اقتباس المشاركة الأصلية كتبت بواسطة hobaaa888 مشاهدة المشاركة
انا عقدت النية انى اجيب كارينز ان شاء الله
بس لية شوية استفسارات:
-ايه الفرق بين الخليجى والتوكيل؟
- وهل فعلا فى مشكلة مع الخليجى فى الضمان
-طب لو فى اوبشن زيادة فى الخلجى ينفع اجيب من التوكيل وبعدين اركبها؟
-ايه افضل مكان اشترى منه؟
ايه الحاجات اللى اخلى بالى منها وانا بستلم؟
و شكرا
__________________________________________________ __________

hobaaa888 باشا ،

اولا الف مبروك علي إختيارك ...

بص يا باشا انا كمان حيران بين كام عربية و الكارنز لوحدها فيها كذا موديل

شوف اولا :-
الفرق بين الخليجي و الوكيل فئة الهاي لاين اوتوماتيك:
1- الخليجي في منه بعض السيارات اللي فيها كاميرا خلفية و كاسيت تاتش و جي بي اس لكن مافيش ده خالص في الوكيل .
2- في بلوتوث في المالتي مافيش في الخليجي اما الوكيل المالتي فانكشن للكاسيت بس .
3- في طقم نواكل داخلي و حليات علي فتحات التكييف .

بس كده و الباقي كله هوا هواه في الوكيل فيها ايه بقا الهاي لاين 2011:-
1- السيوف دلوقتي باقت زي الخليجي فضي و الشكمان كروم
2- بقة في يو اس بي و اي بود و مخدع رائع في وسط الكرسيين .
3- الشبكة الامامية الجديدة و خلفية و شكلها حلو اوي
4- في مالتي فانكشن و كمان الكاسيت العريض بس مش جي بي اس كاسيت سي دي عادي
5- في طقم نواكل و بكتات جانبية نواكل و بقا فيها دلوقتي من جوه نواكل علي الحلي بتاع الفتيس و التكييف
6- طبعا جنوط 16
7- و كمان ABS , EBD
8- مفتاح ريموت و انذار زي اللي راكب في السيراتو و نفس مفتاح السيراتو (حلو جدا )

جميع السيارات ليس بها فوجات امامية و لا فتحة سقف

و انا سئلت في التوكيل قبل كده يتركب الفوجات ب 900 جنيه و باللمبات و كمان تركب الكاميرا الخلفية و الشاشة في العربية من جوه ب 1200 و عليها هما الاتنين ضمان كمان .

بالنسبة للعربيات الخليجي موضوع تدفع 4000 و تخش ضمان ، التوكيل رد عليا و قالولي انه اه فعلا تخش الضمان ولكن لا ينطبق الضمان علي قطع الغيار او لو حاجة باظت في العربية هما مالهمش دعوا بيها ( اما ضمان علي ايه مش عارف ) ..!!!!

المهم رائي في النهاية انه حرام تضيع خمس سنين ضمان في شوية كماليات ممكن تركب في اي حته و اسعارها معقولة اوي ))(( فخليك في الكارنز الوكيل احسن ) بدل ما تدبهدل في التوكيل و هتتعامل معاملة غريبة جدا اكنك داخل تشحت منهم صيانة .

و لو عايز اي استفسار تاني انا تحت الخدمة اصل العربية ده مذاكرها كويس و حمايا جبتهاله و كنت عامل مسح شامل عليها قبل كده.