لمبة فى ولاعة السجاير لانسر 2010

**sheriefaly** · 20-12-2010 02:15 AM

المشاركة الأصلية كتبت بواسطة mesho70

ياريت تكمل الموضوع وخصوصا ً التوصيلات الكهربائية
لانى اريد تركيب لمبة الولاعة وطفاية السجائر
ومشكور على مجهودك الرائع

حاضر ان شاء الله بس مشغول شوية اصلى عامل لكم مفاجئة شغال فى دائرة انذار تتصل بيك على الموبايل لما الباب يتفتح بالاضافة انها تذكرك تقفل السنتر عشان فى تثبيت في الاشارات اليومين دول
ودي صورة الدايرة وهى تحت التجربة

**bedo13** · 20-12-2010 04:02 AM

بالتوفيق ان شاء الله وفي انتظار الموضوع ده عشان هتلم زباين كتيييير ههههه..
ياريت بقى يكون شرح تفصيلي زي الموضوع ده عشان عايز اعمله في عربيتي بس مش لانسر...

**sheriefaly** · 20-12-2010 11:21 AM

ادى باقى صور الدائرة الحمد لله الدائرة شغالة على البنك زى الفل هاركبها انهاردة فى العربية للتجربة العملية

**sheriefaly** · 20-12-2010 12:13 PM

المشاركة الأصلية كتبت بواسطة mesho70

ياريت تكمل الموضوع وخصوصا ً التوصيلات الكهربائية
لانى اريد تركيب لمبة الولاعة وطفاية السجائر
ومشكور على مجهودك الرائع

و يرجع موضوعنا لتوصيل ليد الولاعة
الموضوع سهل كل الحكاية ان لما توصل للولاعة من الداخل هتلاقى طرف بنى موجب و طرف اسود طبعا سالب لاحظ ان الليد لة قطبية يعنى لو اتوصل معكوس مش هينور لذلك تاكد من اطراف اليد وان كنت مش متأكد مافيش ضرر ان وصلتها معكوسة و منورتش اعكس الاطراف

طريقة توصيل الاطراف تعتمد على الامكانيات الشخصية فى التعامل مع الموضوع ابتدا من التوصيل المباشر بسلك من تحت ترامل الولاعة الى عمل تطويلة بترامل زى اللى ف الصورة الاتية وهى مش واضحة اوى وهية راكبة بس المشاركة القادمة هاعملكم ترامل تطوبل واصورها عن قرب طبعا ان كدة استسهلت فالاضائة مع الولاعة مش مع التابلوة