ازيكم يا شباب

كنا عملنا موضوع قبل كده عن فلتر البنزين وان معظم اللوجان المغربي من غير فلتر بنزين

الموضوع ده كان قالقني من زمان
وكنت بحط منظف دورة البنزين كل شوية وخايف على العربية


اتصلت بالباشمهندس خالد الزيني ابن المهندس مصطفى الزيني الله يرحمه (فرنش موتورز فرع الرحاب)

المهندس ذوق جدا, قالي ان كل اللوجان المغربي نازله من غير فلتر بنزين

يعني مطلعش عيب خلقي في عربيتي

اللوجان الروماني كان فيها فلتر بنزين

بعد سؤاله على ضرر طلمبة البنزين لانها من غير فلتر ؟؟
(لأن الموضوع ده كان قالقنا من زمان لاننا قلنا ان ده حيقصر عمر الطلمبة)

اجاب المهندس ان اصلا مكان فلتر البنزين حتى في العربيات الروماني اللي فيها فلتر بنزين بيبقى الفلتر بعد الطلمبة مش قبلها

سالته يبقى الموضوع ان الطلمبة حتبقى عادية وزي الفل سواء العربية فيها فلتر او لأ

قالي انه
1. ينصح الناس ان البنزين ميقلش عن الربع في العربية عشان الطلمبة والصبابات
2. صبابات رينو قوية ومش من السهل ان الشوائب تعمل لها اي حاجه
3. ممكن استخدام منظف رشاشات كل 10000 (سعره زي سعر فلتر البنزين او يمكن ارخص)


بصراحة كنت مش عارف اشكره ازاي

انا الفرامل عندي عايز اكشف عليها فبفكر اعمل صيانة ال 35 عندهم واغير تيل الفرامل خصوصا انهم جنبي ومعتمدين من التوكيل

الوحش احمد كمال بعربيته السينيك عمل صيانته الاخيرة عندهم وبيشكر فيهم خصوصا انهم غيروا له موتور مساحة في الضمان

يبقى خلاص خلص موضوع فلتر البنزين

شكرا مهندس مصطفى الزيني