الموضوع: صوت زنة مش عارف من ايه

المشاركة الأصلية كتبت بواسطة ahms10

بص افضل حل فى الموضوع دا تمسكها خطوة خطوة ازاى

يعنى اشترى اى كابل كدة مخرج واحد 3.5 ومخرجين اوديو فيديو زى الار سى اة كدة ووصل فى الجى ام علطول باى بود او موبايل وشوف الزن هيحصل منين لو مفيش شوف ما قبل الكلام دا لو موجود شوف ما بعدج الكلام دا
الطريقة دى بتعمل احلى شغل وضبط بيها الصوت كتير وحلوة جدا
جرب وقلى اة رايك

شكراااا يا احمس باشا
بس هل ده ممكن يحرق الموبايل ولا عادى
وان شاء الله هجرب اول ما ارجع من السفر
وفى حالة لو فى زن ايه اللى بعد كده
ولو مفيش زن ايه اللى قبل كده

المشاركة الأصلية كتبت بواسطة magyver

روح لاي متخصص
هو يعملهاااالك

ما انا كمان نفسى ابقى متخصص
انا بحب اتعلم كل حاجة على عربيتى
لو متعلمتش انهاردة على عربيتى يبقى مش هتعلم خالص

اكيد لا يا باشا ....ازاى يحرق الموبايل output يعنى ملوش اى دعوة انا علطول بشغل سيستم فى البيت 8500 وات باى بود ....تيجى بالسلامة ان شاء الله....انا اقصد يعنى تختبر كل حاجة على حدة قبل وبعد .بعد التجربة يعنى لو جربت توصل الموبايل بالجى ام والزن اختفى يبقة تشوف ما قبل الجى ام مثلا من سولك ار سى اة وكاسيت بمشتملاتة من ارضى وكهرباء وكدة لول لسة موجودة يبقة شوف الجى ام بمشتملاتة من توصيلاتة وارجى وكل حاجة ما بعدة السماعات نفسها
اتمنى تكون فهمت فكرتى ولو فى حاجة مش وضحى قولى وانا احاول اوضحلك اكتر

المشاركة الأصلية كتبت بواسطة ahms10

اكيد لا يا باشا ....ازاى يحرق الموبايل output يعنى ملوش اى دعوة انا علطول بشغل سيستم فى البيت 8500 وات باى بود ....تيجى بالسلامة ان شاء الله....انا اقصد يعنى تختبر كل حاجة على حدة قبل وبعد .بعد التجربة يعنى لو جربت توصل الموبايل بالجى ام والزن اختفى يبقة تشوف ما قبل الجى ام مثلا من سولك ار سى اة وكاسيت بمشتملاتة من ارضى وكهرباء وكدة لول لسة موجودة يبقة شوف الجى ام بمشتملاتة من توصيلاتة وارجى وكل حاجة ما بعدة السماعات نفسها
اتمنى تكون فهمت فكرتى ولو فى حاجة مش وضحى قولى وانا احاول اوضحلك اكتر

فهمت جداااااااااااا
مش انت اللى بتشرح
يبقى لازم افهم
وان شاء الله اجرب وارد عليك

المشاركة الأصلية كتبت بواسطة beetleMOSH

مومو
بص روح لاى واحد بتاع كاسيتات
و قله اقفلى دايره الارضى بتاعت الrca

هايعمل ايه بقى النجم
هايجيب حتت سلكه كده و يلفها حواليى مخرج ال rca
من عند الكاسيت
هاتبقى عامله زى رقم 8 كده بالظبط
و هو بالانجليزى
فاهم حاجه ؟!
الموضوع ده انا عامله عندى ( مركب سيمفونى للسماعات و برضه غيرت سلك بوجيهات و عضم و عملت كل حاجه كان فاضل انى اغير العربيه .. و الحمد لله الحوار ده حلها )
بس ابقى خليه يزنق حته من السلك تحت سن وصله ال rca
عشان ميتحركش وترجع تانى
جرب و قلى ايه اللى حصل ...........

السلك ده بيتلف طبعا على الحتة النحاس صح كده ؟؟
هجرب برده الكلام ده واقولك على اللى حصل
وفعلا انا كمان ناقص ابيع العربية

الله ينور يا احمس باشا
انا عملت اللى انت قلت عليه
وجبت الوصلة اللى انت قلت عليها ووصلت ام بى ثرى بلاير والزنة اختفت
الحمد لله
كده زى ما انت قلت العيب يبقى من الكاسيت والسلوك (اللى هما ما قبل الجى ام)
قمت عملت زى ما بيتل قال
جبت سلكة من سلك السماعات اللى كنا جايبينه من راديوشاك وعريتها من البلاستيك ووصلتها زى ما هوة قال
انا حسيت ان الزنة قلت شوية لكن لسة موجودة

ايه هو بقى العيب
هل من القفلة انا معملتهاش كويس
طيب بتتعمل ازاى بالظبط
وشكرااااااا لكل اللى ساعدنى وبالاخص الاستاذ احمس وبيتل(ربنا يوفقه ويختار كاسيت :) )