صيانة الـ 20 الف للياريس ....بـ 711 جنية

الحمد لله اول امبارح عملت صيانة الـ20 الف من مركز صيانة معتمد من تويوتا لاني لسة في الضمان وكانت كالآتي:

1- زيت موبيل 1 ( 230 جنية )

2-فلتر هواء (140 جنية )

3- بوجيهات (72 جنية )

4- فلتر زيت (50 جنية )

5- طبة زيت (7 جنية )

6- مواد اخري (20 جنية )

7- مصنعية (175 جنية )


طبعا كل الآسعار ايلي فوق دي قبل ما تضاف الضريبة .....10% علي كل حاجة حتي الخدمات والمصنعيات

الحساب بعد الضريبة كان 711 جنية ...والصيانة اخدت ساعتين بالتمام والكمال وبصراحة الصيانة ممتازة والمركزسلمني قطع الغيار الاصلية ايلي تم تغيرها ما عدا فلتر الزيت لانة طبعا هايبقي غرقان زيت...

بس انا حاسس ان فلتر الهواء والبوجيهات كان ممكن تعمل 10 آلاف كم كمان ....!!!؟

هل فعلا تغيير فلتر الهوا والبوجيهات ضروري ولا ممكن بعد كدة اغيرهم علي 30 الف كم....


مع تحياتي..

و الله الاسعار كويسة جدااااا , تقريبا نفس الاسعار الى بشترى بيها الحاجة من بره ........ ربنا يباركلك فى العربية , و بالنسبة لحوار ان البوجيهات والفلتر ممكن تقعد كمان شوية هو الحوار نسبى على حسب ... بس الافضل انهم يتغيروا احسن لانهم بيفوقوا العربية عن الاول ... و مش غالين اوى للدرجة انى اقعدهم ..

فلتر هوا وبوجهات على العشرين! ده كده طبيعي ولا إيه؟

اوووووووووووووووووووووف 175 مصنعية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

175 مش كتير, في السيريون كانت 211 .

ممكن أعرف حضرتك علمتها في اى مركز بالمبلغ ده لاى لسه عاملها من كام يوم ب 911

هههههههههههه بضحك اوى لما اشوف حد حاطط التفاصيل بتاعت الصيانه

تغيير بوجيهات على 20 الف ؟؟؟؟؟؟؟ دا الفيات مش كدا يا راجل البوجيهات اقل حاجه فى تويوتا 50 الف وبتوصل ل 80 الف مستريح ويبقى فيها كمان
فلتر هوا على 20 برضو ؟ ؟ يعنى كان ممكن على 30 الف
طبه زيت ليه ؟؟؟
175 جنيه على ايه ؟؟ تغيير زيت وفلتر هوا وبوجيهات ؟"؟؟ يا ررااااااااااااااااجل ؟؟ عند اى حد بره ب 20 جنيه بالكتييييييييييييير

هههههههه انا خلاص هفتح مركز صيانه بقى

غالى قوى المصنعية وكان ممكن تستنى شوية عالبوجيهات والفلتر

اسعار غالية جدا فى حاجات كنت ممكن تعملها بنفسك