تسعير دايو لانوس 2006

**Adahab** · 07-12-2010 11:19 AM

السلام عليكم

أرجو المساعدة في تسعير سيارة دابو لانوس سوداء موديل 2006 - 1500 سي سي، العداد 47300 كم فابريكة دواخل أما بره فهي مغيرة فانوس أمامي شمال (الشنب الجديد لسه بلونه المختلف) والإكصدام ملحوم في نفس جهة الفانوس، فيها تكييف وزجاج كهرباء وإنذار والمراية الشمال كهرباء واليمين يدوي، والجير مانيوال (عادي)، وحالة الكاوتش جيدة (واضح إنه الأصلي بتاعها لسه متغيرش)، الصالون نظيف (متغطي بفرش)...بقية جسم العربية نظيف جداً ما عدا بعض الخدوش البسيطة (ضريبة القيادة في مصر).

أرجوا الإفادة...وشكرا لكم.

**tarekmomo** · 07-12-2010 11:28 AM

سبب تغير الشنب اكيد حادثة وهل اثرت على الشاسية

**Adahab** · 07-12-2010 11:33 AM

الحادثة لم تؤثرعلى الشاسيه لأن الرفرف سليم وفيه بعض الخدوش اللي باين إنها قديمة من عمر العربية

**nour_nrc** · 07-12-2010 11:35 AM

41-42 الف تقريبا

**mmmmgogommmm** · 07-12-2010 12:22 PM

طالما العربية فيها شنب يبقى معلش اغرم 100جنية واكشف عليها فى التوكيل او اى مركز صيانة عندة بير تنزلوا تحتة وتتفرجوا او عندة رافعة يرفع بيها العربية وتتفرجوا

**Adahab** · 07-12-2010 12:51 PM

أكيد -إن شاء الله- هاخد العربية أفحصها قبل أي كلام .... بس كنت عاوز أعرف السعر اللي أتكلم فيه مع الراجل في حدود كام تفريبا...عشان أبقى على بينة.
ومتهيألي السعر اللي ذكره الأخ فوق قليل شوية؟؟؟
أرجو الإفادة

**M.Elgergawy** · 07-12-2010 01:07 PM

اولا الراجل اللي قال 41 42 عنده حق لأن العربية فيها شنب يعني ينزل من تمنها على الاقل 10000 جنيه وهي لو فابريكة برة وجوه موديل 2006 تعمل حوالي 52 53 يعني نفس الرينج وعشان لما حضرتك تيجي تبعها بعد كدا متخسرش فيها كتير ولو عايز رأيي بلاش تشتري عربية معيوبة خااااااالص ولو حتى ب 30000 جنيه

**mmmmgogommmm** · 07-12-2010 01:18 PM

لو مفيهاش شنب واساسياتها سليمة وكبس موتورها لايقل عن 75/ ومش محتاجة رش دوكو لان رش الدوكو من 1500الى2000جنية----------لو هى مش محتاجة كل دة تبقى العربية 52000 كويس جدا لان موديل 2008متوسط سعرة 55000------ومتنساش انت لسة هتغير اكصدام او هتعالجة----------------ويا ترى لما هترش الشنب اللى هيجى يشتريها منك بعد كدة هيقوللك اية وياترى هتسيب الشنب من غير رش عشان تفهم اللى هيبقى يشتريها منك ان الحادثة اثرت على الشنب بس وانها مرشتش دواخ------صدقنى باالوصف دة 44000جنية يبقى فضل وعدل وتصرف عليها 3000جنية تبقى بوية وسمكرة تبقى وقفت عليك ب47000 وكدة رضا وتبقى عامل واجب مع البائع