سؤال هام .. ياترى ايه الحاجات اللي .........

**Ahmad_Nawwara** · 23-03-2008 11:49 PM

سؤال خطر ببالي وأنا أشاهد بعض الصور التي التقتطها في رحلتي الأخيره لألمانيا ومنهم صورة في سيارة صديق ووجدت أنه يضع أمامه وبشكل أنيق ومنظم مفكرة مواعيد ورقيه معلقه ومعها قلم صغير شيك جدا وبجانبه حامل للموبايل ..وتذكرت أنه يحتفظ أيضا بباب السياره بحقيبة صغيره بها مواد للأسعافات الأوليه وبجانبها في حقيبه أخرى أدوات لنظافة السياره (ميني بلاور) وانواع مختلفه من فوط وسوائل التنظيف بجانب طبعا الطفايه .. وفي الشنطه الخلفيه صندوق فايبر به كل مايخطر على البال من مفكات ومفاتيح وعدد للصيانه والتصليحات ومعها بعض البوجيهات الجديده والسيور والأسلاك ..
لذلك فكرت في طرح هذا الموضوع لنرى كم نهتم نحن بهذه الأشياء ومن منا يحتفظ بسيارته حتى ببعضها.. وحبيت أعرف .. ياترى ايه الحاجات اللي احنا مهتمين بوضعها بسياراتنا .. منتظر ردودكم

**Karim_Monir** · 24-03-2008 12:10 AM

انا عربيتي فيها كل الحاجات دي بالظبط
وحاجات تانية اكتر
شوية بسكويتات
ممكن علبة عصير او بيبسي
تلاجة في الشنطة بس مش دايما موصلها
شنطة فيها كل لوازم العدة وكمبيرسور هواء وتشيرت وبنطلون وشوز لزوم مواقف الاحراج
وشوية حاجة تانية كدة يعني

**Ahmad_Nawwara** · 24-03-2008 12:34 AM

أنا كان نفسي أبقى أعمل كده .. بس ياترى هينفع مع ال127 ... دي يادوب واخداني جواها كتر خيرها والأستبن في الخلف .. يعني للأسف مفيش أمل

**Ahmad_Nawwara** · 24-03-2008 12:35 AM

بالمناسبة .. فيه حقيبة عده سيارات جاهزة للشراء ولا نشتري العده بنفسنا قطعه قطعه ؟؟

**Xpert** · 24-03-2008 01:09 AM

دي من اسس السواقه الدوليه اللي احنا نفتقر ليها .. ة تلاقيه كمان حاطط في العربيه كابلات توصيلات + حبل للقطر .. الكلام ده انا عن نفسي اتعلمته بالميللي و مع ذلك مابانفذوش .. بس انا مابانفذوش علشان حاجتين :
اولاً دي مش عربيتي ..
ثانياُ باوفر وزن ...

**S H @ F T** · 24-03-2008 01:27 AM

أنا معايا عدة كاملة (مفاتيح-لقم - بيب-مفك تست -قيوزات -مفكات بجمبع الأحجام)
-دواسة لزوم النزول تحت العربية
-طقم سيور (دينامو-باور-تكييف)
-بلادوس بطارية
-كابل قطر
-كابلات بطارية (jumpers)
-علبة زيت باور و علبة زيت موتور
-زجاجة مياه كبيرة

يعني الحمدلله دائما مستعد للطوارئ بس مش معايا شنطة اسعافات للأسف