كان الله في العون كلنا بنشوف المر دة والله
رقم العضوية : 7200
تاريخ التسجيل : 09Mar2008
المشاركات : 2,335
النوع : ذكر
الاقامة : القاهرة
السيارة: مترو الأنفاق
السيارة[2]: ٍSUZUKI MARUTI 2009
الحالة :
السلام عليكم جميعا
أولا أبدأ بالتهنئة على إعادة تشغيل المنتدى بكامل طاقته مع شكر خاص للقائمين عليه وعلى جهدهم الوفير
ثانيا أحب أن أحكى لكم عن مأساتى - قصدى تجربتى - بالأمس فى مرور إللى يروح مايرجعش - قصدى مرور السلام - يااااااااااااااااااااااه بلاد تشيلك وبلاد تحطك ، طوابير طوابير طوابير ، لخبطة ، مافيش تفاهم ، مافيش إستعلام ، مافيش تعاون ، مافيش رحمة ، مافيش دم ، مافيش مافيش
قلة أدب وهرجلة ورخامة وإستغلال وزحام شديد وبشر غريبة اللهم احفظنا
كل الإنطباعات دى آل وكان معايا واحد من هناك بيخلص لى نقل الملكية
أحب أن أقول إن الموضوع خد يومين منهم نص يوم راح فى إستخراج المخالفات - قمة الروتين والعته الإدارى
يعنى يتنده عليك أربع مرات مابين كل مرة والتانية حوالى ساعة إلا ربع وده بس علشان تدفع المخالفات (بدأت رحلة المخالفات الساعة 9 وإنتهت الساعة 12 إلا ربع والله )
باقى الطوابير والشقلباظات المرورية الراجل عملها - طبعا بحكم شغله فى المكان - فى حوالى ساعتين
هبش منى فى الآخر 200 جنيه (طبعا كثير جدا ده غير الفكة يعنى أنا كنت عامل زى نوباتشى الفرح أو عامل زى ما المثل بيقول زى أم العروسة فاضية ومشبوكة بس أنا جيت فى لحظة من اللحظات والله والله والله ساعة المخالفات كنت عاوز رخصتى بس علشان أروح أبيع العربية لاول واحد يطلب يشتريها بجد والله وبدون تهريج)
وما زلت لدى الإحساس المعتم بأن السيارة تتباع أحسن وأسهل للحياة بدون مشاكل
الترخيص طلعته 3 سنين علشان ماشوفش خلقتهم تانى (يمكن الواحد يموت قبل التلات سنين دول ما يخلصو) يبقى مصلحة
رجعت البيت ناقم على كل شىء ومتضايق جدا لولا إنى شفت ولادى بس رجعت لى البهجة مرة تانية
الرخصة طلعت كأنها مولود جديد بيتولد لك بعد عذاب وضيق وإنتظار وجهاد وكفاح والله يا جماعة مش بأبالغ أبدا
لو ميت زحمة وفيه نظام يبقى مافيش مشكلة لكن طول ما الأبواب الخلفية مفتوحة يبقى الفوضى هى سيدة الموقف لتحقيق مصلحة القائمين على المرور والمسئولين فيه .
فى المرور فيه مكان ماحدش بيدخله إلا ذوى الحيثيات الإجتماعية والوساطة يا إما تعرف توصل له يا إما تقف بقى لحد ما تفرقع من الغيظ .
روحت ظهرى واجعنى من الوقفة والشمس هرتنى وفلست والميزانية باظت الله لا يسامحهم
نصائح :
1- إوعى تروح المرور يوم السبت أبدا .
2- حاول تلاقى حد يخلص لك الإجراءات (إلا المخالفات)
3- إذا قمت بنفسك بعملية التجديد أو نقل الملكية إتبع الآتى لتخفيف وطأة الموضوع شوية :
- إعمل حسابك فى أجازة 5 أو 6 أيام وروح المرور بدرى كل يوم علشان تعمل إجراء واحد أو إجراءين حسب طاقتك ووقتك يعنى كل يوم حاجة لغاية ما تخلص الإجراءات كلها وترخص (الكلام ده من خلاصة خبرتى المنيلة وده إللى ناوى أطبقه بمشيئة الله إن كان لينا عمر )
آسف جدا على التطويل بس والله دمى محروق
لما كلكم عاوزين تبقوا فتوات أمال مين إللى حينضرب
رقم العضوية : 29637
تاريخ التسجيل : 09Jan2009
المشاركات : 1,303
النوع : ذكر
الاقامة : zgazig
السيارة: ربنا يباركلي في الاولى
السيارة[2]: هيونداي اكسينت 1500
الحالة :
كان الله في العون كلنا بنشوف المر دة والله
The worst is Not come Yet
رقم العضوية : 11902
تاريخ التسجيل : 30May2008
المشاركات : 4,959
النوع : ذكر
الاقامة : cairo
السيارة: Now : Honda Civic 4G A/T F/O
السيارة[2]: Was:Peugeot-Fiat-Mazda
دراجة بخارية: God Willing Dodge Tomahawk
الحالة :
ههههههههههههههههه مرور السلام ده لعنــــــــــــــــــــــ ـة ، مع انى بخلص كل حاجة هناك من غرفة الكوسة .
وَمَا رَبُّكَ بِظَلَّامٍ لِّلْعَبِيدِAll The Power On Earth Can't Change Destinyアフマド アミン
رقم العضوية : 82434
تاريخ التسجيل : 01Dec2010
المشاركات : 1,282
النوع : ذكر
الاقامة : cairo
السيارة: YA MOSAHEL
السيارة[2]: R-I-T-M-O
دراجة بخارية: no
الحالة :
الله يقويكوا بصراحة انا روحت مرة كرهت نفسى
رقم العضوية : 82477
تاريخ التسجيل : 01Dec2010
المشاركات : 4,011
النوع : ذكر
الاقامة : eltgamo3 eltalet
السيارة: Lanos I - 1997
السيارة[2]: Lancer 2000- glx
دراجة بخارية: ..
الحالة :
كان الله في العون
[img3]http://www.nileup.com/uploads/13458446741.jpg[/img3]
رحمك الله يا صبحي
رقم العضوية : 7200
تاريخ التسجيل : 09Mar2008
المشاركات : 2,335
النوع : ذكر
الاقامة : القاهرة
السيارة: مترو الأنفاق
السيارة[2]: ٍSUZUKI MARUTI 2009
الحالة :
حلوة غرفة الكوسة دى
لما كلكم عاوزين تبقوا فتوات أمال مين إللى حينضرب
رقم العضوية : 30921
تاريخ التسجيل : 23Jan2009
المشاركات : 4,877
النوع : ذكر
الاقامة : KSA
السيارة: kia rio 2001
السيارة[2]: Lincoln Town Car 2001 4.6
دراجة بخارية: لايوجد
الحالة :
يا جماعة
فعلا مرور السلام ده نقمة
ربنا يرحمنا
بس ليه حل الحمد لله ربنا وفقني فيه بعد تجربة ترخيص 3 سيارات
الحل ببساطة انك هتخلص على يومين بالظبط
اول يوم هتروح تعمل فيه كالاتي :
1- شراء أرواق الفحص من الخزينة
2-التوجه لفحص السيارة
3-إستخراج شهادة المخالفات
4-دفع التأمين الاجباري
5-استخراج الاستعلام الامني
6- شراء ملف اللي هو ب 2 ج علشان جواه شوية نماذج هتحتاجها
ده كده اول يوم سعادتك كده خلص والحمد لله ما تفكرش تتفزلك وتقف على الشباك لان ببساطة لازم هتروح ترجع تدفع في الخزينة ودي بتقفل الساعة 12 ظهرا
تاني يوم (ده أهم يوم تكون هناك قبل مال المرور يفتح بابه تكون اول واحد حاطط رجلك جوه المرور)
هتروح تحط كل اوراقك دي في الملف ويكون معاك النمر القديمة
وتقف على شباك الترخيص (عادة بيكونوا آخر شباكين بعد شباك الخزينة والنماذج )
الموظف هيديلك ورقة تروح تدفع في الخزينة وتشتري شوية نماذج هو هيكتبهالك وترجعله تاني وهيديلك ورق تسلمه في الشباك اللي جنبه مع النمر
تقعد سيادتك بعد كده في الاستراحة بره لحد لما يندهوا عليك تستلم رخصتك وبعدين تروح تستلم النمر
العيال بره في الجراج لما تخلي باب المرور على يمينك هتلاقي جراج كبير حكومي الرسوم فيه 2 ج ده افضل مكان وموجود فيه الناس اللي بتعلق اللوح ب 5 فقط لاغير
مارتكنش في اي مكان تاني بره ومتصورش او تشتري نماذج من بره جوه المرور في كشكين كبار فيهم كل حاجة
اتأكد ان الطفاية معاك صالحة
ومبروك عليك
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
مشوار المرور لازم 3-4 أيام عشان تقضيه بدون عذاب
رقم العضوية : 80905
تاريخ التسجيل : 22Sep2010
المشاركات : 2,674
النوع : ذكر
الاقامة : cairo elbehera
السيارة: بيجو 406
السيارة[2]: bmw 523i
دراجة بخارية: no
الحالة :
ربنا يكون في عونك بس احنا عندنا في البحيره غير كدا خاااااااااااااااااااااااا ااااالص لازم تاخد شيخ معاك عشان لما تخلص يردلك دينك من اللي هاتشوفه واللي هاتعمله ربنا يولع في محافظه البحيره كلها والنار تسحب منها علي باقي الجمهوريه
رقم العضوية : 5416
تاريخ التسجيل : 09Feb2008
المشاركات : 1,940
النوع : ذكر
الاقامة : Alexandria
السيارة: was: Nubira II-lanos 1-regata-128-124
السيارة[2]: Peugeot 301
دراجة بخارية: nop
الحالة :
من فترة كنت ببيع اللانوس فا كنت بجيب شهادة مخالفات .. مع اني خلصتها في زمن قياسي .. من الساعة 9 ل 12 .. بس كنت مخنوق جدا جدا جدا .. و كنت بقول لنفسي دا جهازين كمبيوتر بس يخلصوا الحكاية دي .. و مش هيبقى في الزحمة دي كلها .. واحد تخرج من علية اسمك و المخالفات بتاعتك .. و التاني تدفع عندة و تاخد الشهادة .. بس تقول اية بقى .. مفيش فايدة
انا معارضة على فكرة
المفضلات