سرعة عالية + مطب مفاجئ ... اية احسن تصرف؟؟

**pro_samir** · 07-12-2010 04:31 AM

نفس الكلام لو محدش ورايا بمسك فرامل علي الأخر لحد المطب واسيب الفرامل خالص واقول بسم الله .. و أكله .. مع مراعاة الدركسيون يكون معدول علشان العربيه متعرضش

المشاركة الأصلية كتبت بواسطة nistelrooy

طب لو بلاعة بقي من البلاعات المحترمة الي واخدة بتاع من 5 الي 8 سم تحت الارض

الأحسن لو سرعتك عاليه مش هتلحق تفاديها او العربيه هتعوم يبقي تفضل زي مانت بالعكس زود سرعتك كمان لأن العجله مش هتلحق تنزل فيها .. لو بطئ فاديها

مش ناسي مره في طريق الغردقه والدي كان ماشي في النص ودخل ملف علي الوضع ده فجأه لاقي فاصل غويط في نص الأسفلت عاملينه علشان العربيات متدخلش علي بعضها في الملفات ومقابله عربيات والفاصل ده بقي بين العجل علي سرعه فوق 120 ، نتش العربيه يمين وعادي خالص مفيش حاجه

وكذلك لو الطريق مستويين مثلا في اسفلت جديد وانت عايز تطلع في العالي احسن حاجه الخطف مش هتحس بحاجه علشان متطلعش بجنب الكاوتش بقدر الامكان ، ولو عايز تنزل يبقي بجنب برضو مش هتحس بحاجه

**د.محمود صلاح** · 07-12-2010 05:46 AM

الأفضل انك تمشي بسرعة 40 - 50 وهذا ماتريده ادارة المرور من كثرة المطبات العشوائية

**dr.hazem** · 07-12-2010 06:10 AM

سقط نقلات بسرعه ودوس فرامل فنفس الوقت ارحم واهون من انك تاخده

تحياتي

**shaddadfalcon1** · 07-12-2010 07:51 AM

الكلام ده كله علي اساس انك شفت المطب

انا الشهر اللي فات كنت جاي من علي الصحراوي وقلت اختصر المسافه ودخلت من علي الطريق اللي عند الكيلو 71 وكنت ماشي عادي وبالليل وانا عارف ان الطريق ده عليه مطبات بس بصراحه كانت اول مره اسوق عليه

كنت ماشي حوالي 120 والطريق رايح جاي يعني النور بتاعي يادوب مبين 10 متر قدامي واذا بيا الاقي مطب ومشوفتوش غير وانا قبليه بحوالي 5 متر
مكنش في اي فرصه ولا وقت للتفكير كل اللي عملته اني كلبشت في الطاره وخلاص وحسيت ان قلبي ساعتها بيتكسر من صوت الخبطه ومكملتش كيلو وكنت ماشي علي 90 وهووووووووووووووووب كمان مطب وده بقي كان عالي من اليمين وواطي من الشمال وقلت العربيه هتتقلب لا محاله وبرده عملت زي ماعملت في الأول ومشت عادي بعديها دست بنزين لقيت العربيه ماشيه وكملت لحد ماوضلت البيت وحتي الأن معرفش ايه اللي حصل للعربيه بس ماشيه كويس والحمد لله

في الأخر احيانا مش بينفع تعمل اي حاجه غير انك تسيبها علي الله

**shok** · 07-12-2010 01:46 PM

المشاركة الأصلية كتبت بواسطة ashouhdy

اذيك ياعثماااان عامل ايية ... هو اية اللى حصل فى المنتدى بيناتى راحت وجت تانى و توقيع قديم من شهريين رجع تانى !!! حاجات عجيبة المهم
أكبس فراامل وقبل المطب ع طول سيب فرامل وخدة ع السرعة اللى وصلتلها متتدخلش وانت كابس فرامل بتكون العربية واطية من قدام وضغط جامد ع التعليق الامامى + المطب يبقى كدة = تدمير العفشة !

1+++++++++++++++++++++++++++++++++++++++++++++++++ ++++

**i_Am_Legend** · 07-12-2010 03:21 PM

بس إوعى حد يشد الهاند إلا والدركسيون عدل ومسطرة_لو كاسر شويتيين_هاتتفرج على أحلى دريفتاية فى الحياة

**Formulator** · 07-12-2010 06:08 PM

اعتقد احسن تصرف قاله Otefa:

عندك ABS اكبس جاااامد وسيب متأخر اوى على قد ما تقدر, معندكش يبقى تقطيع الدوسة
عندك EBD و الدركسيون عدل شد الهاند تكتين, معندكش لازم تبقى سواااق اوى يأما ماتعملهاش

عندك Engine Braking هيشتغل لوحده, معندكش سقط غيارات وبرده عايزه واحد لعيب

حتة انك تاكله بسرعة مش اى عربية (عالية-عفشتها ناعمة مش سبورت) و مش اى مطب (واطى-flat)

اما بقى لو لبسته!!!! يبقى احسن تصرف بييجى بعد المطب مش قبله:
روح شيك على العربية من تحت- ربط عفشة- اظبط زوايا و ضغط كاوتش وقول الحمد لله

-

-

-

الموضوع: سرعة عالية + مطب مفاجئ ... اية احسن تصرف؟؟

LinkBack

أدوات الموضوع

عرض

-

-

-

-

المواضيع المتشابهه

عطل مفاجئ

تتصرف إزاي إذا إنفجر كاوتش السيارة علي سرعة عالية؟

العربية بتبطل لما تسقط نقله من سرعة عالية !! ارجو المساعدة

تصرف عجبني اوي هيعجبك انت كمان.

انظر كيف تصرف السادات في هذا الموقف الغريب

الكلمات الدلالية لهذا الموضوع

المفضلات

المفضلات

ضوابط المشاركة