كنت من حوالى سنة غيرت قواعد موتور للعربية وكنت جايبهم من غبور ( قاعدتين بس القاعدة الكبيرة اللى على شمال الموتور وانت واقف قدام الكبوت والشداد .
القاعدة الكبيرة دي كانت بي 950 جنيه وقولت يا واد صون عربيتك وخليها زيرو دايما . وكمان بصراحة اعراض القاعدة دي رخمة اوي وهي رجة جامدة في جسم العربية كله والتابلوه والدركسيون والابواب كله بيترعش . المهم غيرتها والعربية فعلا رجعت كما كانت لكن للاسف القاعدة دي من شهرين كده وبدات الرعشة ترجع تاني .
عشان ماطولش عليكوا روحت اشتريت قاعدة كوري بس مش الاصلي بي 220 بلبل وركبتها امبارح عند المهندس هاني والعربية بقت زي الفل . حتى لو هاتعيش 6 شهور اهو بصراحة اوفر من غبور .