تعديل زجاج الكريستالة من مانيوال إلى كهرباء

**M.Elgergawy** · 06-12-2010 02:26 PM

زي مالعنوان مبين عدلت عندي الزجاج ليصبح كهرباء والموضوع مكلف شوية بس حاجة نضيفة وصنايعي شاطر جدا وحكاية في البداية روحت عند سوسو والشيخ اللي في الهرم واتفرجت عندهم على فرش الابواب وبصراحة الحالة معجبنيش اللي مقطع واللي مقشر مقارنة بالفرش المانيوال اللي عند ( زيرو ) والسعر حوالي 900 جنيه بدون تركيب بالتركيب حوالي 1200 جنيه بالسلوك بالمصنعية المهم نزلت الحرفيين قولت يمكن الاقي حاجة انضف بصراحة لفيت كتير ولقيت كتير بس بردوا الحالة مش عجباني وتقريبا نفس سعر سوسو والشيخ 900 جنيه بدون تركيب لغاية لما سألت عند واحد لقيت كل حاجته المعروضة نضيفة جدا قولت ياواد اسأله يمكن تلاقي عنده المهم سألته قاللي موجود بس بالتركيب عشان عندي صنايعي هيعملهولك صح زي الفبريكة قولتله وأنا عايز كدا عشان يبقا الشغل نضيف قاللي كام ؟ 1500 جنيه بالتركيب بصراحة استغليت السعر حبتين مقارنتة بالاسعار اللي شوفتها المهم قولتله دا اخرهم قاللي اه طب ممكن اشوف فرش الابواب قاللي ممكن بعت معايا واحد المخزن بتاعه دخلت لقيت فرش الابواب بصراحة زيرو احسن من اللي عندي مفهوش خدشة ولا الهوا قولتله اتوكل على الله ومستخسرتش في عربيتي يعني الفرق حوالي 300 جنيه بس حاجة نضيفة وتستاهل حبيت انقل تجربتي ولو حد عايز اي حاجة انا تحت امركوا وعندوا طقم تاني بس لونه اسود وطقم المرايات الضم عندوا ب 500 جنيه بالزرار وحاجة نضيفة اوي لانه بيستورد من اليابان مش سنغافورة وهونج كونج عربيات ماشية 30 - 40 الف كم بالكتير

**husseinsalah** · 06-12-2010 07:30 PM

الف مبروك وفعلا السعر غالى شوية بس مش مهم طالما لقيت اللى انت عاوزة المهم بقى هو ما عندوش غير الطقم الاسود وياترى لوحة التحكم فى الازاز يمين ولا شمال

**M.Elgergawy** · 06-12-2010 09:58 PM

المشاركة الأصلية كتبت بواسطة husseinsalah

الف مبروك وفعلا السعر غالى شوية بس مش مهم طالما لقيت اللى انت عاوزة المهم بقى هو ما عندوش غير الطقم الاسود وياترى لوحة التحكم فى الازاز يمين ولا شمال

طقم الزراير يمين بس وهو راكب مش باين خالص هو كان عنده واحد رمادي وواحد اسود انا اخدت الرمادي وفاضل الاسود

**momo44** · 10-12-2010 02:33 AM

المشاركة الأصلية كتبت بواسطة puyol

طقم الزراير يمين بس وهو راكب مش باين خالص هو كان عنده واحد رمادي وواحد اسود انا اخدت الرمادي وفاضل الاسود

يعنى حاليا لوحة التحكم فى اليمين
والسعر 1500

كتيـــــــــــــــــر جداااااااا

**M.Elgergawy** · 11-12-2010 04:03 PM

المشاركة الأصلية كتبت بواسطة momo44

يعنى حاليا لوحة التحكم فى اليمين
والسعر 1500

كتيـــــــــــــــــر جداااااااا

أولا تركب ازاي لوحة التحكم في اليمين !!!!!!
ثانيا طبعا لوحة التحكم مش في اليمين هو الاخ اللي كان بيسأل ان اللوحة عربية نفسها هي يمين قولتله أه بس هي راكبة في الشمال عادي جدا مفيش اي فرق بينها وبين الشمال
ثالثا حضرتك بتقول غالي طب ممكن تقولي على اسعار اقل من كدا وحاجة نضيفة عشان يبقى الواحد عارف الاسعار الرخيصة فين
رابعا الواحد لمل بيركب حاجة في عربيته لازم تبقى حاجة نضيفة مش اي كلام
خامسا انا كان ادامي كذا فرش من 850 الى 900 ج بدون تركيب بس فرش زبالة زي ما انا شارح في الموضوع
سادسا وجهة نظرك طبعا لازم تحترم

**momo44** · 12-12-2010 12:27 AM

المشاركة الأصلية كتبت بواسطة puyol

أولا تركب ازاي لوحة التحكم في اليمين !!!!!!
ثانيا طبعا لوحة التحكم مش في اليمين هو الاخ اللي كان بيسأل ان اللوحة عربية نفسها هي يمين قولتله أه بس هي راكبة في الشمال عادي جدا مفيش اي فرق بينها وبين الشمال
ثالثا حضرتك بتقول غالي طب ممكن تقولي على اسعار اقل من كدا وحاجة نضيفة عشان يبقى الواحد عارف الاسعار الرخيصة فين
رابعا الواحد لمل بيركب حاجة في عربيته لازم تبقى حاجة نضيفة مش اي كلام
خامسا انا كان ادامي كذا فرش من 850 الى 900 ج بدون تركيب بس فرش زبالة زي ما انا شارح في الموضوع
سادسا وجهة نظرك طبعا لازم تحترم

فى عربيات بتبقى دركسيون يمين
وفى الحالة دى لوحة التحكم بتبقى يمين
يعنى مكانها مفتوح فى الفرش اليمين
والزرار الصغير مفتوح له فتحة صغيرة فى الشمال
وده بيقل عن اللى بيبقى اللوحة بتاعتها فى الشمال ب حوالى 500 جنيه
عشان كده انا بقول انه غالى
وشكرااا على احترامك وجهة نظرى بالرغم من عدم توضيحى للأمر بالتفصيل

**koke_lancer** · 15-12-2010 02:50 PM

دة فين عنوان المحل دة او رقم تليفونوة

**M.Elgergawy** · 15-12-2010 03:35 PM

المشاركة الأصلية كتبت بواسطة koke_lancer

دة فين عنوان المحل دة او رقم تليفونوة

في الحرفيين إسمه أبو الهنا

**husseinthemaster** · 15-12-2010 05:55 PM

السلام عليكم انا جايب اربع ابواب زجاج كهرباء ومرايات كهرباء وسنتر وكبوت لانسر 92 بطةب 1750اية رايكم في السعر والابواب شمال

**husseinthemaster** · 15-12-2010 05:56 PM

المشاركة الأصلية كتبت بواسطة momo44

فى عربيات بتبقى دركسيون يمين
وفى الحالة دى لوحة التحكم بتبقى يمين
يعنى مكانها مفتوح فى الفرش اليمين
والزرار الصغير مفتوح له فتحة صغيرة فى الشمال
وده بيقل عن اللى بيبقى اللوحة بتاعتها فى الشمال ب حوالى 500 جنيه
عشان كده انا بقول انه غالى
وشكرااا على احترامك وجهة نظرى بالرغم من عدم توضيحى للأمر بالتفصيل

فعلا انا دوخت لغاية ملقيت الابواب شمال كل اللي موجود يمين

الموضوع: تعديل زجاج الكريستالة من مانيوال إلى كهرباء

LinkBack

أدوات الموضوع

عرض

تعديل زجاج الكريستالة من مانيوال إلى كهرباء - انشر الموضوع فى :

-

-

-

-

المواضيع المتشابهه

تعديل لانوس 1 من زجاج عادة الى كهرباء

طقم زراير كهرباء كامل + طقم مكن زجاج كهرباء + 4 فرش ابواب + 4 كوالين سنتر + 4 أوكر

للبيع - طقم زراير كهرباء كامل + طقم مكن زجاج كهرباء + 4 فرش ابواب ويرا2005

تعديل عدادات الكريستالة rpm

زجاج كهرباء

الكلمات الدلالية لهذا الموضوع

المفضلات

المفضلات

ضوابط المشاركة