الموضوع: مكرونه بالتونة (( هتاكل صوابعك وراها ))

والله انتا راجل ميه ميه

انا قريت موضوعك امبارح

ومن شويه كنت جعان جدا جدا ومش عارف اعمل ايه

وفتحت تقفيل الممطبخ لاقيت التونه بتاعتك باسمها كمان

روحت افتكرت موضوعك

روحت فاتحه يا معلم قدامي وهاتك يا شغل اساعه 2 بالليل

امي صحيت علي حوار البصل وهوا بيتحمر وكانت فاكره اني حرقت المطبخ (نادرا اما بدخل المطبخ)

بس والله متحرقش بس هيا استغربت مين الي بيحمر بصل دلوقت يعني

وحطيت جبنه رومي زي ما انتا قلت ومظبطه الكلاااااااااااااااام

بس انا زودت حاجتين من عندي

اول حاجه صلصه (زي بتاعة الكشري) قبل ما احط الخليط علي المكرونه علشان متبقاش مكرونه لواحدها كده

وتاني حاجه كاتشب علي الوش

بصراحه ملهاش حل ورائعه وباكل وانا بكلمك دلوقت

A.Yakout