عربيتي أجدع من دينا!!!!!!!!!!!!!!!

**zastaffa** · 09-12-2010 12:25 PM

معلش أنا كتبت مرتين عشان كنت فاكر أن المشاركة رقم 19 منزلتش ......وجيت أمسح اللي نزلت بعديها معرفتش.....أسف معلش

**zastaffa** · 09-12-2010 12:28 PM

معلش أنا كررت الكلام في المشاركة الاخيرة عشان كنت فاكر أن المشاركة اللي قبليها (رقم19) منزلتش ......وجيت أمسح المشاركة الاخيره بس معرفتش.......أسف معلش

**zastaffa** · 09-12-2010 12:43 PM

معلش انا كنت فاكر أن المشاركة رقم 19 منزلتش فكتبتها تاني .......بعد كده عرفت أنها نزلت فجيت أمسح المشاركة الاخيره بس معرفتش......أسف معلش

**zastaffa** · 10-12-2010 03:15 PM

شوفوا بره بيعملوا أيه في شاسيه ال128.....بيخلعوه ويعملوه من جديد بمنتهي البساطة......أدي شاسيه ال128 اللي مافيش واحد معاه الا وعامله هسهس..........ع رأي عمرو أديب[youtube]fiat 128 iava(armado de mi iava -parte 1)-nyc-...[/youtube]

**zastaffa** · 10-12-2010 04:59 PM

هو المنتدي ماله؟؟؟المشاركات مابتوصلش ليه؟؟؟ وأيه اللخبطه دي كلها؟؟!!!!!!!!!!!!!!!!!!!

**aYaBooY** · 10-12-2010 11:02 PM

حضرتك معاك عربية اجزاء الشاسيه كلها بتتباع جديدة يبقي الستارة لا طبعا اكيد فيه منها جديد
و الشمعدان فيه منه جديد كل حاجة فيه منها جديد
و سيبك من موضوع الاستيراد كله فك و متظبط مفيش استيراد
بالعقل اخر عربية 128 تم انتاجها في اوروبا سنة كام

**zastaffa** · 11-12-2010 03:30 AM

أنا روحت النهاردة أسأل علي الصاج وأتصدمت صدمة جامده أوي يا جدعان......أليكم البيان التالي:
1_جوز رفارف يمين وشمال أمامي ب300جنيه!!!!!أه والله300جنيه وبيقولي أصلهم أصلي
2_سدر أمامي(اللي هو بيركب فيه الفوانيس والشبكة)ب340جنيه!!!!برضوا بيقولي أصلي
3_قنطرة أمامية(اللي هي بيتلحم فيها الركبتين اليمين والشمال وبيتربط فيها الشدادات اللي جايا من علب المقصات).......مفاجأه........40جني ه بس
4_جوز ركب.....30جنيه......ومافيهاش أصلي ولاما أصليش
خدوا الجايه دي بأه................مافيش حاجه أسمها ستارة أماميه....لأنها أصلا بتيجي حته واحده مع السدر اللي هو كما ذكرت ب340.جنيه........والمقصود بالستارة هو الجزء الاسفل من السدر اللي هو بيبقي طالع منه شدادات الاكصدام.....أنما طبعا مافيش حاجه أسمها الستارة تتباع لوحدها ....لأنها هي والسدر قطعة صاج واحدة

**zastaffa** · 11-12-2010 03:34 AM

ع العموم أنا مش هاعتبر الاسعار اللي فاتت دي حقيقية الا لما أروح عند محل المواردي اللي في ممر متفرع من شارع ذكي بالتوفيقية....صاحب المحل راجل كبير أنما طويل البال أوي ومحترم وبيجاوب الواحد حتي لو مش هيشتري.......وعنده صاج ال128 كله حتي اللي مايخترش علي بال حد

**aYaBooY** · 11-12-2010 02:47 PM

يا عم تشتري ستارة جديدة ليه لو الي عندك خلصانة اي سمكري يعملهالك مرمة سهلة جدا
و نصيحة اول لما جبت المرحومة 128 كنت بدلعها و بعملها كل الي نفسها فيه و مكنش بيطمر بس لما ابتديت اديها بالـ .... و اعملها ارخص حاجة بقت زي الـ ..... بس ديه عربية بجد متتقنيش فحاول بقدر الامكان تصرف عليها اقل قدر ممكن

**zastaffa** · 12-12-2010 01:19 PM

علي فكرة شاسيه ال128 اللي تاعب كل أصحابها يعتبر من أتفه شاسيهات العربيات في العالم.....بمجرد فك الماتور والفتيس تلاقيه مجرد علبتين طوال يمين وشمال وفي نهاية كل علبه ملحوم ركبه ....ومقفولين بقنطرة بالعرض.....واللي أكتشفتوا أمبارح لما روحت للحداد أشيل ورقتين من السوسته اللي ورا .....أنه كان عنده عربية 128 عملها شاسيه من أول وجديد وكله بقطع غيار جديده لانج....حتي العلب ...جايبها جديده جاهزة.... مش مفصلها هو علي أيده والكلام العجن ده!!!!!! وطالعه بسم الله ماشاء الله ولا الزيرو .....أصلي ال128 أي سمكري حتي لو حمار بيشتغل فيها....لأنها من كترها بقي كل الصنايعيه حافظينها وفي منهم عاملين فيها دكتوراه !!!! وزي مابيقولوا التكرار يعلم مين؟؟؟؟