زميل جديد في الصياعة اللوجاناوية و اول المشوار مش حلو

**AIRSUPPLY13** · 13-12-2010 12:21 PM

السلام عليكم يا شباب
انا اخوكم محمد حسين ......
بعد اكتر من سنة تمحيص و تفحيص و سهر ليالي و تعب و مذاكرة ربنا يسرلي الأمور و خلصت في لوجان فول اوبشن بترولي بالتقسيط مع بنك المشرق.
رحت امبارح المعرض (السعد في المهندسين عشان محمد زكي مش متكوود مع البنك) المهم دخلت المعرض و انا في بالي الفيلم بتاع ارماجييدون بتاع بروس ويليز و هما طالعين المكووك
المهم قابلني المدير هناك مساء الخير .....تشرب اية.....تحت امرك.... و كل الحبشتاكانات اللذيذة دي......العربية موجودة بنجيبها من المخزن........العربية جت تقدر تشوفها.....

و انا رايح عليها ...المنظر كان مهيب و السلو موووشن اشتغل ...شفتها من بعيد بلونها الازرق الجميل اشتغل جت في بالي مزيكا بتاعت فيلم love story و بعدين .....ززيييزت ..... (الصوت بتاع الشريط لما يسف).....

مدير المعرض:استاذ محمد في مشكلة
العبد لله: خير ان شاء الله
مدير المعرض : العربية اتكحتت من ورا و الراجل بيجيبها من المخزن
العبد لله :.............
( المازيكا عليت و السنة لهب طلعت و في دماغي صوت زئير و كركبكة و حاجات تانية مش حلوة فيها ناس بطير رقابها و كدة)
مدير المعرض : البوية بتاعت العربية التانية هي اللي اكحتت بس و اللوجان عليها الطلا بتاع التانية
العبد لله: و ريني.....
(شغلت نور التليفون لقيت 3 خطوط زي القلم القلوماستر بطول 10 سم لونه اخضر )
مدير المعرض : هتتطلع بايبوكسي
العبدلله : و ريني.......( المزيكا لسه شغاله في دماغي و الزئير بيعلى)

السواق اللي كحت العربية هو اللي كان شغال بينضفها... طبعا كان هيعملها على روحه من الرعب
المهم بعد ما خلص .... (الزئير هدي شوية) طلع فعلا الطلا التاني و اللوجان سليمة بس الكفر البلاستيك بتاع الحتة بتاع القطر اللي من ورا في نقرة 2 مللي كدة

ملحوظة مهمة جدا .....انا لغاية دلوقتي ماعنديش اي التزامات مع المعرض و لا مضيت علي اي حاجة و لا حتى مع البنك(المندوب كان جايلي علي المعرض)....يعني ممكن اروح بيتي و العب need for speed الجديدة مع الwheel او call of duty و كان شيئا لم يكن

مدير المعرض: ممكن اغيرهالك
العبدلله: نفس اللون؟
المدير : لا نبيتي و مش فول اوبشن
العبدلله: لا ..
المدير : ممكن اجيبلك بس اخر الاسبوع و مش هاعرف الالوان الا فبلها بيوم
العبد لله: (اصوات تانية في دماغي ماينفعش اقولكم عليها),,,,,,,لا انا بكرة لازم يكون معايا عربيه .....هي نونوت بقى

رحت بصيت تاني عليها......مش ملحوظة نهائي .....مفيش اي انبعاج و لا اي حاجة في العربية غير النقكة القلم دى (كانك حطيت نقطة بقلم فلوماستر على الكقر دة)

قلتلة هاخدها بس اظبطلي السعر .......حلفان ........اشتغالات بياعين .....(مش عليا الكلام دة ...انا trainer اصلا....بادى الناس كورسات ازاي يبيعوا)

العبدلله: في ناس جابتها من محمد زكي ب 67500
المدير : هاتلي 2 دلوقتي و انا اشتريهم ب 67750
العبدلله: ( جز على اسناني.......يابني بلاش الاشتغالات دي)
المهم خدتها ب 68000
و انا عارف اني ممكن اجيب سعر احسن من كدة شوية ......

بس عارف بقى لما تبقى تنونو و تبثى كدة همدان

المهم ابن خالتي كان معايا قالي انا لو مكانك ممكن ماخودهاش و استني.....

معنديش و قت استنى تاني ,,,,,,ماينفعش

و انا مش بتاع حسوكة .....يعني مفيش حاجة و (ابن امه ما بيعيش)
المهم خلصت الورق و مضيت بس ماماضيتس استلام الا اما استلمها فعلا و اشوفها في النور (قال ناصح اوي يعني)

العبدلله: طيب انا هاجيلك بكرة عشان ارخص ان شاء الله
المدير: بكرة ؟؟ لا بعد بكرة
العبد لله : ( نفس الاصوات الوحشة اللي مقولتلكوش عليها فوق) لية يا استاذ
المدير : اصل الورق بتاعها هايجلنا من رينو بكرة عشان دلوقتي الساعة 11 و هما قفلوا و هاكلمك اقولك ....اصلهم بيمضوا الساعة 5
العبدلله: (بحاول اداري انياب ال vampire اللي بتنمو جوياي ) ........

بس اخدت الوصل و ....... الحمد لله اخدت الوصل

ابن خالتي: احسن انهم هايجيبولك الورق من رينو عشان يبقي رينو اللي بايعالك
العبدلله: يفرق اية
ابن خالتي : غبور عمالها فيا و كان بيبيع العربيات باسم المعرض و لما باحجز للصيانة (المرو الوحيدة و الاخيرة اللي عملها) كانت العربية في القائمة باسم المعرض

المهم انا مس فارق معايا الكلام دة.....انا عارف انا توكيل رينو جيد و لا يقارن ب غبور

خرجت من المعرض .......بصيت على الجميلة

مزيكا بتاعت (اي فيلم حزايني و خلاص) اشوفك قريب يا حبيبتي

بس يا رجالة .......

رغيت كتير انا عارف.....بس والله ده مش طبعي لكن حبيت اشارك معاكم بتجربتي
مش ندمان خالص و بما انا لسه زبون جديد في السواقة لسة ياما اشوف

تحياتي و ادعولي.. الله يباركلكم

**elsherif_2000** · 13-12-2010 12:36 PM

اللي عاجبني في الموضوع دة اسلوبك الكويس في الكتابة
الف مبروك العربيه

**mohamednagib** · 13-12-2010 12:48 PM

اسلوب رائع ,,,,, وفعلا يعبر تماما عن سوء الحظ الذي لازمك في استلام لوجي ,,,,,

لكن الحمد لله على قضائه ,,,,, و ان شاء الله تستلم على خير ,,,,,

و اعتبر الحكة دي علشان تخزي العين ,,,,,

لكن كنت عاوز اسألك هوا فعلا محمد زكي بيبيعها 67500 كاش ,,,,

و ياريت اعرف فرع ايه و سألت مين ؟؟؟؟؟

**ahmedabotalb33** · 13-12-2010 01:21 PM

الف ميرووووووووووووووك ربنا يباركلك فيها
اسلوبك حلو جدااااااااااااااا

**meeg** · 13-12-2010 01:31 PM

الف مبروك عليك وربنا يعطيك خيرها ويحميك من شرها
طريقة عرض شيقه وجميله
ربنا يوفقك ويباركلك فيها

**AIRSUPPLY13** · 13-12-2010 01:52 PM

المشاركة الأصلية كتبت بواسطة elsherif_2000

اللي عاجبني في الموضوع دة اسلوبك الكويس في الكتابة
الف مبروك العربيه

الله يبارك فيك و متشكر جدا لذوقك

المشاركة الأصلية كتبت بواسطة mohamednagib

اسلوب رائع ,,,,, وفعلا يعبر تماما عن سوء الحظ الذي لازمك في استلام لوجي ,,,,,

لكن الحمد لله على قضائه ,,,,, و ان شاء الله تستلم على خير ,,,,,

و اعتبر الحكة دي علشان تخزي العين ,,,,,

لكن كنت عاوز اسألك هوا فعلا محمد زكي بيبيعها 67500 كاش ,,,,

و ياريت اعرف فرع ايه و سألت مين ؟؟؟؟؟

متشكر جدا لذوقك
بص يا سيدي انا اعرف ناس فس منتديات اخري جابوها من محمد زكي بالسعر ده 2011 و كمان كان في زميل لنا في المنتدى جابها بردو بالسعر ده . بس عذرا انا مش فاكر الموضوع بالظيط
لكن انا اول مره اعرف ان العربيات بيتفاصل فيها (يعني من 500 ل 1000 في حالة اللوجي و اكتر في عربيات تانية)
روح المعرض بتاع محمد زكي و متتكلمش في التليفون عشان تظهر الجدية و اتكلم معاهم في اخر السعر و شوف بردة شركة (عربيات) بردة ممكن تفاصل معاهم وربنا يوفقك

المشاركة الأصلية كتبت بواسطة ahmedabotalb33

الف ميرووووووووووووووك ربنا يباركلك فيها
اسلوبك حلو جدااااااااااااااا

الله يبارك فيك و متشكر جدا لذوقك

المشاركة الأصلية كتبت بواسطة meeg

الف مبروك عليك وربنا يعطيك خيرها ويحميك من شرها
طريقة عرض شيقه وجميله
ربنا يوفقك ويباركلك فيها

الله يبارك فيك و متشكر جدا لذوقك

**Super_Star_h** · 13-12-2010 01:58 PM

ههههههههه
الف مبروك
ربنا يباركلك فيها ويكفيك شرها

**tamer61** · 13-12-2010 02:01 PM

ألف مبروك يا باشا و ربنا يباركلك فيها. و طريقة سردك للأحداث هايله و كلها تشويق.... تسلم إيدك.

**yahiazakaria** · 13-12-2010 02:02 PM

الف مبروك ياباشا وربنا يباركلك ويديك خيرها ويكفيك شرها

**AIRSUPPLY13** · 13-12-2010 02:10 PM

المشاركة الأصلية كتبت بواسطة super_star_h

ههههههههه
الف مبروك
ربنا يباركلك فيها ويكفيك شرها

الله يبارك فيك متشكرا جدا

المشاركة الأصلية كتبت بواسطة tamer61

ألف مبروك يا باشا و ربنا يباركلك فيها. و طريقة سردك للأحداث هايله و كلها تشويق.... تسلم إيدك.

الله يبارك فيك.....بعض ما عنكم يا جماعة

المشاركة الأصلية كتبت بواسطة yahiazakaria

الف مبروك ياباشا وربنا يباركلك ويديك خيرها ويكفيك شرها

الله يبارك فيك متشكرا جدا

الموضوع: زميل جديد في الصياعة اللوجاناوية و اول المشوار مش حلو

LinkBack

أدوات الموضوع

عرض

-

-

المواضيع المتشابهه

السياحة او الصياعة في مصر .... جنينة الاسماك بالزمالك !!!

اللوجاناوية محتاجين مساعدة الوحوش

محتاج رأى اللوجاناوية ضرورى

زميل جديد

جولة في شارع دمشق(نفعيل اتحاد اللوجاناوية)

الكلمات الدلالية لهذا الموضوع

المفضلات

المفضلات

ضوابط المشاركة