طبعا قريبك ده حزب وطنى
عرض للطباعة
طبعا قريبك ده حزب وطنى
طب متفهمنا
دفعتوا فلوس ولا ايه علشان موضوع التزوير ده ؟
ده شوبير ومرتضى معرفوش يعملوها :)
اليوم السابع | تبادل إطلاق نار فى كفر صقر بالشرقية
تشهد مدينة كفر صقر محافظة الشرقية، حالة من الرعب والفزع بعد تبادل إطلاق نار، وأنباء عن وقوع إصابات بين أنصار مرشحين أمام لجنة الفرز بالساحة الشعبية، بعد أن ترددت أقاويل من داخل لجان الفرز بتقدم مرشح الحزب الوطنى فئات محمد على يوسف على منافسه سامى الألفى، وكذلك تقدم مرشح الوطنى عمال محمد الحلوانى على منافسه مرشح الوطنى أيضا عصام عبد الرزاق فى صناديق الفرز حتى الآن.
جدير بالذكر أن الدائرة تشهد أحداث عنف منذ الساعات الأولى من بدء العملية الانتخابية.
حضرتك كده للأسف بتضر ابن خالتك لإنك اعترفت انه فاز بالتزوير وكمان ذكرت اسمه!!
مصر مش هتنسالك اللى عملته علشانها ابدا
عادي يا جماعه ايه المشكله
فيه مثل بيقول
لما تروح بلد بيعبدوا فيها التور ...حش واديله
هي ماشيه كده
وعلشان تاخد حقك لازم كده
لما تبققي البلد كلها نضيفه نبقي نلوم اللي شذ عن عن القاعده
بس هي كلها ماشيه كده
يا جماعه بلاش تشغلو بالكم بما لا يفيد
لما ييجي اليوم اللي الانتخابات فيه تكون متحضره و المترشحين يقابلو الناس في اماكن عملهم و مناطق سكنهم و يشرحو برنامجهم بالورقه و القلم و يوزعو صوره منه مطبوعه و موقعه بخط يده علشان لما ينجح يسئل عن البرنامج بتاعه ايه اللي تم فيه و ايه اللي لسه متمش
لما ييجي اليوم و المترشحين ينزلو لبعض في مناظرات تلفزيونيه و يقارعو الحجه بالحجه و كل واحد فيهم يفند البرنامج الخاص بيه و ازاي هيقدر لو كسب يوصل البرنامج بتاعه علي ارض الواقع
لما برامج المرشحين تناقش و تمس مشاكل مزمنه متراكمه زي الصحه و التعليم و المواصلات و كافه الامور الاجتماعيه و الثقافيه و السياسيه و الاقتصاديه كمان
لما بعد ما يكسب كل نائب يعمل لقاء شهري علي سبيل المثال مع ابناء الدايره في ما يشبه الندوات و المؤتمرات و يناقش معاهم خط سير البرنامج سواء من نجاح او فشل و المعوقات اللي بتقابله و يسمع منهم مقترحاتهم او ياخد منها نسخه مطبوعه مثلا
لما تيجي الانتخابات و منلاقيش رمز او شعار لكل مرشح و نكتفي بأسمه بس , مهو مستحيل نائب مرجو فيه الخير و اللي مرشحينه شويه جهلاء مش بيعرفو حتي يقرو اسمه!!!! مينفعش بجد يا جماعه
يوم ما يبقي موسم الانتخابات مش موسم الميكروفونات و الملصقات و الاعمده الخشبيه اللي بتدق في ارض الشارع الاسفلتي علشان اسم المرشح ينشر علي حساب نضافه و سلامه شوارعي و بعد المولد ده نعاني بقي من صوره علي حيطه عمارتك او مخلفات بالكوم في شوارع سكنك
لما ييجي اليوم اللي منلاقيش فيه فلان و علان و ابنائهم و عشيرتهم بيعلنو الولاء و الخنوع لمرشح ما في يفط طويله عريضه
لما كل ده يحصل و اكتر نبقي نتكلم في انتخابات اي انتخابات و لحد اليوم ده ما ييجي هفضل موجود بعيدا عن الالغام الماديه و المعنويه المسماه بصناديق الاقتراع
و نصيحه لصاحب الموضوع كفايه جدا الكلام اللي انت قلته لحد دلوقتي و متزودش نهائي و ياريت تطلب من المشرفين حذف الموضوع بأكمله لأنك بالكلام اللي اتقال ده موقفك و موقف قريبك بقي حساس جدا جدا قانونيا و اظن ان حضرتك محامي و عارف ان ده خطر جدا جدا جدا
كنت داخل اقول كده برضهاقتباس:
و نصيحه لصاحب الموضوع كفايه جدا الكلام اللي انت قلته لحد دلوقتي و متزودش نهائي و ياريت تطلب من المشرفين حذف الموضوع بأكمله لأنك بالكلام اللي اتقال ده موقفك و موقف قريبك بقي حساس جدا جدا قانونيا و اظن ان حضرتك محامي و عارف ان ده خطر جدا جدا جدا