طلب مشورة من رجاله قسم فيات ( بخصوص فيات برافو)
أنا طالب المشورة من رجالة قسم فيات عامةً ومن مالكي الفيات برافو خاصةً..
في البداية أنا عضو مش جديد أوي في nilemotors بس مشاركتي كانت قليلة بس ده كان إجباري لأني لسة معيش عربية بتاعتي ومليش خبرات في عربيات كتير ، وربنا يوفقني وأقدر أفيد الناس في المستقبل بالي ينفعهم وأكون واثق منه إن شاء الله.:shyy:
أنا إن شاء الله ناوي أجيب عربية جديدة وكنت شبه مستقر على فيات برافو وكنت مستني بس ظروف معينة تخلص وأخلص فيها من عند أي موزع معتمد.
قريت عنها كتير أوي على النت ومالقيتش شكاوي منها في أي حتة - على قد ما دورت - و اقتنعت بالعربية ..
لكن قريت امبارح عن موضوع للعضو dodger وهو معاه فيات برافو ال-120 حصان وكان في شكاوي من العربية والي فهمته انها تاعباه شوية ، بس إلي أنا مش عارفه هل دي مشكلة فردية في عربيته ولا مشكلة عامة في موديلات فيات ، لأني مستغرب لأن المفروض إن البرافو هي الحصان الرابح لفيات من فترة أو على الأقل من العربيات إلي الشركة اهتمت بيها الفترة إلي فاتت لتحقيق مبيعات خصوصاً في أوروبا ، والحمد لله الناس في المنتدى معها عربيات فيات جديدة ومكنش فيها شكاوي تذكر..
فمعلش أنا طالب المشورة ووجهة نظرهم في العربية ون كان في مشاكل في العربية دي من أعضاء قسم فيات و أسف على التطويل وشكراً مقدماً ..:satelite: