التكيف ضعيف

**kemoelord** · 27-03-2008 08:00 PM

السلام عليكم ,, طبعا انا دخلت في اول الموضوع وقرات اراكم وردودكم واليوم بس روحت اشوف موضوع المكيف فروحت لواحد كان معرفه الميكانيكي تبعي كان شغال يعني في مواضيع التكييف والكلام ده المهم انا قولت اخد رايه على سبيل المعرفه المهم قالي انت المكيف عندك كويس وفلتر التكييف مش محتاج يتنظف ومش حاجه بتسرب الحمد لله المهم انت ناقصك بس انك تشحنه فريون وكمان خليته يكشف على ضغط الفريون لاقه مظبوط فخليته يعمله وشحنه بالفعل ب 100 ج والمكيف فعلا بقى بارد عن الاول لكن في نقطه عاوز استفسر عليه وان هل مكيف اللانوس " 99 " او بصفه عامه قوة دفع الهواء فيه مش جامد يعني انا بحس ان الهواء الي خارج من المكيف مش قوي اوي علما بان لما زوده فريون البروده زادت ولا كده يبقى فيه مشكله عندي في المروحه الي تحت الطابلوة ,, ام الفلتر كده محتاج يتنظف واسف على الاطاله

**sokasoon** · 27-03-2008 09:03 PM

المشاركة الأصلية كتبت بواسطة ahmedateya

ممكن تقولي مفيم منين و بكام؟ و درجة كام؟

انا مفيم العربية من 9 شهور

مفيم عند شكيب اللى فى عابدين

الدرجة : 3

السعر : 150 جنية

**Sherif Khalifa** · 27-03-2008 09:52 PM

المشاركة الأصلية كتبت بواسطة kemoelord

وفلتر التكييف مش محتاج يتنظف ومش حاجه بتسرب الحمد لله المهم

لانوس 99 مفهاش فاتر هواء

المشاركة الأصلية كتبت بواسطة kemoelord

علما بان لما زوده فريون البروده زادت ولا كده يبقى فيه مشكله عندي في المروحه الي تحت الطابلوة ,, ام الفلتر كده محتاج يتنظف واسف على الاطاله

الايام دى مش مقياس لشدة التكيف علشان النهردة مثلا كان برد فا لو شغلت مروحة حتى هتحس ببرودة

**kemoelord** · 28-03-2008 07:21 PM

عندك حق يا استاذ " شريف " والله لان فعلا اليوم الي عملت فيه المكيف كان الجو فيه كويس غير ان انا لما عملته وشحنته كانت العربيه واقفه في ظل ومريحه حوالي ساعه فلما شحنته لاقيت بالفعل مبرد العربيه بالكامل لكن للاسف اليوم طبعا الجو قلب مره واحده وبقى فيه تراب وحر وكان الكلام ده بعد صلاة الجمعه فلما جيت اركب العربيه واشغل التكييف لاقيته مش مأثر وبردته مش عاليه فاتخنقت اوييييييي وقرفت من العربيه لكن على المغرب كده علشان مش بيكون فيه شمس والجو هدي شوي فالمكيف بيعمل تاثير فدلوقتي هل المشكله من ايه ؟؟؟؟؟؟؟؟؟؟؟؟؟؟؟!!!!!!!!

**mohsen** · 30-03-2008 03:59 PM

المشاركة الأصلية كتبت بواسطة Sherif Khalifa

النهردة جيت اجرب التكيف الكباس مشتغلش و اشتغل مروحة بس رحت للكهربائى علشان اكشف عليها لئيت الفريون كلة اتسرب و المشكلة كانت من البلف الى فوق كان بيسرب و الغطاء بتاعة مش محكم
جبت بلف جديد 30 جم
غطاء 10 جم
شحن فريون و بيحوط زيت فريون فى الاول علشان الكباس 120- جم
مصنعية 10 جم و شد سير التكيف
اجمالى 170 جم
الحمد للة النتيجة جيدة جدا حتا صوت الكباس اصبح اهدى من الاول بكتير

ممكن حضرتك تقول عملت الكلام ده عند مين وعنوانه ايه
هو بس موضوع ملفت للنظر ان مصنعيات الكلام ده كله عشرة جنيه فقط

**Sherif Khalifa** · 30-03-2008 04:40 PM

دا كهربائى على المريوطية فيصل
لو حضرتك هناك اوصفلك المكان بظبت

بالنسبة للمصنعية هوا معملش حاجة يتاخد عليها فلوس هوا فك بلف و ركب واحد تانى و و كشف على التسريبات بالصابون بعد ما شحنة هواء
الشحن ب 120 جم و دا اكيد كسبان منة بردة

**ElKattan** · 30-03-2008 05:30 PM

محمد جابر ده صنايعي كويس جدا وامين وعنده الشحن بمكن بووش زى اللى فى التوكيل والأهم ومابيفتحش شغل
فى شارع احمد حلمي محطة محمد فريد مشهور جدا هناك

**mohsen** · 01-04-2008 10:42 AM

المشاركة الأصلية كتبت بواسطة ElKattan

محمد جابر ده صنايعي كويس جدا وامين وعنده الشحن بمكن بووش زى اللى فى التوكيل والأهم ومابيفتحش شغل
فى شارع احمد حلمي محطة محمد فريد مشهور جدا هناك

ممكن موبايله لوسمحت

**ElKattan** · 01-04-2008 06:13 PM

بس عنوانه سهل وهو مشهور جدا هناك

**mohsen** · 02-04-2008 09:35 AM

المشاركة الأصلية كتبت بواسطة ElKattan

بس عنوانه سهل وهو مشهور جدا هناك

طب لو ممكن حضرتك تقول هو بيفتح الساعة كام الصبح يومى الجمعة والسبت

الموضوع: التكيف ضعيف

LinkBack

أدوات الموضوع

عرض

-

-

-

المواضيع المتشابهه

ركبت مروحة امام سربنتينة التكيف برده العربية بتسخن مع التكيف

العربية تقيلة مع التكيف والسحب ضعيف وغول بنزين

سحب ضعيف وصوت كركره مع التكيف

التكيف ضعيف

التكيف ضعيف

الكلمات الدلالية لهذا الموضوع

المفضلات

المفضلات

ضوابط المشاركة