الموضوع: معلومات هامة عن الفلوانس

اخيرا وبعد طول مقارنة بين الفلوانس والتيدا قررت اني اشتري الفلونس - انا بعت ايميل للشركة الام علشان اعرف صناعة العربية فرنسي ولا تركي وكان الرد ان المكونات الاساسية فرنسي والتجميع بمصنع رينو بتركيا وبعد كده سألت صاحبي بالتوكيل قالي المكونات الاساسية زي الموتور والكومبيوتر (على ما اعتقد الماني)التكييف والفتيس فرنسي اما التركي فيها هو الزجاج - الكراسي - خامات التبلوه و على فكرة انا شوفت خواجة فرنسي بالتوكيل سألت صاحبي مين ده قالي ان ده مهندس من الشركة الام بيشوف اخبار العربيات بالتوكيل وسألته عن العربية الكوري قال دي شراكة بين شركة سامسونج بكوريا ورينو ويتم التصدير لاسيا وهي صناعة كورية واسمها مختلف لكن نفس الشكل اما التجميع التركي فبتتصدر لكل اوروبا وشمال افريقيا يعني كلامه مطابق للميل اللي وصلي وبعد كده انا درست العربية لمدة شهرين (معلش انا شكاك اوي)ولقيت:
1- التوكيل محترم جدا واتغير عن زمان كتييير وفي توسعات كبيرة جدا
2- بالنسبة لموضوع اعادة البيع انا مش لاقي خالص فلوانس بتتباع في السوق علشان اقول ان اعادة بيعها سئ و كل العربيات الزيرو بتخسر حتى الكوري والياباني
3- مفيش اي عيوب فنية ظهرت بالعربية حتى الان
4- بالنسبة لقطع الغيار انا شايف ان عربية زيرو مش هدور على قطع الغيار دلوقتي غير الحاجات اللي بتستهلك زي تيل الفرامل والبوجيهات والفلاتر والسيور ودي اسعارها قريب من الكوري والياباني لان العربيات المستوردة قطع غيارها غالية وانا معايا النترا وعارف اسعار قطع غيارها رغم انها كوري
5- انا اصحابي معاهم الفلوانس وبيشكروا فيها اوي والعربية ثابتة وشيك وممتعة
6- صاحبي اللي شغال بالتوكيل قالي مينفعش انك تطلب قطع غيار لعربيتك ويقولك مفيش قطع الغيار موجودة كلها بالتوكيل
واسف للإطالة والاخطاء الكتابية - انا اسمي محمد وشغال بمجال الاوراق المالية والاستثمار