الموضوع: إلى نمور كيا....التوكيل عايز يغلي الأسعار عليا وأنا حاجز

السلام عليكم,

أنا حاجز كارينز من شهر 6 في الأول رجل المبيعات قالي 4 شهور وتستلم 2011 قلت مفيش مشكلة, أخدت وصل بالمبلغ الكلي ودفعة الحجز, أديني قربت أقفل 6 شهور ولسة مستلمتش كان بس في وعود أستلم بعد العيد.

بعد العيد لقيت الأسعار زادت في سيارات كيا زي الكارينز والسيراتو حوالي 3000 بدون مبرر قلت يمكن الفتيس الجديد السبب, قالولي الفتيس الجديد في السيراتو بس مش الكارينز.

المهم أتصلت برجل المبيعات أعرف أخر الأخبار والأستلام أمتى, سألتو قلتلو الأسعار طبعا زي ما هي علشان عرض الأسعار بتاع البنك اللي كنت واخده قبل كده من شهر 10 ( رغم أن عرض الأسعار كان أغلى من الايصال الأولاني بحوالي 900 جنيه بس ما علينا ) , قالي لأ الأسعار فيها تغيير ,قلتلو ليه يعني , قالي سعر الدولار وكلام فارغ كده, قلتلو أنا مالي أنا حاجز بسعر محدد وانتو اللي متأخرين عليا ما أنا كنت رحت من شهر 9 دفعت أوفر برايس من أي موزع تبعكو وأستلمت فوري بدل مستنى 6 شهور وادفع زيادة برده, رد عليا في أخر المكالمة قالي عموما حشوف وأحاول أعمل حاجة وأرد عليك.

يا ترى ايه رأي حضراتكو, أسف للأطالة بس معلش دمي محروق حسبي الله ونعم الوكيل.

رابط الموضوع الأصلي
http://www.nilemotors.net/Nile_old/166726-a.html