مشكله فى الدبرياج

**Ahmed Nouh** · 17-10-2009 01:04 AM

من فتره وانا عندى مشكله مزمنه فى دواسه الدبرياج

الدواسه بتعلى لوحدها ولما بوطيها وبتأكد كويس جدا من الربط عليها برده بعد حوالى 1000 كيلو تعلى تانى زى الوضع الاول وتبقى بتفصل فى اخر المشوار خالص , للأسف جربت الموضوع ده 3 مرات وكل مره بترجع زى ما كانت تانى

سحب العربيه ممتاز واستهلاك البنزين ممتاز والعربيه اساسا عامله 48 ألف كيلو وسواقه كلها هاديه ومعظمها سفر ولا فى حرق ولا جرى ولا طلعات امريكانى

على الجانب الاخر الاولانى والتانى ساعات بيعاكسو بس خفيف , ولو مثلا فى مره جيت اديها التانى بسرعه ومش ماسك الدواسه للأخر الغيار يطلع صوت , كذلك لما بنقل دايما احس بان النقله مش سلسه بمجرد ما افصل الحركه او ارجعها الاقى الاقى العربيه تتنطر لقدام كأنى سيبت الدبرياج فجأه حتى لو حسست على الدواسه ( مش عيب سواق على فكره :) )

اخر حاجه هى لو لسه طالع مثلا ونقلت من الاول للتانى بحس زى ما يكون فى مرجحه فى عمليه توصيل الحركه من الفتيس , هو انا مش عارف اشرحها قوى بس يعنى كأنى بدوس واسيب الدبرياج بسرعه جدا مرتين ثلاثه بس اقل حده يعنى ومحدش بيحس بيها لو راكب معاى

حد يعرف ايه ممكن يكون السبب ؟ هل ده عمر الاسطوانه انتهى ولا محتاج ابص على حاجه معينه ؟

للعلم بس العربيه انا اشترتها من واحد قريبى وكانت عامله وقتها ثلاثين وكسر , الراجل كبير وهادئ الطباع وسواقته عارفها من زمان هاديه جدا لكن لما خدتها منه كان الدبرياج عالى كدا

هل ممكن علو الدبرياج معاه طول الفتره دى يكون أثر على الاسطوانه ؟

وللعلم ايضا الفتيس محتاج يتغير له زيت فهل الموضوع ده ممكن يكون السبب فى كل الاعراض دى ؟

العربيه لانسر 1300 ( بومه ) , اسف على الاطاله

**MoMohsen** · 17-10-2009 01:15 AM

انا عندى نفس الاعراض بس بردة معرفش ايه السبب. يا ريت حد يقدر يفيدنا

**thedeveloper87** · 17-10-2009 01:47 AM

المشاركة الأصلية كتبت بواسطة ahmed0nouh

على الجانب الاخر الاولانى والتانى ساعات بيعاكسو بس خفيف , ولو مثلا فى مره جيت اديها التانى بسرعه ومش ماسك الدواسه للأخر الغيار يطلع صوت

خلي الميكانيكي يعلي الدبرياج شوية. هتلاقي الأول والثاني بقوا مرنين معاك والدبرياج هتلاقيه بقى طري شوية.

المشاركة الأصلية كتبت بواسطة ahmed0nouh

كذلك لما بنقل دايما احس بان النقله مش سلسه بمجرد ما افصل الحركه او ارجعها الاقى الاقى العربيه تتنطر لقدام كأنى سيبت الدبرياج فجأه حتى لو حسست على الدواسه ( مش عيب سواق على فكره :) )

العيب ده عندي برضه ونفسي ألاقيله تفسير

**Ahmed Nouh** · 17-10-2009 12:50 PM

المشاركة الأصلية كتبت بواسطة momohsen

انا عندى نفس الاعراض بس بردة معرفش ايه السبب. يا ريت حد يقدر يفيدنا

هو الاعراض دى عندك بقالها قد ايه ؟

المشاركة الأصلية كتبت بواسطة thedeveloper87

خلي الميكانيكي يعلي الدبرياج شوية. هتلاقي الأول والثاني بقوا مرنين معاك والدبرياج هتلاقيه بقى طري شوية.

يا باشا اساسا اصل الموضوع ان الدبرياج بيعلى لوحده وكل ما اوطيه العربيه تتظبط وتبطل تنطر وبعدين يرجع يعلى تانى

**thedeveloper87** · 17-10-2009 01:36 PM

ياباشا أنا مش قصدي الدواسة.
تعلية الدبرياج يعني إرخاء سلك الدبرياج قليلا.

**MoMohsen** · 17-10-2009 11:58 PM

هو الاعراض دى عندك بقالها قد ايه ؟

بقالها حوالى شهرين و بردة بحس ان البرياج عالى و الدواسه جامدة لدرجة انها وجعتلى مفصل رجلى

**Ahmed Nouh** · 18-10-2009 12:26 AM

المشاركة الأصلية كتبت بواسطة thedeveloper87

ياباشا أنا مش قصدي الدواسة.
تعلية الدبرياج يعني إرخاء سلك الدبرياج قليلا.

معلش مش فاهم , طيب هو ارخاء السلك هيعمل ايه ؟

اظن ان كدا هيبقى الوضع غير طبيعى , المفروض ان ميبقاش فى نطره والسلك زى ما هو انا بس محتاج اعرف العيب من ايه علشان اعالجه لكن كدا هبقى بسكنه

المشاركة الأصلية كتبت بواسطة momohsen

بقالها حوالى شهرين و بردة بحس ان البرياج عالى و الدواسه جامدة لدرجة انها وجعتلى مفصل رجلى

لا طالما الدواسه عندك ناشفه يبقى المرجح اكتر عندك انها تكون اسطوانه لكن عندى الدواسه ناعمه وخفيفه , الغريب بقى عندى ان فى اعراض طقم دبرياج ومع ذلك هو شغال بكفائه عاليه

**samirayad** · 19-10-2009 11:23 PM

الدواسه بتعلى لوحدها ولما بوطيها وبتأكد كويس جدا من الربط عليها برده بعد حوالى 1000 كيلو تعلى تانى زى الوضع الاول وتبقى بتفصل فى اخر المشوار خالص , للأسف جربت الموضوع ده 3 مرات وكل مره بترجع زى ما كانت تانى

بص يا أستاذ : أحمد
ونفس الكلام لأخونا : محمد

طالما عنده نفس الأعراض

أنت طبعا بتظبط الدواسه من الصاموله اللى راكبه على مسمار وراء الدواسه والصراحه مش متذكر أوى بيبقى فيه صاموله كنتره كمان وراء صامولة الرجلاش ولا لا

فا أحتمال تكون صامولة الكنتره مش راكبه وبعد مابترجلش
صامولة الرجلاش بتحل وبكده بتعلى الدواسه
وممكن يكون سن الصاموله أو سن المسمار اللى راكب على البراكت بدأ ينعم ويبوظ

دى الأحتمالات الكبيره
أن الدواسه تعلى لوحدها كده تانى بعد رجلشتها

**Ahmed Nouh** · 20-10-2009 12:25 AM

المشاركة الأصلية كتبت بواسطة samirayad

بص يا أستاذ : أحمد
ونفس الكلام لأخونا : محمد

طالما عنده نفس الأعراض

أنت طبعا بتظبط الدواسه من الصاموله اللى راكبه على مسمار وراء الدواسه والصراحه مش متذكر أوى بيبقى فيه صاموله كنتره كمان وراء صامولة الرجلاش ولا لا

فا أحتمال تكون صامولة الكنتره مش راكبه وبعد مابترجلش
صامولة الرجلاش بتحل وبكده بتعلى الدواسه
وممكن يكون سن الصاموله أو سن المسمار اللى راكب على البراكت بدأ ينعم ويبوظ

دى الأحتمالات الكبيره
أن الدواسه تعلى لوحدها كده تانى بعد رجلشتها

بالنسبه للصاموله اكدت على ربطها بعد كل مره بوطى الدواسه علشان دى كانت اول حاجه واحد صاحبى قالى عليها لكن برده بتعلى , يمكن فعلا يكون موضوع انها نعمت ده

طيب ده اعرفه ازاى يا بشمهندس

وشكرا جزيلا لحضرتك على ذوقك وعلى تعبك

**samirayad** · 20-10-2009 12:29 AM

أى صاموله بيبقى سنها ناعم وحلقت شويه بتلاقيها بتفوت وخفيفه فى الرباط
ونفس الكلام لسن المسمار اللى الصاموله بتربط عليه

وأنا شاكك فى الوضع ده فعلا
ولو فيه أمكانيه أنك تركب صاموله تانيه وراها (زى كنتره )
طالما فيه أمتداد لسن المسمار من ورا الصاموله (فماذا يمنع من تركيب صاموله تانيه وراها بعد ظبط الدواسه على الوضع الملائم )

الموضوع: مشكله فى الدبرياج

LinkBack

أدوات الموضوع

عرض

مشكله فى الدبرياج - انشر الموضوع فى :

-

-

-

-

-

المواضيع المتشابهه

مشكله في الدبرياج

مشكله فى الدبرياج

مشكله فى الدبرياج

مشكله في الدبرياج

الدبرياج فيه مشكله

الكلمات الدلالية لهذا الموضوع

المفضلات

المفضلات

ضوابط المشاركة