العربية فورد اسكورت 1300 لسة شاريها لحظت انى لما اشغل التكيف العربية بتسخن و ممكن توصل للعلامة الحمرا وهى بها كمبرسور ساندن يابانى ومش عارف اية سبب السخونة بالمحرك مع التكيف
عرض للطباعة
العربية فورد اسكورت 1300 لسة شاريها لحظت انى لما اشغل التكيف العربية بتسخن و ممكن توصل للعلامة الحمرا وهى بها كمبرسور ساندن يابانى ومش عارف اية سبب السخونة بالمحرك مع التكيف
مؤشر الحرارة مش بيوصل للعلامة الحمراء ... لاحظه كويس هتلاقي ان اخره حرف الـ l في كلمة normal. السبب ان العربيات دي كانت بتنزل في الأساس مش مكيفة والوكيل اللي هو كان رجب كان بيركب لها التكييف هنا ومعنى كده انها كانت مش مجهزة للتكييف اساسا.... بمعني ان عندك مروحة التبريد اللي على الردياتير سرعة واحدة بس مش سرعتين ... والمروحة الخارجية اللي على سربنتينة التكيف مالهاش اي لزمة. العربيات اللي تكييفها اوريجينال مروحة التبريد بتبقى سرعتين الأولى بتشتغل وتفصل والتكييف مش شغال علشان تبرد الموتور والتانية بتشتغل لما التكييف بيشتغل. كان فيه موضوع قيم جدا هنا في المنتدى حاول تدور عليه بخصوص حل للموضوع ده وهو انك بتغير مروحة العربية بمروحة بتاعت جولف 2 .. السبب ان مروحة الجولف 2 متوافقة بالكامل مع مروحة الأسكورت وبتركب على قميص الردياتير بدون اي تعديل وهي سرعتين والكهربائي ممكن يشغلهالك على السرعة التانية على طول سواء مشغل التكييف او لأ وممكن لو هو نضيف شويتين يشغل لك السرعتين الأولى في الوضع العادي والتانية لما التكييف يشتغل. عموما اول مرة اعرف ان الأسكورت يركب لها كومبريسور ساندن ياباني !!! ياريت اعرف منك كفاءة التبريد عاملة ازاي لأن عربيتي راكب لها الكمبريسور العادي بتاع الفورد وكفاءة تبريده مش قد كده.
كفاءة التبريد للكمبرسور جيدة جدا بس هى المشكلة بالسخونة المحرك
التكييف بتاع الاسكورت هو الساندن و ده من تركيب التوكيل القديم
عموما اتاكد ان المروحة الي راكبة قدام السربنتينة بتشتغل لما تشغل التكييف
و حل مروحة الجولف كان مكتوب قبل الحادث بتاع المنتدي و كان صاحبة بيقول انه شغال كويس معاه
بص يا باشا العربية الاسكورت 1300
1- الريادتير بتاعها مواسير على عكس بتاع ال1600 أكبر و عبارة عن قنوات رفيعة تعمل على زيادة السطح المعرض للتبريد
2- فتحة التهوية اللى بيخش منها الهوا يبرد الريادتير صغيرة على عكس 1600 الفتحة بتاعة الاكصدام كبيرة تدخل كمية كبيرة من الهواء
3-مروحة 1300 تختلف عن 1600 فى الحجم
انا كانت العربية بتولع فى الطرق السريعة وتهدى فى السرعات من 80 وانت نازل وفى الحالتين المروحة شغالة
غيرت جوان وش سلندر + طرمبة مياة + ريادتير 1600 بالقميص بالمروحة + اكصدام امامى 1600
العربية دلوقتى المؤشر فى الطرق السريعة مبيعديش المؤشر الابيض قبل كلمة normal و المروحة مبتشتغلش الا فى وسط البلد فى الزحمة لما توصل وتعدى حرف l لانى مركب ترموستات 95 هغيرها ب80 او 85 بتاعة الفيات
جديد موضوع ان فتحة الاكصدام بيفرق الصراحة مش متخيلها لو حد عندو صور يحطهلنا علشان كلنا نستفيد
بص يا ريس
هو ليه لما العربية فى طريق سريع بتبرد ولما تمشى وسط البلد بتسخن ( معدل تدفق الهواء على الريادتير بيكون زيادة و بالتالى كمية المياة السخنة الموجودة بالريادتير بيقابلها كمية هواء كبيرة تبردها ولما تمشي بسرعة اقل نفس كمية المية الموجودة فى الريادتير بيقابلها كمية هواء اقل من السرعة العالية و بالتالى مبتبردش بنفس القدر
ازاى نزود كمية الهواء اللى بتقابل الريادتير
1- تمشى بسرعة فوق 80 كم/ساعة
2- زيادة مساحة السطح المعرض للتبريد المقابل للهواء وده السبب اللى تلاقى معظم سائقى البيجو بيحطوا حتة كرتون فصاد الشبكة الامامية فى الشتاء
علشان العربية متبردش قوى