اقتراح لحل مشكله فبره الدبرياج البلاستيك

**a4_han** · 12-12-2010 02:13 PM

شكراً يا aYaBooY

انا فعلا فكيت واير الدبرياج من الفبره بظلاديه

هجيب مفتاح 13 و هاحول افك الفبره

انا المساحه عندى ضيقه عشان علبه الفيوزات ساقطه وده مخلينا شغال بحرص شويه

**aYaBooY** · 12-12-2010 02:56 PM

فيوزات ايه في الحتة ديه ؟؟

**mido51eg** · 12-12-2010 03:15 PM

المشاركة الأصلية كتبت بواسطة a4_han

شكراً يا ayabooy

انا فعلا فكيت واير الدبرياج من الفبره بظلاديه

هجيب مفتاح 13 و هاحول افك الفبره

انا المساحه عندى ضيقه عشان [gdwl]علبه الفيوزات ساقط[/gdwl]ه وده مخلينا شغال بحرص شويه

علبة الفيوزات بتبقى قدام الركبة الشمال ... لو رجعت الكرسي لورا على الآخر اعتقد هتقدر تفك كويس.!

**mido51eg** · 12-12-2010 03:36 PM

المشاركة الأصلية كتبت بواسطة ayabooy

بص لو انت قريب من مدينة نصر ممكن نتقابل و اشرحلك حاجة تقدر تحطها مكانها عن طريق اكس و اتنين رمان بلي طبعا ممكن تكلفك في الاول بس اعتقد نتيجتها ان الدبرياج هايبقي اخف و عمر الحتة المعمولة هايكون اطول 3 مرات على الاقل من عمر الفبرة الاصلية

استاذ جوزيف هل الفبرة دي لها عمر افتراضي ... بمعنى انها تتغير على الكيلومتر ولا تتغير لما تتكسر ؟ والأكس والرمان بلي هل هضطر اعمل حاجة عند الخراط ؟ واذا كان ذلك كذلك اعملها ازاي ؟

**aYaBooY** · 12-12-2010 05:27 PM

رمان البلي هاتجيبة جاهز بالمقاس و الاكس هو الي هايتعمل عند الخراط طبعا
و البلى هو الي هايحتاج صيانة كل فترة انه يتشحم او يتغير لكن الاكس المفروض يكون عمرة طويل
و موضوع الرمان بلي ده علشان تسهيل الحركة و ده هايكون من نتائجة خفة للدواسة و عمر اطول للواير بتاع الدبرياج
بص انا المشكلة رسمته بس مش مجاش قدامس اسكانر علشان اعرف اعملة صورة و ارفعة

**a4_han** · 13-12-2010 12:03 AM

فك فبره الدبرياج

1- فصلت سلك الدبرياج عن الفبره ببنسه

2- فيه كلبس راكب على المحور خلعته بمفك عاده

3- بمسمار 8 وشكوك دقيت خفيف على المحور من اليمين -المحور راكب عليه دواسه الفرامل والدبرياج-

وديه شكل فبره معدن ممكن يتعمل زيها عن خراط

**aYaBooY** · 13-12-2010 03:00 PM

لا انا كدة كنت بتكلم على حاجة تانية خالص اسف جدا
بس القطعة الي انت مصورها سهل جدا تعمل زيها عند اي خراط مش هاتبقي معضلة بس يبقي معاك واحدة سليمة ينقل منها المقاسات
و اعتقد تكلفتها لن تتعدي الـ 200 جنيه و طبعا لو بقت معدن مش هاتبوز او مش هايحصلها اي حاجة لمدة طويلة
بس ممكن تكون سبب في قصر عمر الواير بتاع الدبرياج
و علشان النقطة ديه ممكن تتعمل قطعة فبر يريح عليها الواير

**a4_han** · 13-12-2010 04:49 PM

يهمنى اعرف كنت تقصد ايه عشان كلنا نستفيد ولا داعى للاسف على الاطلاق انت راجل خدوم جدا

انا رحت اشتريت الفبره النهارده ب30 جنيه من عندى الصرفى فى جسر السويس وركبتها ومفيش لحد الوقتى مشاكل الدبرياج تقيل شويه وده متعود عليها.

كنت اشتريت من حوالى شهرين من سامى فخرى نفس الفبره بى 90 جنيه

**aYaBooY** · 13-12-2010 07:23 PM

المشاركة الأصلية كتبت بواسطة a4_han

يهمنى اعرف كنت تقصد ايه عشان كلنا نستفيد ولا داعى للاسف على الاطلاق انت راجل خدوم جدا

الله يخليك ده بس من زوقك

المشاركة الأصلية كتبت بواسطة a4_han

انا رحت اشتريت الفبره النهارده ب30 جنيه من عندى الصرفى فى جسر السويس وركبتها ومفيش لحد الوقتى مشاكل الدبرياج تقيل شويه وده متعود عليها.

كنت اشتريت من حوالى شهرين من سامى فخرى نفس الفبره بى 90 جنيه

بص مش دايما هاتلاقي الحاجات الي عند سامي فخري كويسة و دايما في ارخص منه انا عن نفسي اتغشيت فيه قبل كدة بس يلا كلها حاجات بسيطة
عموما احمد ربنا القطعة الموازية للفبرة ديه عندي عبارة عن ماستر و تمنه 435 تقريبا
كان قصدي الفبرة الصغيرة الي راكب فيها اخر سلك الدبراياج فوق الفتيس من جوة الموتور و علشان كدة كنت مستغرب انك بتقول علبة فيوزات في الحتة ديه
بس لو حاسس ان الدبرياج تقيل ممكن تزيت الواير من الكبوت و يكون حد بيكارك على الدواسة من جوة