ممكن مساعدة فى اكصدام ابيزا 1998

**sadangel_6306** · 06-12-2010 05:40 PM

مساء الفل على رجالة نايل موتورز
انا عندى استفسار على شان عاوز اجيب اكصدام ابيزا جديد انتوا طبعا عارفين ان اكصدام الابيزا الخلفى لموديل 98 راكب على صاج وبقيت الصاج نازل لتحت من ورا فكونت بسال ينفع اشيل الصاجة بالكامل من ورا واجيب الاكصدام اللى بيدارى عليها او الاكصدام زى ما بيقولوا يغطى على الصاجة بعد لما اشيلها

**sadangel_6306** · 06-12-2010 11:23 PM

اية يا خوانا محدش معاة ابيزا ولا انا دخلت المنتدى غلط ولا بتكلم فى حاجة حرام يعنى شايف مشاهدات ومحدش هاين علية يرد طيب حطوا نفسكوا مكانى

**ahmedtunning** · 06-12-2010 11:40 PM

متاااااااااااااابع

**sadangel_6306** · 08-12-2010 02:52 PM

انا بشكر بجد رجالة نايل موتورز على الرد الكبير اللى لقيتة وبجد اثبتوا انكم بتساعدوا اللى محتاج مساعدة وبجد جزاكم الله كل خير بس بيتهيقلى انوا كان سؤال عادى مش سؤال محرج ولا حاجة وشكرا الف شكر

**windofchange** · 09-12-2010 04:24 AM

صراحة السؤال مش مفهوم وتشيل الصاجة اللي تحت الاكصدام ليه؟ وتصدق بايه انا لسه شايف الموضوع دلوقت ياريت مزيد مالتوضيح ونصبر علي بعض لأن كل واحد معاه عذره وله ظرفه

**sadangel_6306** · 09-12-2010 07:22 AM

المشاركة الأصلية كتبت بواسطة sadangel_6306

مساء الفل على رجالة نايل موتورز
انا عندى استفسار على شان عاوز اجيب اكصدام ابيزا جديد انتوا طبعا عارفين ان اكصدام الابيزا الخلفى لموديل 98 راكب على صاج وبقيت الصاج نازل لتحت من ورا فكونت بسال ينفع اشيل الصاجة بالكامل من ورا واجيب الاكصدام اللى بيدارى عليها او الاكصدام زى ما بيقولوا يغطى على الصاجة بعد لما اشيلها

انا قصدى ان اكصدام ابيزا 1998 رفيع مش كلة فايبر بيبقى راكب رفيع وبقيت الاكصدام من ورا فى صاج نازل لتحت مبيبقاش فايبر كامل زى موديل 99 او 2000 كلة فايبر زى تخيل كدة اكصدام من فوق فايبر ومن تحت او بقيتة صاج ودى واضحة واسف على الاطالة واتمنى المساعدة

**alzelafy** · 17-12-2010 06:04 PM

الموضوع صعب فهمه للاسف انتا فى دماغك حاجه معينه او تعديل معين لعربيتك روح لواحد بتاع فيبر و سمكرى و هما هيعملولك اللى انتا عايزو و كل حاجه تنفع

**waelms3** · 18-12-2010 11:39 AM

انت بتكلم على موديل 94 عشان الاكصدام فى جزء ماشى مع بودى العربية وجزء بيركب فوقيه عادى حضرتك حتروح لسمكرى هيشلك الجزء ده وتركب الاكصدام التانى ديركت صح مش هو ده قصدك

**behman** · 18-12-2010 05:05 PM

ممكن تركب اكصدام ال 98 من غير ماتشيل الصاجه اللي بتقول عليها دي
كل اللي هاتعمله انك هاتظبطها من تحت مكان الهوك و الشكمان

**kete** · 18-12-2010 08:46 PM

أخى الفاضل من فضلك ركز ووضح مشكلتك بهدوء حتى ترى الحل من اخواننا الافاضل هنا لاننا والحمد لله فى المنتدى هذا المحترم بنتعاون تعاون تام ارجو الايضاح حضرتك عايز ايه بالضبط ؟؟؟؟ لانى بجد مش فاهم سامحنى لو سمحت ؟؟؟