الموضوع: يا مستخدمى الأندرويد

المشاركة الأصلية كتبت بواسطة Abdelrahman.H

الحمد لله يا رجاله بقيت أندرويدااااااااااااوي أخيرا و مش بجهاز واحد بل بجهازين ..

Samsung Galaxy Mini



Samsung Galaxy S i9000 16 giga





من كتر ما قريت عن الأندرويد و من كلامكم عنه قررت إني أتخلى عن النوكيا بعد عشرة عمر إستمرت 11 سنه لم أستخدم فيها سوى النوكيا بدون منافس وإستعملت 11 جهاز نوكيا وهم بالترتيب

3210 === أول موبايل أشتريته سنة 2000 و إشتريت معاه خط سوبر كليك




3310 === باظ مني بعد سنه وشهرين


3410 === مازال موجود ( مرمي في الدرج من 6 سنين )


6100 دخلت مع الجهاز ده عالم الموبايلات الألوان والنغمات البوليفونيك ( لما كان بيرن في الكليه كان المدرج كله يبص حواليه علشان يعرف الصوت ده بتاع إيه )


6600 إشتريته أول ما نزل ب 4200 جنيه و إتسرق بعد 6 شهور


7710 أول موبايل تاتش أمسكه و كان موبايل ممل جدا والتاتش تقيييييييييييل جدا وبعته بعد ما جبته ب 10 أيام


6630 === باظ بعد مرور سنه من شراءه



N73 === مازال موجود ( مرمي في الدرج بقاله سنه )



N95 === إتسرق



2720 === موبايل كله اللي بيعمله إنك تتكلم منه وبس ... ما فيش أي أوبشنز


5800 === بقاله معايا سنه و 8 شهور وتخليت عنه الآن بعد شراء السامسونج




بجد الأندرويد ده شئ جميل .... سهل جداااااااااا و تحس معاه إنك مش مقيد بأي حاجه ... برامجه كتير جدا و روماته و الدعم اللي معموله موجود في كل حته .....

نصيحه لكل اللي مش معاه موبايل عليه أندرويد .... بيع موبايلك حالا و أستمتع بالأندرويد ... جرب و مش حتندم


تقبلوا تحياتي

ياااااااااااااااااااااااا اااااااااااااه انت ازاى كنت مستحمل كل ده ياراجل دانت كده بقيت لواء

ده انا مقدرتش استحمل غير جهاز نوكيا واحد بس ومكملش معايا كتير كمان

على العموم اهلاااااااااااا بيك فى عالم الأندرويد وألف مبروووووك

والجالاكسى اس جاى بروم ايه؟

المشاركة الأصلية كتبت بواسطة ahmed_nubira

ياجماعه ارجوكم انا عندى جهاز vibrant t-mobile galaxy s
المهم الجهاز كان متعرب وكله تمام جيت عملت فيها عالم ونزلت روم جديد المهم الروم مفهوش عربى والحياه منيله اوى جربت كذا روم مفهمش عربى واللى فيه عربى مش بيرضى يتنزل بال recovery او بينزل بس بيهنج ومش بيشتغل

محدش يعرف يفيدنى فى موضوع التعريب دة...الحروف مش متصله فى التصفح والرسايل مش بتتشاف فيها العربى ولا فيه كتابه....مع ان الجهاز كان بينزله عربى وزى الفل
النسخه عندى 2.3.3
مفيش اى ملف او اى حاجه تظبط الموضوع...انا دورت كتير وبقالى يوم قاعد على الاب توب اجرب ومفيش فايده :(

ياريت حد يخدمنى الله يكرمكم

شوف الموضوع ده يمكن يفيدك

ودور فى قسم الترقيات هتلاقى مواضيع بخصوص جهازك

I9000JPJPM افضل روم لجهاز الفايبرنت Vibrant على الإطلاق - الكمبيوتر الكفي

المشاركة الأصلية كتبت بواسطة m7nsh

الف مبروك يا عبد الرحمن .. انا زيك برده مشلتش غير نوكيا ,, و قريب هجيب حاجه سامسونج اندرويد ان شاء الله

ليا استفسار يا جماعه .. انا كنت بسال ع الجيو و الفيت من شويه .. بس واضح انى هعلى الميزانيه شويه و اطلع من تحت البلاطه !! .. Galaxy SL i9003
الموبيل ده عجبنى جدا .. هو سعره زيرو فى رينج 2700 2800 .. بس فى منه مستعمل ؟؟
هو اخو الجالاكسى S i9000 بس الفرق فى الشاشه SC LCD
و البروسسور مش hummingbird بس جيجا برده ARM Cortex .. و فرق الف جنيه !
اى معلومه عن اى مكان ممكن يكون عنده مستعمل ياريت يقول ..
واحب اشكر محمد بيه حمدى ع تعبه معايا :).. انا جربت فعلا اسال يونيون جروب بس حسيت الناس هناك مش فاهمه حاجه !!

ياباشا تحت أمرك :)

بص انا هقولك على فكرة

مدام الميزانية وصلت ل 2800 يبقى رأيى تجيب جالاكسى اس مستعمل

وسيبك من ال i9003 وبصراحة الشاشة السوبر اموليد دى هتكرهك فى جميع شاشات الموبايلات :)

بص كده العرض ده .. واحد بيبيع جالاكسى اس بالضمان ولسه زيرو على كلامه ب 3100 جنيه

اتصل بيه ونزل معاه وقوله الجهاز بقه ب 3600 جنيه

نزل 100 ولا 200 جنيه وظبط

اللينك أهو

Samsung galaxy s 16 giga بالضمان المحلي استعمال يوم بالفاتوره - موقع الدي في دي العربي - DVD4ARAB.MAKTOOB.COM

وده عرض تانى اهو

للبيع جالاكسي اس Galaxy S i9000 - موقع الدي في دي العربي - DVD4ARAB.MAKTOOB.COM

بس خليك فى العرض الأولانى عشان الجهاز بالضمان وكده

ولو خلصته على 3000 جنيه يبقى تمام اوى

ومبروك عليك مقدما

المشاركة الأصلية كتبت بواسطة tamatemo

معايا مؤقتا جهاز الجلاكسي 5

i5503
بس الماركت مش نازل فيه ولا راضي يتعرف علي الماركت بتاع الاندوريد

ومديني ماركتات تانية هبلة

بتاع سامسونج وبتاع سلايد مي

اعمل ايه؟

الفيرجين بتاعه 2.1 ومالهوش لسه ابديت نازل

المشاركة الأصلية كتبت بواسطة rockana

معايا نفس الموبايل بنفس المشكله ياريت حد من الخبراء يرد

ده كان رد ليا فى نفس الموضوع

جربوا الحل ده :)

المشاركة الأصلية كتبت بواسطة M7amD_7amDy

ياباشا ولا معقد ولا حاجة :)

بس خد بالك اللى هقولك عليه ده هيفرمت الألعاب والبرامج

وممكن معاهم كمان الأسماء والرسايل مش متأكد اوى :)

أعمل باكب للأسماء والرسايل إحتياطى والبرامج لو عايز

خليك معايا وركز شوية

1- شيل الماركت اللى انت نزلته تمام؟
2- حول نظام الساعة ل 24 ساعة
3- ادخل على الأتصال .. ودوس

*
#
272
*
وبعدين دخل ارقام الساعه اللى فوق من غير : من الشمال لليمين

وبعدين #

هتظهرلك قائمة تانية
إختار منها xsg ودوس أنستول والجهاز هيرستر

لو منفعتش حكاية الساعة حط مكانها سيريال التليفون وده بتجيبه بالكود ده *#06#

الجهاز هيفتح ومعاه الماركت

ومبروك عليك الماركت :)

ولو محتاج اى حاجة تحت أمرك :))