عرض للطباعة
اولا حمدالله على سلامة المنتدى الجميل
ثانيا اعرفكم بنفسى انا حازم ولسه مبتدأ فى الموتسيكلات وناوى انشاء الله اجيب حاجة 250 او 400 عاده
بس كان عندى سؤال هل الموتسيكل بيصرف زى العربية ولا اكتر
من ناحية استهلاك البنزين
و قطع الغيار و مصنعية الميكانيكى
الى اخره
انا جديد زيك يا حازم والله .. ومن اللى شوفتة الموتسيكل لا يستهلك بنزين زي العربية طبعا .. بس من ناحية قطع الغيار
اهل الخبرة يفيدوك بقى
واتمني تتقبل مروري
بص يا استاذ حازم الموتوسكلات العاديه زى المكن الصينى او الجواا او الفسبا دى مش بتصرف فلوس خالص وقطع غيرها موجوده فى كل حته ورخيصه جدا اما الهوندا شوف بقى :
اولا :قطع الغيار غاليه لدرجه انها اغلى من بعض السيارات يعنى مثلا انا من يومين جبت الرداتير ب650 جنيه مع العلم انى راكب 250 عاده ودى ارخص مكنه فى الهوندا اما فى السيارات ممكن تعمل ردياتر عموله ب200 جنيه ويبقى شغال كويس حاجه تانيه طقم البوجيهات مثلا ب160 او 120 جنيه اما بعض العربيات ب60 او 80 جنيه
ثانيا: استهلاك الوقود فى الموتسيكلات عامه مش كبير اذا قارنته بالسيارات
ثالثا: المكانيكيه كل الصنيعيه بتوع اليابانى مش كويسين كلاهم الله يسمحهم وكلهم بتوع حوارات فى مش اى حد فيهم تصدقه :049:
طبعا هتقولى انت مستحمل القرف ده ليه ما كنت جبت عربيه احسن هقولك انا غاوى فا انت لو غاوى اتفضل عيش اما لو بتتكلم من الناحيه العمليه يبقى بلاش احسن عشان وجع الدماغ :dzey:
والله ياباشا انا شايف ان الاتنين مينفعش يتقارن بينهم لاسباب كتيره اهمها
ان الخبطه في البايك لاقدر الله بتزعل في حاجات كتير يعني اسعار ورش لحامات ورش الفيير غاليه
بالنسبه لاستهلاك البنزين فهو متقارب لان الاتنين تقريبا بيبقوا 4 سلندر
تغيير الزيت في البايك بيستهلك 4 لتر بالفلتر وده بتغيره كل 1000 كيلو
اي صيانه للبايك بتتكلف اكتر من العربيه
بس انا ليا راي طالما حضرتك بتحافظ علي حاجاتك في المساله هتختلف تماما
ياعنى لو الواحد جاب حاجة افراج من بورسعيد حالتها كويسه هيكون كويس ولا برده هتفحتنا مع الميكانيكيا
والف شكر لكل اللى اهتم ورد
ياباشا مفيش فرق في اسعار هنا وبورسعيداقتباس:
المشاركة الأصلية كتبت بواسطة hazem845
دانتا ممكن بورسعيد البايك يقف عليك اغلي شوية لانه لو افراج مش هينفع تمشي بيه وهتضطر تحمله علي عربيه وتنزله كايرو
شوف هنا احسن بس قبل ما تشتري دور كويس وكون فكره كويسه عن المعارض والبايكات
طيب ممكن 250 العادة يعمل كام افراج وال 400 العادة وهل فى حد الواحد يثق فيه ممكن يشترى منه
250 عاده افراج تمنه 14500 والمستعمل علي حسب الحالهاقتباس:
المشاركة الأصلية كتبت بواسطة hazem845
400 عاده سعره زي ال 250 فاير افراج 18500
واي حاجه علي حسب الحاله طبعا
ممكن تروح عند ايمن فوزي في شارع ذاكر حسين مدينه نصر
متشكرين يا باشا على تعبك ونصايحك الغاليه
ألشكر لله ياباشا هو انا قولت حاجهاقتباس:
المشاركة الأصلية كتبت بواسطة hazem845
تحت امرك
انا شايف غير كدة جدا جدا جدا
اولا استهلاك الوقود اقل بكتير من اى عربية لية
1- اولا انت بتزوغ فى الزحمة فقليل لما بتقف
2- مفيش حمل على الموتور (تكيف او حمولة )
3- غير ان استهلاك راهن بكيفية القيادة
انا كمثال بستهلك فى العربية فى الشهر ما يقرب الى 400 ج فى اقل الاحيان فى الموتسكل مثلا استهلاكى يقرب الى من 60 الى 90 ج
قطع الغيار ياراجل يا طيب انت عندك اة اصلا عشان يتغير
مفيش تكيف مثلا العفشة لا تقارن بالعربية خالص مفيش صلون ولا شنطة مفيش حاجة اصلا هو كرسى
انا شايف ان مصاريف الموتسكل اقل من العربية بنحو 80 او 85% من العربية
لو بعت عن الحوادث هترتاح بس اهم حاجة متهملش فى الموتسكل فقط لا غير انا اهملت فى بلية عندى فى الموتسكل
وطنشت ومشيت كانت النتيجة بوظان ترس وجنزير (جنزير 220 ج اصلى يابانى الترس 150 ج مصنعية 30 ج)
طبعا مفيش مقرنة فى المصنعية شوف انت لو هتفتح متور عربية هتدفع كام وفى الموتسكل كام لا مفيش مقرنة نهائيا
نسبة 70 % اقل عن تجربة طبعا
اهم حاجة فى الحوار انك تكون عارف اماكن بيع كل حاجة
بالنسبة للفيبر هى مشكلة لاكن شوف انت فى العربية لما تتخبط بتدفع كام سمكرة ودوكو دة غير الاكسسورات
شوف انت لو هتسمكر باب مثلا هياخد منك كام لو هتسمكر العربية كلها كام هتدفع كام وغير الدوكو انا شايف انة ارخص بردو الموتسكل بكافة الاوضاع او الاشكال بل بالعكس انك ممكن تشتغل انت شغل الفيبر فى الجراج مثلا لكن شغل العربية لازم يكون متمرس اصلا
ولو حبيت تشترى اولا
لف على كل المعارض وشوف احسن حاجة من حيث حالة وسعر واشتريها متشتريش من اول واحد
ايمن فوزي عنده دلوقتي 250 فاير و 400 عادة يخلصو علي 18 بس حالتهم حلوة اوي
السلام عليكم
اولا بالنسبه للبنزين طبعا البايك اوفر بمراحل
اما بالنسبه لقطع الغيار البايك اسعارها اعلي من بعض السيارات
والمكانيكيه اسعارهم اعلي من اسعار ميكانيكيه السيارات بمراحل
اما بالنسبه لشراء البايك طبعا حاول تشتري استيراد ومن القاهــــــــــــــــــــ ــــــره بلاش بورسعيد عشان انت مش مؤهل تشتري من هناك حتي لو ارخص واشك انك هتلاقي حاجه ارخص
اشتري من حد مشهور ومعروف يبقي مسئول ادامك عن البايك وبعد كده تعمل السرفيس واي حاجه تعوزها عنه
ديه نصيحتي وربنا يسترها علينا وعليك
وسلام
الف الف شكر يجماعة وربنا يقدركم دائما على فعل الخير وانا هعمل بنصيحتكم وهدور هنا بس عندى سؤالين
الاول عنوان ايمن فوزى فين بالظبط ثانيا هل الافراج بيحتاج انى اروح بورسعيد ولا كل الورق بيخلص من هنا
ده مكانه فين ؟ و ال 400 لونها ايه؟اقتباس:
المشاركة الأصلية كتبت بواسطة sherife
أفضل رد! :satelite:اقتباس:
المشاركة الأصلية كتبت بواسطة tamertamer
مدينة نصرٍ شارع مصطفى النحاس!اقتباس:
المشاركة الأصلية كتبت بواسطة kareemz
عنوان ايمن فوزي
من شارع مصطفي النحاس هتلاقي محل سمك اسمه البرج
هتدخل الشارع ده و امشي علي طول هتلاقي مخل اسمه ارابياتا علي شمالك اعمل ريترن و ادخل اول يمين و ارابياتا علي يمينك
و امشي شوية هتلاقيه علي يمينك قبل عز العرب علي طول
:Ta_clap[1]:اقتباس:
المشاركة الأصلية كتبت بواسطة tamertamer
والتكاليف بتختلف شوية حسب موديل البايك وحجمه