لمبت التشيك بتنور

**sniperfox** · 07-12-2010 02:58 AM

عندى مشكله عجيبه من بعد مغيرت الفتيس ولمبت تشيك انجن بتنور وتطفى على فترات متباعده مشعارف ده ممكن يكون من ايه كنت عاوز اعرف حد عنده كمبيوتر كشف اعطال ويكون اوريب من مدينت نصر او مصر الجديده او الرحاب

**zalantaheee** · 07-12-2010 09:14 AM

روح الحرفيين يا باشااااا

حضرتك تيجي من عند موقف العاشر و تسيبه وراك و تكمل علي طول اتجاهك جسر السويس و اول حاجة ع اليمين بنزينة شل تسيبها و تمشي علي نفس الصف و متطلعش الكوبري هاتلاقي اول يمين هي مدينة الحرفيين تروح تكشف اعطال عند محمد علام اوبل او الشيخ هيثم و دي الناس الأضمن علي ما أظن....و الكشف 40 جنيه

**caboo_1** · 07-12-2010 10:13 AM

شوف يا ريس قبل ما تروح تكشف اعمل اللى هقولك عليه
هتفصل الفردة الموجب من البطارية والعربية مش شغالة طبعا وحطها على الفرده السالب(السالب ديه هتكون وصلة بالبطارية) ومتشلهاش قبل ربع ساعة واكرر قبل ربع ساعة لو شلتها ولا اكنك عملت حاجة وبعدين ركب الفردة الموجب بأنك تحطها وتركب المسمار بسرعه عشان لو حطتها براحة هدنها تشرذ منك ويبقى كدة ولا اكنك عملت حاجة
هتشغل الكونتاكت ولو بطلت لمبة الانجن يبقى كدة معندكش حاجة وده كانت مهيسة بس ولو دنها شغالة يبقى فى فعلا حاجة وروح اكشف كمبيوتر
(((((((((( واسأل مجرب)))))))))))

**sniperfox** · 07-12-2010 10:47 AM

اللمبه مش منوره على طول هى بتنور وتطفى سعات وانا ماشى ولم بتنور بيبقا السحب زفت والعربيه بتستهلك بنزين اكتر فكونت عاوز اعرف الكمبيوتر مسجل ايه علشان اعمله واريح دماغى

**zalantaheee** · 07-12-2010 11:00 AM

غالبا حساس كامة لأن دا بيحصل عندي و بيخلي العربية اعلي ار بي ام توصله هو 4

و بعد كده الموتور بيقولك ده اخري مفيش تاني......اكشف اعطال و حساس الكامة عندي في الفيكترا بي تمنه 250 جديد بس باظ تاني و بيقولوا الاستيراد احسن عشان الماني طبعا و تمنه 260 ده اخر مرة سألت عليه عند خطاب اوبل و انت داخل شارع المرسيدس في الحرفيين هايبقي علي شمالك و قبله ع اليمين العايدي اوبل برده