الموضوع: حدثة بسيطة باللوجان وتقييمى المبدئى لصلابة اكصدام اللوجان

امبارح جصلت حادثة لعربية وانا ماشى فى حدائق القبة بليل
والعربيات راكنة صف تانى
وكنت الحمد لله ماشى على سرعة مش كبيرة حوالى 60-70
ومره واحد من الصف التانى ده عربية نيسان صنى
صاحبها طلع بيها ادامى
ولا شغل اشاراة ولا انتظار ولا حتى طلع ايده من الشباك
واكيد مبصش من المراية جمبه
المهم فرملت مره واحدة والحمد لله الفرملت اسعفتنى لانى كنت قريب منه اوى ووقف قبل ما اخيش فى عربيته
المهم سمعت بعديها صوت فرملة جامد وبعد كدا خبطة فى عربيتى جامد وانا قاعد فيها
طبعا صاحبنا بتاع النيسان اللى يسامحه خد نفسى ومشى بعربيته ولا كان اى حاجة حصلت
نزلت اشوف اللى حصل
لئات تاكسى دايو لانوس هو اللى دخل فى عربيتى من وراء
الحمد لله -الحمد لله الاكصدام محصلش حاجة غير غربشة صغيرة قشرت البوية بالظبط عند الغطاء اللى بيبقى ورائه
الخطاف اللى بقطر بيه وشوية من البوية البيضا بتاعته طلعت عندى شلتها بفوتة وشوية تراب لما روحت فى الجراج
صاحب اللونس مركزتش اه اللى حصل معاه
بس غالبا والله اعلم الخبطة سمعت عنده جوه لان فتح الكبوت والاكصدام بتاعه اتبق
طبعا الناس فى الشارع اتلمت وطمنتينى ومكلمتش مع سواق التاكسى لان غظ بعنه وقلت الحمد لله على انها جت كدا

بصراحة قعدت بعديها ابص فى العربية شمال ويمين ملئتش اى حاجة تانية غير ان نمرة العربية اطبقت حاجة بسيطة
غير كدا مفيش
الحمد لله انا شايف ان الاكصدام شال كتير امبارح ومحصلوش حاجة
لان كان فيه ناس كتير خوفتنى من اكصدام اللوجان
بس الحمد لله هو زى الفل
وقدر الله وما شاء فعل

قوليلى يا جماعة فيه حاجة ابص عليها فى العربية اطمن عليها يكون حصلت حاجة فيها من العربية ؟؟
انا بصات على الاكصدام من بره ومن تحت كمان حتى الشكمان بصات عليها خوفت تكون الخبطة جات فيه
لان تقريبا بوز عربية اللونس من شدة الفرملة نزل سنة تحت اكصدامى وده اللى قلل تاثير الخبطة

المشاركة الأصلية كتبت بواسطة frhateg

الحمد لله و الف سلامه عليك و علي لوجي .

المشاركة الأصلية كتبت بواسطة nour_nrc

الف سلامة عليك وعلي لوجي

المشاركة الأصلية كتبت بواسطة ahmedelzyat30

الف سلامة يا اسو ربنا يباركلنا في اللوجي

الله يسلمكم يا جماعة
والحمد لله على كل شئ
وجزاكم الله كل خير على سؤالكم

المشاركة الأصلية كتبت بواسطة super_star_h

مفتاح 10 ايه ؟ لا
مش تخليه يلعب فى حاجه
الشكمان مش مربوط بسماويل
مربوط بجلد شكمان
بص نزل دماغك بس تحت الاكصدام هتلاقى علبة الشكمان الكبيره دى اللى تحت الشنطه علطول
بص قدامها كده لبره هتلاقى جلده رافعه الشكمان
لو متحركه من مكانها او واقعه ركبها تانى
والشمكان كمان مربوط فى النص من تحت الباب الامامى للعربيه بص لتحت هتلاقيه مربوط زي اللى ورا بس الفرق انه مربوط بحديده وملحوم
او لو معرفتش روح لمكانيكى وقوله بص لى على الشكمان تحت العربيه شوفه مربوط ولا لا عشان اتخبط منى
مش هتخسر حاجه متخفش ده هينام تحت العربيه وهيبصلك عليه وخلاص وهو هيقولك ع اللى فيها

تمام انا كدا فهمت
الحمد لله انها حاجة بسيطة زى ما فهمت من كلامك
وهجرب كدا موضوع الكوتشة واطمنكم ان شاء الله