الموضوع ده صح ولا غلط ارجوكم؟؟؟؟

ازيكم يارجاله النهارده روحت للميكانيكى علشان اغير طلمبة الميه عشان ماتت مرة واحده وبالمرة غيرت سير الكاتينة والدينامو والتكيف المهم اثناء الميكانيكى وهو شغال لقيته ماسك حاجه كده من العربيه مش عارف هى ايه وبيعمل فيها حاجه بالبنسه فبسألة انت بتعمل ايه قالى انا بلغيلك السخن لانه ملهوش لازمه وبيسخن العربيه وبالغائه حتلاقى العربيه حرارتها احسن واداء التكيف البارد حيبقى اقوى المهم ان بعد انتهاء الشغل وا نا ماشى لقيت موءشر الحراره فعلا مش بيرتفع بسرعه زى الاول والسوال هل الموضوع ده صح ولا غلط :U_thin1[1]::U_thin1[1]:

لو كان ماسك افيز بتاع خرطوم يبقى هو لغى سخن التكييف وانا عندى بتاع السخن ملغى بردة

لا طبعا غلط لأنه شال التيرموستات بتاع الحراره وده المسئول عن غلق دائره المياه لضمان ثبات درجة الحراره مما يؤدى الى ارتفاع كفائه المحرك فى فصل الشتاء خصوصا وكذلك للحفاظ على معدل استهلاك الوقود

يخرب بيت الفتى اللى فى الميكانيكيه ده حلفلى انه بيعملها فى كل العربيات حتى الموديلات الحديثه يعنى كده فى خطورة على العربيه ولا ايه؟؟؟؟؟

لا مافيش خطوره ولا حاجه بس معلش الراجل الى اخترع العربيه احسن من اى واحد فينا مش هنيجى احنا نعدل عليه ثم انه مش معقول ان كل العربيات مركبه التيرموستات دى وهى غلط وبالمناسبه دى موجوده فى موديلات قديمه انا كان معايا زمان عربيه فيات 132 وكان راكب فيها الثيرموستات دى وطبعا الفيات مش القمه يعنى عربيات اعلى منها كانت فيها من السبعينات بس الموضوع مايقلقش خالص مش اكتر من ارتفاع الاستهلاك وضعف فى السحب وهتغيب قوى على ماتسخن فى اول الدواره

اقتباس:

---

المشاركة الأصلية كتبت بواسطة mely

لا مافيش خطوره ولا حاجه بس معلش الراجل الى اخترع العربيه احسن من اى واحد فينا مش هنيجى احنا نعدل عليه ثم انه مش معقول ان كل العربيات مركبه التيرموستات دى وهى غلط وبالمناسبه دى موجوده فى موديلات قديمه انا كان معايا زمان عربيه فيات 132 وكان راكب فيها الثيرموستات دى وطبعا الفيات مش القمه يعنى عربيات اعلى منها كانت فيها من السبعينات بس الموضوع مايقلقش خالص مش اكتر من ارتفاع الاستهلاك وضعف فى السحب وهتغيب قوى على ماتسخن فى اول الدواره

---

انا بشكرك جدا على ردك واهتمامك بموضوعى بس انا عايز اعرف هو مكان الترموستات ده فين بالضبط وياترى تركيبها مقرف ولا سهل ومش حتاخد وقت ولك الف شكر

زى ما الناس قالت دا لغى الثيرموستات

لازم ترجعها قبل ما الجو يكون برد علشان العربية هتكون مش مظبوط

الى هيحصل معاك و انت ماشى ان فى الطرق المفتوحة هتلاقى مؤشر الحرارة نزل لتحت خالص و اول ما تدخل فى طريق زحمة العربية هتسخن تانى لان الهواء فى الطريق المفتوح ضارب فى الردياتير و مسقع المية و الثيرموستات مش موجودة علشان تمنع المية الساقعة من الدخول للمتور

وجهة نظرى ان اختلاف درجات الحرارة المفاجئ دا اكيد مش كويس على الاجزاء المعدنية للمتور

دا طبعا غبر الاستهلاك الزيادة للبنزين و انت مسافر لان المتور بارد جدا

لو مكنتش اخدتها منة اشترى واحدة جديدة اعتقد فى حدود 25 جم

الثرموثتات الذى تم الغائة هو لتثبيت درجة حرارة المحرك عند الدرجة المناسبة لاعطاء اعلى كفاءة ممكنة للاحتراق وللمحافظة على لزوجة الزيت بشكل مناسب صيفا وشتاء(الخواجة ادرى بشغلة---مش ممكن نعدل على اللى عملها)ارجعلة وخلية يركبها او روح لواحد تانى

اقتباس:

---

المشاركة الأصلية كتبت بواسطة sherif khalifa

زى ما الناس قالت دا لغى الثيرموستات

لازم ترجعها قبل ما الجو يكون برد علشان العربية هتكون مش مظبوط

الى هيحصل معاك و انت ماشى ان فى الطرق المفتوحة هتلاقى مؤشر الحرارة نزل لتحت خالص و اول ما تدخل فى طريق زحمة العربية هتسخن تانى لان الهواء فى الطريق المفتوح ضارب فى الردياتير و مسقع المية و الثيرموستات مش موجودة علشان تمنع المية الساقعة من الدخول للمتور

وجهة نظرى ان اختلاف درجات الحرارة المفاجئ دا اكيد مش كويس على الاجزاء المعدنية للمتور

دا طبعا غبر الاستهلاك الزيادة للبنزين و انت مسافر لان المتور بارد جدا

لو مكنتش اخدتها منة اشترى واحدة جديدة اعتقد فى حدود 25 جم

---

فعلا كلام مظبط وكان بيحصل معايا لما كنت بسافر مطروح كان مؤشر الحرارة بينزل تحت خالص وبمجرد أهدي شوية كانت العربية مؤشرها يعلى على طوول

انا بشكركم جميعا على ردكم عليا انا كنت بس عايز اعرف هوتركيبها مقرف يعنى حيحل الكاتينه تانى علشان لوكده حرحله هو يركبها وامرى لله اما لوتركيبها سهل حشتريها واخلى اى حد يركبهالى(حسبى الله ونعم الوكيل)

اقتباس:

---

المشاركة الأصلية كتبت بواسطة puyol

فعلا كلام مظبط وكان بيحصل معايا لما كنت بسافر مطروح كان مؤشر الحرارة بينزل تحت خالص وبمجرد أهدي شوية كانت العربية مؤشرها يعلى على طوول

---

طيب وحضرتك رجعتها تانى؟؟؟

اقتباس:

---

المشاركة الأصلية كتبت بواسطة mmmmgogommmm

الثرموثتات الذى تم الغائة هو لتثبيت درجة حرارة المحرك عند الدرجة المناسبة لاعطاء اعلى كفاءة ممكنة للاحتراق وللمحافظة على لزوجة الزيت بشكل مناسب صيفا وشتاء(الخواجة ادرى بشغلة---مش ممكن نعدل على اللى عملها)ارجعلة وخلية يركبها او روح لواحد تانى

---

you are right:Ta_clap[1]:

ربنا يتوب علينا من الميكانيكيه الفتايين دول

ركب الثرموستات فورا لانك كده هاتعدم الموتور...
هو ينفع انك تمشي علي سرعه 120 والعربيه بارده؟؟؟
ينفع تقرص علي العربيه في الصبح اول ماتدورها بون ان ياخذ المحرك درجه حرارته الطبيعيه؟؟؟
ده اللي هايحصل معاك في الشتا لما تسافر في البرد وتكون فاتح سرعه والعربيه بارده (اعلي معدل تاكل لاجزاء الموتور).
بس نصيحه لازم تركب الثرموستات الاصلي فقط

اقتباس:

---

المشاركة الأصلية كتبت بواسطة zaza2002

ازيكم يارجاله النهارده روحت للميكانيكى علشان اغير طلمبة الميه عشان ماتت مرة واحده وبالمرة غيرت سير الكاتينة والدينامو والتكيف المهم اثناء الميكانيكى وهو شغال لقيته ماسك حاجه كده من العربيه مش عارف هى ايه وبيعمل فيها حاجه بالبنسه فبسألة انت بتعمل ايه قالى انا بلغيلك السخن لانه ملهوش لازمه وبيسخن العربيه وبالغائه حتلاقى العربيه حرارتها احسن واداء التكيف البارد حيبقى اقوى المهم ان بعد انتهاء الشغل وا نا ماشى لقيت موءشر الحراره فعلا مش بيرتفع بسرعه زى الاول والسوال هل الموضوع ده صح ولا غلط :u_thin1[1]::u_thin1[1]:

---

اقتباس:

---

المشاركة الأصلية كتبت بواسطة fosfos010

لو كان ماسك افيز بتاع خرطوم يبقى هو لغى سخن التكييف وانا عندى بتاع السخن ملغى بردة

---

+1
هي الحرارة عندك بعد التعديل بتوصل للدرجة الطبيعية ولا !!!
تحسن التبريد عندك نتيجة لتبديل طرمبة المايه
لو كان لغي الثيرموستات طبعا ركبها تاني ده الأصح للموتور.

لو كان لغى السخن بتاع التكييف يبقى مفيش مشاكل

لو شال ثرموستات الحرارة يبقى دة غلط و لازم ترجعها تانى

MMamdouh

انا بشكركم جميعا على اهتمامكم بموضوعى ولكم جميعا جزيل الشكر المهم اقولكم على اللى حصل انا روحت للميكانيكى وطبعا جبتلهترموستات جديدة اصلى وركبهالى والعربيه رجعت لحالتها والحمدلله تانى يوم قلت اجيب ميه خضرا واروح انضف دورة التبريد المهم الراجل ابتدى يركب الخراطيم فى العربيه ومره واحدة لقيته بيقولى الترموستات ده بيعلق او بايظ يادى النيله:_Alshmokh08[1]: ياعم اتأكد قالى انا عارف بقول ايه روح للميكانيكى خليه يشلهالك احسن لا ن هى ملهاش لازمه عندنا وبتسخن العربيات ونفس الكلام تانى المهم روحت لميكانيكى جنب البيت وحكيتله اللى حصل قالى طب سيب العربيه دايره ربع ساعه ونشوف المهم سبتهاحوالى 30دقيقه وجه بص فالى العربيه زى الفل والترموستات شغال لان سخونة العربيه والخراطيم عاديه والميه بتتقلب كويس يعنى كده الدورة والحراره مضبوطين طبعا روحت ونزلت بليل اخدت مشوار بالعربيه داخل البلد والحمدلله الموشر طبيعى تحت النص والعربيه حرارتها طبيعيه دلوقتى اتاكد ازاى ان الترموستات سليم واحط الميه الخضرا ازاى انا اسف تعبتكم معايا :majd(4):

لو الثرموستات مش سليم العربية هاتسخن اعلي من المعدل الطبيعي
وده هيبان طبعاً في مؤشر الحرارة

وفي اهم موضوعات القسم موضوع عن تغيير مياه دورة التبريد راجعه وستعلم كيفية تغيير المياه

اقتباس:

---

المشاركة الأصلية كتبت بواسطة tarek_2005

لو الثرموستات مش سليم العربية هاتسخن اعلي من المعدل الطبيعي
وده هيبان طبعاً في مؤشر الحرارة

وفي اهم موضوعات القسم موضوع عن تغيير مياه دورة التبريد راجعه وستعلم كيفية تغيير المياه

---

شكرا على ردك وانا فعلا شوفت موضوع تغير ميه الريداتير بس بصراحه خايف اعمله بنفسى

مفيش حد بيقدر يعدل علي الخواجة...................الا ما يكون خواجة زية للاسف الشديد..............

اولا انا بس فيه حاجة مش فاهمها ، لو قام بالغاء التكييف السخن فقط و لا قام بالغاء حاجة تانية

فى الحالة الاولى حتلاقى معظم الناس عملها و انا منهم ذلك لعدم الحاجة للتكيف السخن و لان دائرة التسخين بالنسبة للتكيف كانت بتسبب فى وجود رشح على الصدر بتاع العربية و قام الميكانيكى بنصيحة بالغاء التكييف ا لسخن لتجنب القيام باصلاح سربتنينا السخن فى مقابل وظيفة لن استخدمها و هى تشغيل التكييف على الهواء السخن . و قمت بذلك و الامور طبيعية و مفيهاش مشاكل


بالنسبة للحالة التانية و هى الغاء الثرموستات انا قمت بيها لفترة بسبب ان الميكانيكى قالى مفيش ثرومستات فى السوق اصلى بعد تلف بتاع العربية الاصلى ، و فضلت على كدة بتاع 3 شهور كدة و بعدين ركبت ثرموستات عادية و قولت لما يبوز ابقى اغيره احسن من انى الغيه خالص ، طبعا اتذكر ان تغييره كان بيستلزم فك عدة اشياء و هى تتزامن مع تغيير سير الكاتينة . بس خلى بالك الثرموستات لما بتقفش او بتتلف بتمنع المية انها تكمل فى دائرة التبريد و تتسبب فى ارتفاع حاد فى حرارة الموتور ، اتذكر ان اول مرة اشوف اللانوس توصل لفوق الخط الاحمر بمراحل بسبب تلف الثرموستات الاصلى الاولانى و كنت باضطر اقف كل 3 دقايق ابرد العربية لحد ما عرفت اوصل للميكانيكى


ارجو ان تكون المعلومات التى ذكرتها لك صحيحة و هى من الذاكرة ممكن تكون تحت بند الصح و الخطأ

تقبل تحياتى

اقتباس:

---

المشاركة الأصلية كتبت بواسطة zaza2002

المهم الراجل ابتدى يركب الخراطيم فى العربيه ومره واحدة لقيته بيقولى الترموستات ده بيعلق او بايظ يادى النيله:_Alshmokh08[1]: ياعم اتأكد قالى انا عارف بقول ايه روح للميكانيكى خليه يشلهالك احسن لا ن هى ملهاش لازمه عندنا وبتسخن العربيات ونفس الكلام تانى

---

يا عم فكك من الحمير دى و خلليك فى الكلام الصح اللى فى القسم هنا... 99% من الناس دى بهايم ولا تعرف حاجة عن اى حاجة و كل واحد بيسمع حاجة بيرددها زى البغبغان عشان يعمل عليك انه فنى و بيفهم و كدة

MMamdouh