انا بعتذر لكم جميعاً إذا كان استفساري تسبب في جدل بدون داعي
متشكره يا دكتور جدا على اهتمامك
وبخصوص الكلاريتين انا لم اتهم الطبيب بشيء وقلت الله أعلم بالنوايا
ولكن استغربت انه اكد على ان به كورتيزون
معذرة مش فاهمه المقصود بالجمله اللي تحتها خط
عرض للطباعة
الجمله خطأ مطبعي
وكنت عايز اقول ان آخر كلام عندي انك تصلي استخاره وتأكدي انه لو المصل فيه خير هتلاقيكي رحتي وخدتيه ولقيتيه بيتباع حتى في صيدلية تحت البيت
اما لو فيه شر فربنا مش هيخليكي تاخديه اطلاقا لان ربنا مبيخترش لحد حاجه وحشه....
وللعلم
علامة استجابة الاستخاره هي تيسير الامر
مهواش راحة نفسيه ولا احساس ولا حاجه من الكلام ده
انما الخير هوا اللي هتلاقيه ميسر ليكي وهتلاقيكي عملتيه بكل سهوله ويسر
وفي المقابل لو حاجه ربنا مش كاتب فيها الخير تلاقيها بتتعقد فمثلا تروحي تاخدي التطعيم يقولولك خلص
او يقولولك انه مش موجود الا في مكان متعسر بالنسبالك
وفقنا الله لكل ما يحب ويرضى
تحياتي
على فكرة السنة دي انا و بنتي اخدنا التطعيم و مراتي حامل ما نفعش تاخده
جالها انفلونزا
مش عايز اقول لك على الالام بتاعة تكسير الجسم و المفاصل و العظام و الصداع ده غير السخونية الرهيبة و الكحة و غيرها
كل السنين اللي فاتت اما كانت بتاخده كانت بتبقى متضايقة و متضررة اني مصمم انها تاخده
بعد اللي حصل لها السنة دي حلفت لهتاخده زي الالف كل سنة من نفسها
تخيلي بقى لو انا و بنتي مش متطعمين ..... كان زمان البيت كله اتروق ......
الوقاية خير من العلاج .... و نحمد الله على التطور العلمي اللي خلانا نقدر بحقنة بسيطة تمنها ملاليم نتقي شر الانفلونزا لموسم كامل
بالمناسبة لو حضرتك عندك حساسية من البيض مش هينفع تاخدي التطعيم لانهم بيربوا الفيرس في مزرعة من البيض .....
و دي صورة باعراض الانفلونزا ربنا يكفينا شرها
http://upload.wikimedia.org/wikipedi..._influenza.svg
كانت أول وآخر مره
الصوره مش ظاهره
الف سلامه على زوجتك ربنا يتمم شفاؤها
انا اخدت التطعيم مرتين قبل كده
مره منهم كنت مسافره اعمل عمره في آخر رمضان
وفرق جداً معايا ووقاني من العدوى هناك
بس مش باخده كل سنه
وفكرت اخده السنه دي لأن السنه الماضيه اخدت دور قاتل وطويل
مش ناسيه توابعه المؤلمه
بإذن الله هاخده قريباً
معذرة مش فاهمه موضوع بيربوا الفيرس في مزرعة بيض ...... ده بجد؟
طيب جربي حضرتك تخشي عاللينك دي
File:Symptoms of influenza.svg - Wikipedia, the free encyclopedia
و أيوة الفيروس بيربوه في مزرعة بيض ...... ماهو لازم نحط الفيرس في بيئة قابلة للنمو بتاعه عشان يتكاثر فيها عشان يقدروا يكتروا عدده عشان يكفي ملايين الجرعات اللي بتتصنع عشان مختلف دول العالم
http://en.wikipedia.org/wiki/Influen..._manufacturing
اقتباس:
Flu vaccine is usually grown in fertilized chicken eggs.
As of November 2007, both the conventional injection and the nasal spray are manufactured using chicken eggs.