سؤال صغير عن بريليانس fsv بس محيرنى

**Sherif20099** · 03-12-2010 10:49 PM

السلام عليكم و رحمة الله

فى البداية احب اعرفكم بنفسى انا شريف عضو جديد فى هذا المنتدى الجميل اللى مليان فعلا معلومات قيمة فى كل ما يخص السيارات من الابره للصاروخ

أدخل بقى فى الموضوع اللى على الرغم من صغرة فإنه عامللى جنونة
كنت عاوز ان شاء الله اشترى بريليانس FSV بس.............كان فى كام سؤال محيرنى

1 : هل ال FSV GL مفتاحها متشفر ولا عادى ؟

2 : انا كنت سمعت ان فى ناس بتشتكى من ان المفتاح المتشفر احيانا بيعلق فى الFSV فهل هذه مشكلة

شائعة فى هذا الموديل ام نادرا ما تحدث ؟

3 : هل كماليات ال GLS فعلا تستاهل الفرق 5000 جنية ولا لو جبت GL و ركبتلها الكماليات دى حتكون ارخص

4 : هل فعلا السيارات اللى محركاتها متشفرة من المستحيل ان حد يشغلها من غير مفتاحها الاصلى ؟

5 : هل السيارة بريليانس FSV مستهلة السعر ده كسيارة صينى ولا سعرها غالى حبتين ؟
6 : و أخيرا ما هى عيوب البريليانس FSV و هل توكيل البفاريا مهتم بالسيارة ولا لأ؟

انا عارف ان انا رغييييييييييييييت كتير و وجعت دماغ ناس كتييييييييييييير بس انا اول مره شوفت فيها العربية عجبتنى جدا بس حبيت اخد رأى خبراء المنتدى و ملاك السيارة علشان الموضوع ده خالانى قربت اكلم نفسى و اسف على الاطالة

**Sherif20099** · 04-12-2010 10:45 AM

معقول 15 مشاهدة ولا يوجد رد واحد

**Sherif20099** · 04-12-2010 05:32 PM

طيب اى حد عنده رد على اى سؤال يقول حاجة بلاش الظلمة دى ...... يعنى الناس داخلة و خارجة على الموضوع و مفيش حد

عايز يقول حاجة ليييييييييييه ......يا جماعة انا بسأل علشان انا بفكر بجد فيها مش دردشة و خلاص

**goingonlovingu** · 04-12-2010 06:38 PM

1- ال gl مفتاحها مش متشفر
2- اول مره اسمع عن الموضوع بتاع انه بيعلق ده
3-الكماليات باركينج سينسور فوج لايت مرايات كهربا جنوط اظن تستاهل اكتر من 5000
4- معرفش
5-اظن العربيه سعرها معقول جدا بالنسبه للعربيات الل يفي فئتها احسنهم بكتيييييييير
6-عيوب ما سمعتش لحد دلوقتي عن حاجه بالعكس الناس كلها بتقول انها اكثر من رائعه وبالنسبه للتوكيل اسعاره غاليه شويه

**Sherif20099** · 04-12-2010 11:35 PM

شكرا يا goingonlovingu باشا

**goingonlovingu** · 06-12-2010 10:40 AM

ولا يهمك يا باشا اي خدمه

**mostafalatahan** · 07-12-2010 01:35 AM

اشتري frv احسن كتييير

**akramesg** · 07-12-2010 12:05 PM

بص عمر مالمفتاح علق اللى بيعلق الزرار اللى فى الشنطه ورا
راجع ردى هنا http://www.nilemotors.net/Nile/188091-fsv-3000-a.html
وهتلاقى الراجل بيتكلم عن العيوب من وجهة نظره

الاساسيات فى العربية ممتازة وتستاهل اكتر من سعرها بس يمكن هم مستخسرين شوية فى الكماليات
يعنى انا عندى زرار تحريك المرايات لفوق وتحت علق بيحرك يمين وشمال بس!!!!

طبعا التوكيل هيظبط الحاجات دى فى الضمان عادى بس الواحد بيقلق لفترة ما بعد الضمان واسعار التوكيل الوهمية

ربنا يوفقك فى اختيارك وبالنسبالى مش ندمان وفرحان جدا بالعربية وهى تجنن فعلا متقلقش

**Sherif20099** · 07-12-2010 10:52 PM

شكرا يا Akramesg على اهتمامك و ربنا يباركلك فى سيارتك و يديك خيرها و يكفيك شرها :)

و على فكرة انا روحت النهاردة توكيل البفاريا و اتفرجت على FSV و كانت GL بس هى اللى موجودة و الموظف هناك قاللى ان GLS

حاتيجى كمان شهرين بس الصراحة سواء العربية GL أو GLS العربية بجد تحفة من جوه و من بره

**akramesg** · 08-12-2010 09:32 PM

على اية يا باشا انا بس بباصى المعروف زى مفى ناس دلتنى بحاول اساعد على قد مقدر
لو رحت التوكيل تانى سلملى على استاذ محمد عامر مدير المبيعات راجل زوووووووووق الصراحة