الدكتور المصري و الامريكي

**crazylambada** · 04-12-2010 10:39 AM

كنت قبل كده عملت موضوع عن تقديم بريسنتيشن في الجامعه الامريكيه و هاجمت فيه امريكا و سياسه بوش باسلوب جيد متكلم عن سماحه الاسلام و الدكتور الامريكي كان كاتم انفعالاته اللي كانت ظاهره عليه جدا و رغم كده احترمته جدا جدا خصوصا لما وعدني انه يقرا ورق اديتهوله عن السماحه في الاسلام و الحمد لله كانت عندي السماحه من الحريه للموضوع مقضمش و خلاص

النهارده كان عندي بريسنتيشن لمشروع من 3 مشاريع عليا السنادي و الدكتور بتاعها مصري بقى قابل

مرجع دهره و حاطت رجل على رجل احنا عملنا بريسنتيشن عن معالجه المياه و جبناها من شركه اجنبيه طبعا قعد يحاول يبوظلنا و يفتي و يقطع كلامنا في النص لدرجه اننا بقينا نتجاهله و نكمل شرح
ناس قدموا بعدينا و مقلش لحد فيهم حاجه و ميجوش حاجه جنبنا
و في اخر المحاضره قال انتم اول مره تقدموا (جاهل احنا عملنا بريسنتيشن اصعب من ده مليون مره و بيتقدم قدام 400 طالب) و ان عندكم ضعف في البحث العلمي و كان مفروض تستعينوا بالكتاب بتاعي (نظري) علشان تتكلموا و مش عارف ليه
ساعتها مقدرتش امسك لساني و كنت قايله يا دكتور كتابك عارفين فيه ايه احنا بنجيب احدث حاجه في العالم و حاجه محدش سمع عنها هو البريسنتيشن فايدته ايه لو بنجيب من الكتاب اللي بنذاكر منه اصلا لقيته مركز معايا و ناس قالولي كده تشيل الماده قولت حسبي الله و نعم الوكيل

شتان بين الدكتور الامريكي اللي هاجمت دولته و بلده و ما بين دكتور متقبلش حتى راي معارض لرايه

دلوقتي ناس قالولي ان لازم اشتريله هديه و مش عارف ايه بس انا كده هبقى منافق و مش عاوز اعمل كده ايه رايكم؟؟؟؟؟؟؟؟؟؟

**Col. Eng. Khaled** · 04-12-2010 11:18 AM

لو تحسبها

حضرتك قدام الناس عملت إللي في نفسك ، موضوع "الهدية" حتبقى بينك و بينه

المبرر "مستقبلك" مش مستقبل حد تاني .

بالتوفيق إن شاء الله يا باشمهندس .

**Ralliart** · 04-12-2010 11:28 AM

معلش هما دول دكاترتنا المعقدين
انت اللي تعرف تحدد هو هيشيلك ولا لأ وهينفع ييجي بالنفاق ولا لأ
وحاول تشوف اي دكتور او معيد قريبك يروح معاك وتقعدو معاه شوية وتتصافو (مع اني مش شايف انك غلطان في حاجة)

**crazylambada** · 04-12-2010 11:34 AM

سياده العقيد ازاي حضرتك كل سنه و حضرتك طيب
امري الى الله مع ان كنت رافض المبدا بس علشان خاطر مستقبل و اخر سنه نخلص منهم و ارتاح
و شكرا جدا ليكم

**mahmoud_magdy** · 04-12-2010 11:39 AM

القصه اخلاق
احنا عندنا نماذج كتير من الدكاتره اللي بتقبل النقد وبيتميزو بأخلاق عاليه

اما موضوع الهديه ده
رأيي الشخصي ان حضرتك تثبت على موقفك
ولا تجيب هديه ولا تصفي النفوس ولا حاجه
ده رأيك والثبات عليه قيمه كويسه جدا ليك
والنجاح او الفشل بايد ربنا
المهم انك تجتهد
ومعتقدش انك غلطت في اي كلمه قلتها

وفي 100
طريقه اذا ظلمك تعرف تجيب حقك بيها

**Col. Eng. Khaled** · 04-12-2010 11:44 AM

كلمة على جنب يا باشمهندس

من واقع تجاربي أثناء خدمتي ......... خد حقك ممن هو أقدم منّك سواء بالأدب أو الرخامة (حسب الموقف) و إن إستدعى الأمر

توقيع عقوبة "جزا" بحيث العقوبة لا تؤثر على مستقبل أسرتي بالتبعية (محاكمة ، طرد من الخدمة ، ........ إلخ) .

**A.Saad** · 04-12-2010 04:50 PM

عديها ما دامت اخر سنة

-

-

-

الموضوع: الدكتور المصري و الامريكي

LinkBack

أدوات الموضوع

عرض

الدكتور المصري و الامريكي - انشر الموضوع فى :

-

-

-

-

-

المواضيع المتشابهه

الحبال الامريكي

رد قوي جدا من الدكتور البلتاجي على المصري اليوم

منقول : رسالة من الدكتور محمود غزلان إلى «المصري اليوم»

الدكتور القرضاوي يحل نصف مشكلة السيولة والاقتصاد المصري

اخر اختراعات المواطن المصري المصري لحل مشكلة الركنة فيديو عالفيس بوك .... مفاجأة

الكلمات الدلالية لهذا الموضوع

المفضلات

المفضلات

ضوابط المشاركة