حساسيه في الجيوب الانفيه والجهاز التنفسي العلوي
عرض للطباعة
شفاكِ الله و عافاكِ
حضرتك من الفئة الاكثر تعرضا للانفلونزا -بأنواعها - و يجب عليكِ الحصول سنويا علي تطعيم الانفلونزا
الموسمية,مع وجوب استشارة الطبيب في حال حدوث الحمل - الان او مستقبلا - في امكانية اخذ التطعيم من عدمه و طريقة الحصول علي التطعيم حال وجود الحمل ..
بالتوفيق بإذن الله ..
يا جماعه عايزين الرأي الطبي ولا الكلام الفاضي؟؟؟
الرأي الطبي = ينصح بالتطعيم لاي شخص حتى وان كانت مناعته ممتازه!!!
ليه؟؟؟؟
لان المبدأ الطبي القديم يقول
درهم وقايه خير من قنطار علاج
انا باخده من اكتر من 5 سنين وطبعا حاجه ممتازه جدا
بالمناسبه
كل سنه يتم صنع تطعيم جديد حيث ان فايروس البرد يتحور وبالتالي يختلف شكله عن العام الذي قبله
فمفيش حاجه اسمها انه يدي مناعه ابديه اطلاقا
وللمعلوميه
عندي خالتي عندها ازمه من زمااااااااااان
لو مخدتش التطعيم ممكن يوصل بيها الوضع انها في موسم الشتاء الواحد تدخل عنايه مركزه تلات مرات
طيب على ايه يا جماعه
هرجع اقول درهم وقايه خير من قنطار علاج
اما عن انهم بيعملو التطعيم عشان يضرونا
يعني يا جماعه لما التطعيم يتكتب في كتب الطب ويتعلم في العالم كله وهما نفسهم بياخدوه يبقى فيه ضرر علينا؟؟
بلاش نفكر بسطحيه ودعونا نستمتع بالحياة وبكل ما وهبنا الله عز وجل من نعم ومنها اكتشاف التطعيم وتصنيعه
آملا بالشفاء لكل مرضانا ومرضى المسلمين
آمين
تحياتي
+11111111111
تخيل ملايين الاطفال اللي ممكن تموت او تمرض بامراض خطيرة لو ماكانتش تطعيمات زي الدرن و الدفتريا و التيتانوس و السعال الديكي و الالتهاب الكبدي و شلل الاطفال تم اختراعها و تعميمها ؟؟؟؟؟؟؟
و لو واحد عايز يضرب بلد يضربها بتطعيم اختياري اقل من 1% من الناس بتاخده؟
و لا يضربها بتطعيمات اجبارية لحديثي الولادة كل الجيل الجديد بياخدها و كده على البلد و الجيل القادم السلام؟؟؟؟؟؟
للاسف نظرية المؤامرة بقت سخيفة جدا جدا جدا ...... و اقل شوية منطق يدحضوها في ثواني معدودة
الف شكر يادكتور
متشكره على الدعوه
ادوار البرد عندي مؤلمه جداً
والمصل أخدته قبل كده كان بيقلل حدة ومدة الدور
طيب ما هو سبب السؤال رأي طبي
يعني اكتر من رأي ينصح بعدم أخذ المصل سنوياً
إلا في حالة الضروره القصوى زي ما قال دكتور أحمد السعيد
والمرضى امثالي بيحتاروا يعملوا ايه :majd(4):
طب اقول لحضرتك حاجه
انا باخد دواء مضاد للحساسيه اسمه كلاريتين من زمان
فجأه دكتور آخر نصح بعدم أخذه نهائياً لأنه به كورتيزون
ونصح ببديل له اسمه زيرتك بيسبب لي هبوط فظيع
سألت في الصيدليه لأني باخده من فتره طويله
واتخضيت من الكورتيزون ومضاره
الدكتور الصيدلي اكد لي انه مفيش فيه كورتيزون !!!!!
والله اعلم ايه الصح
آراء كتير متناقضه والله أعلم بالنوايا
حضرتك دا نموذج للجدل الذى اثير عن الموضوع و ليس اصل الموضوع طبعا لان اصله على المواقع الاجنبيه و بالانجليزى
و انا فى رابع مشاركة ليا فى الموضوع قلت رأيى و بلاش تفاصيل اكتر وذلك من واقع عملى فى مستشفى حميات و تعاملى مع حالات انفلونزا طيور وخنازير !!
و حضرتك حر طبعا تأخذ التطعيم او لا و تعطيه لمن تشاء
و انا لما قلت وجهة نظر... مقتبستش كلام حضرتك ...يعنى قصدى على رأيى انه و جهة نظر
و الموضوع مش علمى بحت لان دا تطعيم اختيارى و طالما اختيارى يبقى يخضع لوجهات نظر الطبيب المعالج لكل حالة هل ينفع او لا ينفع
و انا قلت برده ان اللى ياخده للشديد القوى يعنى من غيرة هيتبهدل !!!
طبعا لا ينصح بالتطعيم لشخص مناعته ممتازه و دا لا يختلف عليه أحد لانه ببساطة مناعته ممتازه و معندوش مشكلة
و أشكر لحضرتك وصف أى حد شارك فى الموضوع بكونه بيفكر بسطحية لان دا منتدى عام و كل واحد حر فى رأيه سواء سطحى او عميق طالما التزم حدود الادب فى الحوار و لم يسفه رأى أحد آخر و لم يلزم به أحد
حضرتك انا لم اصف احد اطلاقا بكده واللي بيحب يصدق على نفسه كلام يصدق انما حضرتك لو دارس حاجه اسمها سيكاتري كنت عرفت ان في حاجه اسمها كونكريت ثنكنج (التفكير السطحي) وان لما نكون دكاتره ونفكر بشكل غير علمي فده فيه سطحيه
انما انا عمري مقلت على حد انه تفكيره سطحي
انا لا يوجد بيني وبين حضرتك اي علاقه سابقه عشان اهزر معاك فما بالك اني اقول حاجه كده
عموما
انا آسف لو حضرتك فهمت كلامي خطأ
وبكرر قصدي ان ميفنعش نكون دكاتره ونقول ان التطعيم بيستهدفنا والا بقا نوقف كل التطعيمات مهي من باب اولى تتضرب لانها اجباريه ونخلي مرض زي إلتهاب الكبد يموتنا لمدة 1000 سنه جايه
عادي جدا
تقبل تحياتي وليكن الخلاف لا يفسد للود قضيه....
صاحبة الموضوع
اطمنك ان الكلاريتين لا يحتوي على كورتيزون
وممكن الطبيب اللي قالك انه يحتويه اخطأ وكلنا بشر نصيب ونخطئ ولو كان كورتيزون كان لما وقفتيه حصل مشكله كبيره
لكن متقلقيش ده دوا تركيبته العلميه معناها انه مضاد لمستقبلات الهستامين ودي حاجه عاديه جدا واعراضه الجانبيه طفيفه جدا
وعايزة احين كلام وبعده فعلا انا مش هخش الموضوع
صلي استخاره تاخدي المصل ولا لأ ولو ربنا كاتبلك الخير فيه هتاخديه..........
تحياتي