زي العنوان ما بيقول
بتحصل كتير جداً بتكون ماشي بسرعة في طريقك و فجأة تلاقي مطب متعرفش طلع منين (ممكن يكون الطريق انت حافظة و المطب لسة مولود جديد!)
اية احسن تصرف في الحالة دي ؟؟
مستني آرائكم
عرض للطباعة
زي العنوان ما بيقول
بتحصل كتير جداً بتكون ماشي بسرعة في طريقك و فجأة تلاقي مطب متعرفش طلع منين (ممكن يكون الطريق انت حافظة و المطب لسة مولود جديد!)
اية احسن تصرف في الحالة دي ؟؟
مستني آرائكم
اذيك ياعثماااان عامل ايية ... هو اية اللى حصل فى المنتدى بيناتى راحت وجت تانى و توقيع قديم من شهريين رجع تانى !!! حاجات عجيبة المهم
أكبس فراامل وقبل المطب ع طول سيب فرامل وخدة ع السرعة اللى وصلتلها متتدخلش وانت كابس فرامل بتكون العربية واطية من قدام وضغط جامد ع التعليق الامامى + المطب يبقى كدة = تدمير العفشة !
انا الحمد لله اخبارك انت ؟
المنتدى كان فيه عطل فني و رجع ليوم 10 اكتوبر
الحق غير توقيعك :dontudear:
==================
بالنسبة لكلامك.. فأنا بعمل كدا فعلاً ... انا باخد آراء عشان بسافر كتير اليومين دول و ربنا يستر :(
المشكلة لو الواحد ملحقش و العربية نطت جامد!
بص ياباشا
انا بعمل طريقة فعالة بضرب عدة فرامل متكررة وراء بعض وقبل المطب لازم تسيب انت بتقلل على اد متقدر
تكمل و تاكله و خلاص
اصلك لو فرملت وش العربية هينزل معاك و هتتبهدل
ولو كبست فرامل خطر ممكن يكون حد وراك
هو كدا كدا هتاخد المطب يبقى افضل من غير فرامل خالص
فرامل متقطعه
كمل و خد المطب بدل ما تنزل العربيه و تبهدل العفشة
و الفرامل متقطعة حتجمع اسرع بس لو العربيه مفهاش abs لان هيا دي فكرة عمل الفرامل abs اساسا
و لو فيها abs اكبس فرامل حتجمع اسرع
نفترض انك كنت على الغيار الرابع سقط غيار مثلا التانى و ارفع رجلك سنه سنه من على الدبرياج و دوس فرامل معاها هتهدى العبيه فى وقت سريع و ياسلام لو فرامل متقطعه كأنها abs
دايما يكون جنبك زجاجة مياة للشرب
ليييييييه
علشان بعد متاكل المطب المفاجيء تبلع بشوية مية
وكله مقدر ومكتوب ونسأل الله السلامة
حصل معايا الموقف ده بالافيو كنت ماشي 130 و اول ما اخدت الملف لقيت مطب علي مرمي البصر يعني حوالي 10 متر
1- رزعت فرامل للاخر اييييييييييييييييييي وصلت ل 80
2- رفعت الهاند تكتين
3- شلت رجلي من علي الفرامل و دوست تاني اييييييي و كلتو علي50
كان علي طريق الزراعي و انت داخل علي ميت غمر ألي هوا الطريق ألي جمبو ترعه عشان كان لسا متسفلت جريت فيه شويه
ربنا ستر و توبه
هات اخرك فى الفرامل تماما و اول ما تقرب من المطب سيب الفرامل
أنزل بالسرعة علي قد ماتقدر
-فرامل
-تسقيط نقلات
-هاند بريك بس بحرص جامد طبعا (يكون عندك خبرة والعربية والدركسيون علي خط مستقيم علشان ماتعومش منك)
أول بداية المطب تسيب الفرامل
فرامل ع قد ما تقدر يعني فرمله متقطعه
وانتا كدا كدا ح تخبط ف المطب بس احنا نعمل الاحسن ونخفف السرعه شويه وبيكون اقل اذي وربنا يستر علينا كلنا
انا بقي عندي معادلة جديدة...
سرعة عالية +مطب مفاجئ+فرامل
============قطع سلك الدبريااااااااااااااااج
ومن ثم...باكل المطب ونا مغمضه عيني ولله الحمد
شكراً جزيلاً على المناقشة و المعلومات دي
اعتقد من اكتر الحاجات اللي بتربك الواحد و هو سايق موضوع المطب المفاجئ ده ... بيحول العربية لصاروخ أرض جو ارض :(
ترفع الهاند بريك ...وتكسر عجلك على الاخر بس لو انت على سرعه اكتر من 160 بلاش ممكن العربيه تعوم منك ولا حاجه
ههههههههههههههههههههههههه هههههههه
انا عن نفسى بوفر على نفسى انى ابص فى المرايه واكبس فرامل واسيب تانى قبل المطب ...فبدخله بسرعتى عادى ..
بسسسسسسسسسسسسسسس بركز على حاجه ..انا البس المطب والدركسيون عدل تماما ...عشان لو العجل لافف هيبقى صباح العومان فى البتنجان لما تنزل من فوق المطب ...
على فكره كذا مره جربت اكبس فرامل ع الاخر ...وكنت بلحق اقف مش عارف ازاى
طب لو بلاعة بقي من البلاعات المحترمة الي واخدة بتاع من 5 الي 8 سم تحت الارض
معلش يا جماعة انا لي رأي مختلف تماما عن الاعضاء و انا شخصيا مجربه غظب عني و فلح جدا لما كان معايا تويوتا كورولا 96
كنت ماشي علي 90 كيلو و طريق كنت اول مرة امشي عليه و فوجئت بمطب محترم قمت فكرت بسرعة قمت مزود بنزين علي اد ما اقدر علي الاخر و اخدت المطب .. قامت العربية طارت اربع عجلات و نزلت الاربعة مع بعض في نفس الوقت
طبعا بعد ما اكلت المطب قمت راكن علي جنب و تفحصت العربية من تحت .. قال يعني كنت هفهم ايه اللي حصل بس اهوه حركة حركة لا ارادية لكن روحت رفعتها في البنزينة و ملاقيتش حاجه خالص الحمدلله و عدي الموقف
فممكن نشوف مع بعض احتمالات التجربة ديه
عمى لسة واخد مطب الاسبوع ده بعربيته الاكسيل على سرعة120 زكانت النتيجة كارتيرة وقعت والغطا العربية اللى تخت الكبوت وقع والشكمان لزف فى جسم العربية والابرة بتاعت الكاوتش طارت من صدمة العربية بالارض بعد الطيران...بلاش حكاية تخادها بسرعتك دى ...فرمل باى طريقة وسيب قبل المطب
انا عن نفسي بيختلف رد فعلي من مرة للتانية بس لو مطب عريض بخدو بسرعتي لو مطب عالي وكنز بحاول اكبس فرامل واتبت في الدركسيون واشيل رجلي من علي الفرامل ابل المطب علي طول.
واول مباكل المطب بقول الله يلعن ابو دي بلد بنت ستين في سبعين زبالة امال الفلوس الي بيخدوها والجمارك وبيبقي نفسي وزير الطرق والموصلات ياكل المطب يمكن يخلي عندو دم ويحاول يحسن الطرق.
يا رجاله لو سمحت حد من المهندسين المتخصصين يجاوبنا اجابه هندسيه عن التصرف الصحيح وبلاش التجارب الفرديه لانها مبتنفعش مع اختلاف هيئه المطب وتصميمه لأنى وقعت فى الموضوع ده كتيير لانى بجرى كتير للاسف واكثر من مره الاقى وش العربيه رزع منى فى الاسفلت بعد المطب وخاصه لما المطب بيكون واقف وليس مصمم بشكل سليم واخر مره من قوه الرزعه اتكسر الشداد الى بين الموتور والفتيس والناس كلها كانت بتتفرج عليا من صوت الخبطه والموضوع ده حصل معايا فى الرينو ومبيحصلش فى الفور لان عفشتها افضل كثيرآ فى التعامل مع المطبات فرجاء من المهندسين يجوبونا افضل الحلول ايه وياسلام لو فيه فيديو توضيحى يبقى جزاكم الله خير
نفس الكلام لو محدش ورايا بمسك فرامل علي الأخر لحد المطب واسيب الفرامل خالص واقول بسم الله .. و أكله .. مع مراعاة الدركسيون يكون معدول علشان العربيه متعرضش
الأحسن لو سرعتك عاليه مش هتلحق تفاديها او العربيه هتعوم يبقي تفضل زي مانت بالعكس زود سرعتك كمان لأن العجله مش هتلحق تنزل فيها .. لو بطئ فاديها
مش ناسي مره في طريق الغردقه والدي كان ماشي في النص ودخل ملف علي الوضع ده فجأه لاقي فاصل غويط في نص الأسفلت عاملينه علشان العربيات متدخلش علي بعضها في الملفات ومقابله عربيات والفاصل ده بقي بين العجل علي سرعه فوق 120 ، نتش العربيه يمين وعادي خالص مفيش حاجه
وكذلك لو الطريق مستويين مثلا في اسفلت جديد وانت عايز تطلع في العالي احسن حاجه الخطف مش هتحس بحاجه علشان متطلعش بجنب الكاوتش بقدر الامكان ، ولو عايز تنزل يبقي بجنب برضو مش هتحس بحاجه
الأفضل انك تمشي بسرعة 40 - 50 وهذا ماتريده ادارة المرور من كثرة المطبات العشوائية
سقط نقلات بسرعه ودوس فرامل فنفس الوقت ارحم واهون من انك تاخده
تحياتي
الكلام ده كله علي اساس انك شفت المطب
انا الشهر اللي فات كنت جاي من علي الصحراوي وقلت اختصر المسافه ودخلت من علي الطريق اللي عند الكيلو 71 وكنت ماشي عادي وبالليل وانا عارف ان الطريق ده عليه مطبات بس بصراحه كانت اول مره اسوق عليه
كنت ماشي حوالي 120 والطريق رايح جاي يعني النور بتاعي يادوب مبين 10 متر قدامي واذا بيا الاقي مطب ومشوفتوش غير وانا قبليه بحوالي 5 متر
مكنش في اي فرصه ولا وقت للتفكير كل اللي عملته اني كلبشت في الطاره وخلاص وحسيت ان قلبي ساعتها بيتكسر من صوت الخبطه ومكملتش كيلو وكنت ماشي علي 90 وهووووووووووووووووب كمان مطب وده بقي كان عالي من اليمين وواطي من الشمال وقلت العربيه هتتقلب لا محاله وبرده عملت زي ماعملت في الأول ومشت عادي بعديها دست بنزين لقيت العربيه ماشيه وكملت لحد ماوضلت البيت وحتي الأن معرفش ايه اللي حصل للعربيه بس ماشيه كويس والحمد لله
في الأخر احيانا مش بينفع تعمل اي حاجه غير انك تسيبها علي الله
هل مافيش مخاطر على العربية من تسقيط نقلة يعنى ما فيش تاثير على الموتور و لا الفتيس
افضل طريقة تتعامل بيها مع المطبات الجبلية والحفر العشوائية بتاعة بلدنا الحبيبة_إنك تدوس فرامل عادى جدا لحد ما تبقى خلااااص قدام المطب وتروح ناتش الهاند للآآآخر العربية هاتهدى جامد وفى نفس الوقت البوز مش هايلمس المطب لأنها مش هاتوطى من قدام خالص_ودى طريقتى المتبعة من زمان_حتى لما كنت بعلم حد السواقة_وبيتغاشم فى المطبات_كانت الهاند بريك هى الحل الأمثل جدا جدا وبدون أى خسائر
بس إوعى حد يشد الهاند إلا والدركسيون عدل ومسطرة_لو كاسر شويتيين_هاتتفرج على أحلى دريفتاية فى الحياة
اعتقد احسن تصرف قاله Otefa:
عندك ABS اكبس جاااامد وسيب متأخر اوى على قد ما تقدر, معندكش يبقى تقطيع الدوسة
عندك EBD و الدركسيون عدل شد الهاند تكتين, معندكش لازم تبقى سواااق اوى يأما ماتعملهاش:funny34d:
عندك Engine Braking هيشتغل لوحده, معندكش سقط غيارات وبرده عايزه واحد لعيب:driving:
حتة انك تاكله بسرعة مش اى عربية (عالية-عفشتها ناعمة مش سبورت) و مش اى مطب (واطى-flat)
اما بقى لو لبسته!!!! يبقى احسن تصرف بييجى بعد المطب مش قبله:
روح شيك على العربية من تحت- ربط عفشة- اظبط زوايا و ضغط كاوتش وقول الحمد لله