الموضوع: رعشة ورجرجة بعد ال 100 كم س

انا عندى العربية لما بوصل لسرعة 100 فيما فوق بحس برعشة ورجرجة غبية اوى تحت رجلى وبتزيد كل اما ازود بنزين
السؤال هنا انا عارف انو ممكن اكون عايز ظبط زوايا او ترصيص او فى حاجة فى علبة الدركسيون بس خللى علبة الدركسيون على جنب دلوقتى عشان لسة عاملها حشو ومغير بارتين يمين وشمال يبقى خلينا فى ظبط الزوايا والترصيص اللى انا عايز استفسر عنو
انى مهما اكون بجرى وبسيب الدركسيون العربية ثابتة مكانها مش بتحدف ولو حدفة بسيطة حتى ولا بتحدف مع الفرملة ولا بتحدف على سرعة عالية ولا واطية
هل ممكن يكون عيب الرجرجة والرعشة دة من الزوايا والترصيص بالرغم ان العربية لو سبت الدركيون على اى سرع مابتحدفش معايا
ولا ممكن يكون عيب اية بالظبط
ومع العلم قواعد الموتور سليمة وجديدة عشان انا شكيت فيها برضو عشان الرعشة دى بتييجى من الجزء اللى قدام كلو
افيدونى افادكم الله

بص يا باشا فى فرق كبير أوى بين ظبط الزوايا و الترصيص

و العيب اللى أنت بتشتكى منه ده عيب ترصيص بس مش زوايا عشان انت على كلامك الزوايا عندك مظبوطة (مهما اكون بجرى وبسيب

الدركسيون العربية ثابتة مكانها مش بتحدف ولو حدفة بسيطة حتى ولا بتحدف مع الفرملة ولا بتحدف على سرعة عالية ولا واطية )

و أنا كان عندى نفس المشكلة دى فى اللانوس كنت بعد ال90 الدركسيون يقعد يترجرج فى إيدى جامد جداً و لما رصصت دلوقتى بقدر

أجيب بيه لحد 140 زى الفل و أنا أصلاً مش بحب الجرى

روح لواحد بتاع ترصيص كويس و خليه يرصصلك العجل و بالمرة يكشفلك عليه مايكونش فى كاوتشة بايظة عشان ممكن لو الكاوتشة اللى

قدام فيها مشكلة (ملووحة أو بتدبدب) تعمل معاك الحركة دى

وبإذن الله يكون ده حل المشكلة