجرد إحتمال
أنا بفكر معاك
لأن بوظان الثرموستات وسحب الكهربا العالي مريب شوية
ـ
شكرا يا أحمد بيه والله تعبك معايا
فى حالت انها فعلا مصممه لسحب كهربه عاليه هيكون إيه حلها
وياريت حضرتك بالتفصيل علشان الكهربائيه هنا معندهمش خبره او بمعنى اصح حافظين مش فاهمين
وهل ممكن اركب اى ترموستات عربيه تانى علشان علشان تستحمل المروحه
شكرا
المروحه فعلا بتسحب كهربه جامد
النهرده نزلت مشوار ضرورى وطبعا المروحه مش شغاله خلصت المشوار الى معايا لقات الحراره وصلت بين 90 و130 نزلت وصلت المروحه مباشرتا
10 دقائق مسافة ما وصلت البيت لقات الموحه فصلت وفى ريحة شياط ناحية الفيوزات لقات فيوز المروحه بمكان الفيوز سايح
لاحد دلوقتى مش عاوز اعمل اى حاجه غير لما اعرف رأيكم
المروحه دي دخلتك في دوامه
الله يعينك
الحل السهل والمفضل
إنك تشوف لو المحل اللي جبت منه عنده الموديل التاني 245 هاتها ورجعله اللي عندك
موتور المروحه هيتفك من القميص والتاني يركب مكانه
الحل الصعب
هتخللي الكهربائي يوصل المروحة على البطارية مباشرة
ويركبلها فيوز كبير على السلك بتاعها
الثرموستات هيركبه على كتاوت بتاع النور العالي فرنساوي أو تركي
ده هيخللي المروحه مستقله والثرموستات ميتحرقش والفيوزات متسيحش
بس مسألة سحب كهربا جامد ملهاش حل
ـ
ممكن تكون المشكله من المروحه نفسها فيها حاجه عاوزه تتغير رمان بلى او تتشحم
علشان لما بتشتغل بيكون فيها زنه عليه وبتعمل زبزبه بتسمع فى العربيه كلها
علشان افهم الراجل الى اشترتها منه موضوع رقم الموديل وكمان هو لقاها عنده بصعوبه مشكله
وارد برضه إن فيها مشكلة بتسبب الزنة دي والصوت العالي
هي عموماً مروحة مشاكلها كتير
ـ