أنا ياجماعة عربيتي بترقص رقص غريب في المطبات وخصوصا شرايط المترو اللي ماليه مصر الجديده شرقا وغربا....وبالتحديد الشريط أبن اللذينه ده اللي عند ميدان السبع عمارات!!!!!بجد شريط حسبي الله ونعمه الوكيل في اللي عمله !!!!!!!!! وكمان اللي ألعن منه اللي عند ميدان هليبوليس وانت جاي من شارع عبد العزيز فهمي وبتعديه عشان تدخل شارع الحجاز في أتجاه روكسي.....بجد والله بقعد أعدي فيه بتاع خمس دقائق واللي ورايا بيبقي عايز يولع فيه بجاز وبنزين وسولار وكل المواد الشديدة الاشتعال........غيرت طقم بللي أمامي بأيطالي جديد وكمان غيرت السرتين اللي بيركب فيهم البللي (اللي هما بيتربط فيهم الاربع مسامير بتوع العجل) بالاضافة لتغيير السوست والمساعدين بمونرو أسباني بالضمان.....وبرضوا الرقص شغال علي ويدنوا!!!!!مش فاضل غير أني أحزم الشنطة وأحط عليها فيونكه وتبقي أجدع من سهير زكي في زمانها!!!!!!! قولت يمكن أسكاترا طيب وقفت علي جنب وبطلت العربية ووأبتديت أحرك الدركسيون يمين وشمال بالراحه أوي وكنت متابع حركة العجل والحمد لله العجل كان بيتحرك مع أقل حركة من الدركسيون....والمقصات بتاع الزوايا قاللي كويسين هما والبارات بتاعة الدركسيون....طيب ماهمو كده أحنا لفينه علي العفشة كلها من الالف الي الياء ...الا أن أدائها زي الزفت والقطران دا غير أني بعد ال60 بلاقي الدركسيون عمال يتنطط فوق وتحت ويمين وشمال وكانه هينط ومعاه التابلوه من مكانهم....... ومحدش يقولي رصص عشان هما لا بيرصصوا ولا بيتهببوا !!!!!!غيرت تليفونين مقص ورا وبرضوا مفيش فايده !!!!!!بس انا عندي معلي العربيه من قدام بعلايات مرسيدس فهل ممكن يكون ده السبب؟؟؟؟وهل من الممكن لما أجي أشيل العلايات دي أقص بالمره حلقتين من كل سوسته عشان أوطي العربيه وبالتالي يديها ثبان أكتر في المطبات وفي الملفات؟؟؟؟؟؟؟ ياريت اللي عنده 128 وحصله اللي بيحصلي مايبخلش علينا بالمعلومة ولو حتي شايفها بسيطة ممكن تفيدني أوي أوي