سوزوكي سويفت ولا هيونداي اكسل ؟؟

**rafe3_dent** · 03-12-2010 06:07 PM

عايز اعرف ايه الافضل ؟؟
سوزوكي سويفت

ولا هيونداي اكسل ؟؟

**pharonicking** · 04-12-2010 06:15 PM

سوزوكى سويفت احلى

**mbx4e** · 06-12-2010 09:55 PM

الحالة هي الحكم في المستعمل
لو انت حابب عربية فيهم وحالتها مش تمام والتانيه حالتها احسن احسن لك الامتناع عن الشراء مش هاتبقى مستريح لو ركبت عربية حاببها وحالتها مش قد كدا بس ممكن تستريح لو ركبت عربية حالتها نظيفه او مميزه حتى لو مكنتش مستريحه لها ( القصد ياباشا الحالة في المستعمل لها الاولويه الاولى والقصوى بعد كدا توافر واسعار قطع الغيار بعد كدا رغبتك الشخصيه )
لو بتتكلم من ناحية التدوال في السوق المستعمل العربتين لهم نفس السوق ونفس رينج السعر من 28 الى 33 الف ممكن اكتر وممكن اقل بس دا حسب الحالة والاوبشن والموديل بس في فرق صغير في سرعة التدوال وقطع الغيار الاكسل بتيجي قبل السويفت بالبلدي اسرع في التدوال من السويفت
ولو الحالتين قريبين من بعض والاوبشن والسعر انا افضل الاكسل ودا بناء على الرغبة الشخصية حتى لو كانت اغلى سنه بس اهم حاجة الحالة
ارجو اني اكون افدتك تحياتي

**Rsarabia** · 07-12-2010 10:00 AM

انا ركبت اكسيل فترة و عارف السويفت لان صاحبى راكبها و بحكم عن تجربة من اللى شايفه بكل حيادية

من حيث الوسع الداخلى الاكسيل اوسع بكتير خصوصا للراكب الخلفى
من حيث الشنطة شنطة الاكسيل اكبر
من حيث الموتور موتور السويفت اقوى بفرق ملحوظ عن الاكسيل
من حيث الثبات ثبات السويفت اعلى بكتير جدا عن الاكسيل ( الاكسيل بعد 80 مش ثابتة )
من حيث نعومة العفشة الاكسيل انعم من السويفت
من حيث قطع الغيار الاتنين متوفرين و الاسغار زى بعضها تقريبا
من حيث الشكل الخارجى الاكسيل شكلها اشيك شوية و اكبر من الخارج
من حيث استهلاك البنزين الاتنين واحد مع ارتفاع شوية للاكسيل

من الاّخر

لو عاوز نعومة و وسع داخلى و شنطة و مشيك جوة البلد هات اكسيل
لو عاوز ثبات و موتور و ومشيك فيه سفر كتير هات سويفت