الى ساكنى و العاملين بالتجمع الخامس ..... محدش يجرى بسرعة

**mohkhattab** · 06-12-2010 09:26 AM

اولا السلام عليكم يا احلى اعضاء لاحلى منتدى
ثانيا : خالى بالكم من الرادار اللى موجود على طريق المدرعات ( اخر محور الشهيد اللى عند منطقة المقابر ) او اللى بنسميه ساعات طريق N/A اللى بيوصل من مدينة نصر الى التجمع الخامس .
الرادر متحرك و اللجنة كل يوم واقفة فى حتة غير التانية و بقالها ثلات ايام بس اللى انا ملحظه انهم واقفين ناحية الاتجاه اللى خارج من التجمع و متجه الى مدينة نصر فخلوا بالكم لان السرعة 60 .
انا عارف ان الموضوع دا اكتب قبل كده عن طريق العضو mrwho1982 (ابو عبد الله ) بس انا حبيت اكد تانى لان كانت اللجنة دى موجودة و اختفت و بعدين رجعت تانى .
معلش هو وجب التحذير لانكم زى اخواتى .
و يا اعضاء نايل موتورز الحبيب اللى ساكنين فى التجمع هل ان الاوان ان يجتمع الشمل و نعمل مقابلة و نتعرف على بعض ( حلو قوى اللغة العربية الفصحى دى) .

**M.Mosaad** · 06-12-2010 09:51 AM

شكرا علي التذكير لاني كنت لسة هعمل موضوع زي دة لان الناس لسة بتجري بسرعه برضة علي الطريق دة و انا بمشي علي اليمين و ماشي علي 60 و انا هطق من الغيظ و اللي يجي ورايا و انا في اقصي حارة علي اليمين و يولع فلاشر و يكلكس

خلوا بالكم يا جماعه فعلا هما حاطين يافطتين صغيريين جدااااااا يغتي الواحد لو راكن عندهم مش هيشوفهم

**sab3aawy** · 06-12-2010 10:01 AM

ديسمبر جانا ، اهلا ديسمبر

هو ده حال ديسمبر كل سنة، يلاقو انهم محققوش كوتة المخالفتا يقوموا يفقوا فى اى حتة الناس مش متعودة عليها وصباحه هبش،

زمان كانوا بيعملوا الحركة دى فى امتداد الأوتوستراد وجوزيف تيتو وصلاح سالم، بس واضح ان حاليا عندهم افكار متجدده

**eng:ahmed** · 06-12-2010 10:24 AM

أولا أنا بشكرك على المعلومات دي
ثانيا لو سمحت أنا كنت عاوز أعرف هل الرادار ده ثابت زي اللي على الدائري ولا متحرك زي اللي على الطريق الزراعي لأني بمشي على الطريق ده بالليل وما بشوفش أي حاجة عليه غير اليفط اللي بتقولك السرعة 60 كم/س
ثالثا بالنسبة للمقابلة نتفق و نجمع

**Dr Zezo** · 06-12-2010 10:26 AM

شفتوا النهاردة فعلا الصبح حوالي 8 صباحا واقف في اتجاه للذاهب الي مدينة نصر

امين الشرطة واقف قبل الكمين و معاه موتوسيكل و ماسك الرادار بإيده و بيبلغ النمر باللاسلكي

و الكمين كان موقف ناس كتير و يظهر كانوا بيتخانقوا لأن ناس كتير مش واخدة بالها ان السرعة 60 كم
ربنا يستر ..

**drmomoking** · 06-12-2010 10:36 AM

يا نهار ابيض دة انا ماشى علية بالليل من يومين مش اقل من 160 وانا رايح وانا راجع

هوا فى رادار ليلى ولا رادار متحرك ولا اية

**M.Elgergawy** · 06-12-2010 01:37 PM

طيب فعلا انا كنت ماشي عليه من شهر كدا على سرعة 90 - 100 وكانت اللجنة واقفة وبصراحة كنت خايف بس محدش وقفني بس تاني يوم شفت اليفت 60 كم بس هو ليه السرعة 60 كم دا بدل ميشوفوا عربيات الزبالة اللي بتطلع تمشي عكسي طول الليل والنهار عشان بيكسلوا يروحوا يلفوا من اليوترن وعموما هي اللجنة بتقف أمام الاستاد الجديد بتاع الجيش الناحية العكسية فعلا اتجاه م نصر

**mohkhattab** · 06-12-2010 02:23 PM

شكرا يا يا جماعة على الردود، و على فكرة الردار دا متحرك مش ثابت

**M.ABDEEN** · 07-12-2010 02:13 AM

شكرا يا باشا وفعلا من كام يوم كانت فيه هيونداي ماتريكس متفيمة وواقفة على الرصيف في اتجاه مدينة نصر وكل الشبابيك مقفولة ماعدا الخلفي شمال وكان الظابط قاعد ومطلع الردار من الشباك بشكل غير ملحوظ

**wael ahmed** · 07-12-2010 02:51 AM

المشاركة الأصلية كتبت بواسطة Puyol

طيب فعلا انا كنت ماشي عليه من شهر كدا على سرعة 90 - 100 وكانت اللجنة واقفة وبصراحة كنت خايف بس محدش وقفني بس تاني يوم شفت اليفت 60 كم بس هو ليه السرعة 60 كم دا بدل ميشوفوا عربيات الزبالة اللي بتطلع تمشي عكسي طول الليل والنهار عشان بيكسلوا يروحوا يلفوا من اليوترن وعموما هي اللجنة بتقف أمام الاستاد الجديد بتاع الجيش الناحية العكسية فعلا اتجاه م نصر

فعلا موضوع عربيات الزباله كارثه

من حوالى 3 ايام مروح متاخر باليل والطريق فاضى وكنت بجرى لقيت مره واحده تريلا فى وشى بس الحمد لله ربنا ستر

الموضوع: الى ساكنى و العاملين بالتجمع الخامس ..... محدش يجرى بسرعة

LinkBack

أدوات الموضوع

عرض

الى ساكنى و العاملين بالتجمع الخامس ..... محدش يجرى بسرعة - انشر الموضوع فى :

-

السلام عليكم و رحمة الله و بركاته -

-

-

-

المواضيع المتشابهه

مطلوب سباك بالتجمع الخامس

لاول مرة بالتجمع الخامس

فرصة شقة بالتجمع الخامس

مطلوب شقة للايجار بالتجمع الخامس

الكلمات الدلالية لهذا الموضوع

المفضلات

المفضلات

ضوابط المشاركة