تجاره اعضاء بشرية و لا اية ؟

**MEDO80** · 23-03-2008 04:32 PM

السلام عليكم
النهاردة جالي خبر غريب جدا سمعتة من واحد زميلي
في اسكندرية و بالتحديد في اشاره الابراهيمية كان في راجل مجنون علي طول بيقف فيها و معاه كوره قدم بيلعب بيها وسط العربيات و دا السبب ان في ناس كتير جدا عارفاه عندنا في اسكندرية بالرغم من كتر المجانين في اشارات المرور
المهم
الراجل دا لقوه ميت وسط الزباله ( لا حول و لا قوه الا بالله العلي العظيم)
بس المفاجاه انهم لاقوا كلييتة مسروقتين
يا تري اية الموضوع دا
هل في حوادث تانية مشابهة في الفتره دية و لا دا مؤشر علي تجاره جديدة دخلت مصر من اوسع ابوابها اسمها تجاره الاعضاء البشرية؟
و خصوصا كتر الناس الغلابة و المشردين الي ملهمش ماوي و لا حد حيسال عليهم لو اختفوا
و زيادة اعداد الناس الي معاها فلوس من الهوا لدرجة انها ممكن تشتري اي حاجة و اختفاء الطبقة المتوسطة الي كلنا منها ؟

**Xpert** · 23-03-2008 04:41 PM

دي مش جديده .. دي سرقه اعضاء ... حاجه عاديه خالص ...

**kimo-nubira** · 23-03-2008 04:43 PM

تجاره الاعضاء بقلها زمن في مصر يا ميدو اما الطبقه المتوسطه فهى ابتدت تنقرض فعلا زي الزمالكاويه بالظبت :p

**MEDO80** · 23-03-2008 04:44 PM

يا حلاوه دا انا بقي الي مش عايش في الدنيا و لا اية ؟
انتم بتتكلموا بجد؟

**Xpert** · 23-03-2008 04:46 PM

اه يا عم والله ..
كمان خد بالك لو حد عندك بيعمل الزايده او اي عمليه .. لازم حد يكون معاه جوه .. طالما فيها فتح بطن الامر مايسلمش ...

**MEDO80** · 23-03-2008 04:48 PM

لا مش معقول

**Xpert** · 23-03-2008 04:49 PM

حقك عليا .. انت شكلك مش عايش معانا ...
الناس بقت وحشه ...

**kimo-nubira** · 23-03-2008 04:51 PM

المشاركة الأصلية كتبت بواسطة medo80

يا حلاوه دا انا بقي الي مش عايش في الدنيا و لا اية ؟
انتم بتتكلموا بجد؟

اه والله ياميدو تجاره الاعضاء بقلها كذا سنه في مصر وكان في مستشفي في اسكندريه بارضو بتاخد اطفال الشوارع وتاخد منهم

اعضاء بشريه وتديهم فلوس وياريت بتديهم في ايديهم لاءه ده كانت بتديهم لسمسار اللي كان بيجيب الاطفال دول وهو بقي يا اما يعطف

عليهم ويدهم حقهك يا اما يديهم ملاليم ......

**MEDO80** · 23-03-2008 04:57 PM

مستشفي اية دية ؟ و اتعمل معاهم اية ؟

**kimo-nubira** · 23-03-2008 05:01 PM

والله مش فاكر اسم المستشفي بالظبت بس هى كانت مستشفي خاص ومتهيالي انها كانت في الشاطبي

والموضوع اتفتح في برنامج البيت بيتك من كام شهر كده وكان فيه تحقيقات من وزير الصحه بس مش

عارف الموضوع وصل لفين بس اكيد اطببخ زي اي حاجه بتطببخ ..بدام مافيش اخبار تانيه عنه