الى ساكنى و العاملين بالتجمع الخامس ..... محدش يجرى بسرعة

اولا السلام عليكم يا احلى اعضاء لاحلى منتدى :S_thum1[1]:
ثانيا : خالى بالكم من الرادار اللى موجود على طريق المدرعات ( اخر محور الشهيد اللى عند منطقة المقابر ) او اللى بنسميه ساعات طريق N/A اللى بيوصل من مدينة نصر الى التجمع الخامس .
الرادر متحرك و اللجنة كل يوم واقفة فى حتة غير التانية و بقالها ثلات ايام بس اللى انا ملحظه انهم واقفين ناحية الاتجاه اللى خارج من التجمع و متجه الى مدينة نصر فخلوا بالكم لان السرعة 60 .
انا عارف ان الموضوع دا اكتب قبل كده عن طريق العضو mrwho1982 (ابو عبد الله ) بس انا حبيت اكد تانى لان كانت اللجنة دى موجودة و اختفت و بعدين رجعت تانى . :U_thin1[1]:
معلش هو وجب التحذير لانكم زى اخواتى .
و يا اعضاء نايل موتورز الحبيب اللى ساكنين فى التجمع هل ان الاوان ان يجتمع الشمل و نعمل مقابلة و نتعرف على بعض ( حلو قوى اللغة العربية الفصحى دى) :C_laugh[1]: .

شكرا علي التذكير لاني كنت لسة هعمل موضوع زي دة لان الناس لسة بتجري بسرعه برضة علي الطريق دة و انا بمشي علي اليمين و ماشي علي 60 و انا هطق من الغيظ و اللي يجي ورايا و انا في اقصي حارة علي اليمين و يولع فلاشر و يكلكس

خلوا بالكم يا جماعه فعلا هما حاطين يافطتين صغيريين جدااااااا يغتي الواحد لو راكن عندهم مش هيشوفهم

ديسمبر جانا ، اهلا ديسمبر

هو ده حال ديسمبر كل سنة، يلاقو انهم محققوش كوتة المخالفتا يقوموا يفقوا فى اى حتة الناس مش متعودة عليها وصباحه هبش،

زمان كانوا بيعملوا الحركة دى فى امتداد الأوتوستراد وجوزيف تيتو وصلاح سالم، بس واضح ان حاليا عندهم افكار متجدده

أولا أنا بشكرك على المعلومات دي
ثانيا لو سمحت أنا كنت عاوز أعرف هل الرادار ده ثابت زي اللي على الدائري ولا متحرك زي اللي على الطريق الزراعي لأني بمشي على الطريق ده بالليل وما بشوفش أي حاجة عليه غير اليفط اللي بتقولك السرعة 60 كم/س
ثالثا بالنسبة للمقابلة نتفق و نجمع

شفتوا النهاردة فعلا الصبح حوالي 8 صباحا واقف في اتجاه للذاهب الي مدينة نصر

امين الشرطة واقف قبل الكمين و معاه موتوسيكل و ماسك الرادار بإيده و بيبلغ النمر باللاسلكي

و الكمين كان موقف ناس كتير و يظهر كانوا بيتخانقوا لأن ناس كتير مش واخدة بالها ان السرعة 60 كم
ربنا يستر ..

يا نهار ابيض دة انا ماشى علية بالليل من يومين مش اقل من 160 وانا رايح وانا راجع

هوا فى رادار ليلى ولا رادار متحرك ولا اية

طيب فعلا انا كنت ماشي عليه من شهر كدا على سرعة 90 - 100 وكانت اللجنة واقفة وبصراحة كنت خايف بس محدش وقفني بس تاني يوم شفت اليفت 60 كم بس هو ليه السرعة 60 كم دا بدل ميشوفوا عربيات الزبالة اللي بتطلع تمشي عكسي طول الليل والنهار عشان بيكسلوا يروحوا يلفوا من اليوترن وعموما هي اللجنة بتقف أمام الاستاد الجديد بتاع الجيش الناحية العكسية فعلا اتجاه م نصر

شكرا يا يا جماعة على الردود، و على فكرة الردار دا متحرك مش ثابت

شكرا يا باشا وفعلا من كام يوم كانت فيه هيونداي ماتريكس متفيمة وواقفة على الرصيف في اتجاه مدينة نصر وكل الشبابيك مقفولة ماعدا الخلفي شمال وكان الظابط قاعد ومطلع الردار من الشباك بشكل غير ملحوظ

اقتباس:

---

المشاركة الأصلية كتبت بواسطة Puyol

طيب فعلا انا كنت ماشي عليه من شهر كدا على سرعة 90 - 100 وكانت اللجنة واقفة وبصراحة كنت خايف بس محدش وقفني بس تاني يوم شفت اليفت 60 كم بس هو ليه السرعة 60 كم دا بدل ميشوفوا عربيات الزبالة اللي بتطلع تمشي عكسي طول الليل والنهار عشان بيكسلوا يروحوا يلفوا من اليوترن وعموما هي اللجنة بتقف أمام الاستاد الجديد بتاع الجيش الناحية العكسية فعلا اتجاه م نصر

---

فعلا موضوع عربيات الزباله كارثه :120146b من حوالى 3 ايام مروح متاخر باليل والطريق فاضى وكنت بجرى لقيت مره واحده تريلا فى وشى بس الحمد لله ربنا ستر :ask:

مش عارفين يعملو اية ولا اية علشان يخدو فلوس من الناس

اقتباس:

---

المشاركة الأصلية كتبت بواسطة mohkhattab

شكرا يا يا جماعة على الردود، و على فكرة الردار دا متحرك مش ثابت

---

يعنى بيصور بالليل كمان ولا لازم يكون فى لجنة؟

لازم لجنة وهو بالنهار بس يعني من حوالي 8.30 صباحا وحتى 2 ظهرا زي الموظفيين هههههههه

اقتباس:

---

المشاركة الأصلية كتبت بواسطة Puyol

لازم لجنة وهو بالنهار بس يعني من حوالي 8.30 صباحا وحتى 2 ظهرا زي الموظفيين هههههههه

---

الحمد لله طمنت قلبى:hlopaet_prv:

شكرا يا جماعة على الردود ، و عايز اقولكم برضه ان لازم تخدوا بالكم ان هما ساعات بيغيروا مكان اللجنة و ساعات بيوقفوا بمتوسكل او عربية مفيمة و انا حساس ان هما هينقلوا اللجنة للناحية الثانية ( اللى رايح التجمع ) علشان زى ما احد الاعضاء قال موضوع عربيات الزبالة اللى بتمشى عكسى وربنا يسترها و يستر طرقنا جميعا :ask:

بصراحة موضوع الرادارت ده بقى زيادة اوي وبعدين المفروض الرادارت دي على طرق الحوادث وتكون معروفة زي الدائري والمحور كده الناس كلها ملتزمة بل 90 آه فيه جاري مابين الرادارت بس مفيش استهبال يعني مفيش 140-160 و-30-40 اللي كانوا موجودين في الأول
لو عايزين يظبطوا السرعة فعلا أنا شايف إن الرادارت الثابتة المعروفة دي أحسن حل بس نيلة قوي حوار الرادارت المتحركة على طرق فاضية ومافيهاش حوادث كتير - لم فلوس وخلاص وياريته بـفايدة