بخمسة جنيه تنقذ عربيتك وعربية غيرك

سلام الله عليكم يا جماعة الخير

الموضوع بسيط جدا ..... بس تأثير كبير وخصوصا لمحبي السيارات و المحافظة عليها زينا
ولاني بشتكي منه ومعانيه واكيد انتم زي ويمكن اكتر ( ما بتستحملوش خربشة ولا ضغطة في جسم العربية)
انتم طبعا عارفين ان معظم الخربشة الجانبية اللي على جنبين العربية بتبقى من فتح ابواب العربية الللي جنبك لما بتبقى راكن .... ولان معظم البهوات بيفتح بابه براحته وبيهتمش باللي جنبه ... صدقوني بتوصل لانه بيشيل البويه و المعجون يبان .......زي لما بتبقى راكن في هايبر او كارفور

مش هطول عليكو ..... الموضوع انه في كاوتش بيركب على حرف باب العربية ... المتر بي 5 جنيه في التوفيقيه او ورا محافظة القاهره عند عابدين.... وده بيكفي الاربع ابواب لما يتقسم على اربعه وبيبقى فيه جزء بارز لبره زي اللي راكب في الباب من جوه

صدقوني انا مجربه ........بتحس براحه وانت بتفتح الباب وما بيهمكش اللي جنبك وبيحافظ على حرف بابا العربية من التجريح اللي بيجيب بارومه والاهم انه بيحافض على عربة الللي جنبك

واللي نفسي كل الناس... تبقى عندها الشعور ده


شكرا ..... وعذرا للاطالة

جزاك الله خير يا محمد لكن وضح لنا اين يوضع وكيف
وفكرة ممتازة فعلا

فكرة ممتازة انا نفسي اركبه علشان عندي عيال صغيرة بيركبو العربية وبيفتحو الباب بغشومية كدة بس ياريت توضح لنا ازاي بيركب ونشتريه منين بالظبط

هصوره الصبح إن شاء الله واضيفه على الموقع

ياريت لو صورة للتوضيح

هى فكره حلوه بس متهيألى شكله مش هيكون عاطفى قوى

في طريقة كويسة تخلي شكله حلو وسبور .... هبينها في الصور .... وعلى فكرة في منه الوان غير الاسود شوفتها على عربيات .... بس بصراحه مش عارف بتتباع فين

الف شكر يا محمد ... ساعات الواحد بيبقى فاكر ان كل الناس عارفة الموضوع بس طلع ان فى اسئلة اهو .. جزاك الله خيراً

ويا ترى شكلة شيك ولا هيبوظ المنظر

هو حل ظريف وموجود من زمان لكن شكله بصراحة ............همممم ، مش اد كدة خالص،

انا عن نفسى لما بكون مزنوق بين عربيتين بفتح الباب وايدى على طرفه علشان خاطر ميخبطش فى العربية اللى جنبى، لكن طبعا باتلقى نصيبى طول الوقت من ضربات العربيات المجاورة

دي يا جماعه الصور :

- هو عباره عن مجرى بتخش في سن الباب (عاشق ومعشوق)
- وبيتركب على الجزء البومبيه اللي في الباب اللي دايما بيخبط في اللي جانبك
- ممكن طبعا تخلي شكله مقبول لو ركبت معاه شوية نواكل خفيفه وفي نفس الوقت ميبقاش طويل اوي ولا ياخد السن كله

مشكور على الفكرة وعلى الصور

أرجو التثبيت من الإشراف

بصراحة مخلى العربية شكلها وحش